好似有唔少人「艇」緊呢隻:中油燃氣(603)(仲有中國電力(2380))

燃氣股,都有過一段不短嘅美好時光。

可能好日子實在太長,令大家都沉溺喺入面,總之好多人總有一隻半隻燃氣股係個倉入面,而更是不少人嘅「核心持股」

603最靚嗰段升浪已經在今年3月完結。之後呢半年,都是浮浮沉沉。

呢幾日,更連續下跌,近2日成交更明顯增加。求其打開張圖睇睇,「都幾樣衰下」⋯⋯

星期一(26號)出業績,睇下又會點?去到呢個位,就坐多日吧⋯⋯唔爭在。

呢尐股其實先輸死人,燃氣股喎,個個都讚好,又有增長,佢唔升姐都無跌呀(mid to long term計)!你渣住呢尐股,已經輸咗機會成本,磨足半年都係咁,依家仲要穿埋底,業績前先搞尐咁嘅嘢,我諗若非對其業績有充份了解及信心爆棚,一定唔會舒服得去邊。唉,唔係想抽水,只係慨嘆呢尐外表善良嘅股先令人輸得最甘。唔輸過錢點買到教訓呢?

中國電力(2380)好似都有不少人想買或者已經持有。你仲諗緊煤價下跌(或者KEEP住平)或者覺得水電仲有得去?業績好好喎,同比增長1.6倍喎⋯⋯ 我覺得2380已經唔sexy嚕,仲有,煤股彈緊啦都,煤價係咪有尐嘢呢?水電?雨季過咗一半有多啦?今年都落唔少雨啦,再增長係咪即係再落多尐?我唔敢講2380要gameover,但係,唔sexy嘅公司,做乜仲要買?我買股係好濫,但係同時都好揀擇,無幻想空間嘅股票,除非個圖好靚(因為我覺得無姐,但好有機會係我唔識嘢發掘唔到佢sexy個位),根本就唔應該買,就算買都唔會大注。

我咁講可能得罪不少人,而我亦只是一個成日輸錢兼有時好「燈」嘅小小老散,可能一出完POST第二日603同2380就即刻見底回升都未定。歡迎留言交換看法,多謝。

========================================
吹水區:

現在嘅我沉迷炒作,可能好快會炒到破產。可是,我又唔見得打著「價值投資」旗號嘅人又有邊個係勁到無倫,你有信心勝過雪球網或者中國內地嘅高手嗎?我純粹以個股分析而言,基本上,無乜邊個做到一樣買股票極之重要嘅嘢:前瞻性。

你拎份年報出嚟刨,好喇,你真係好熟間公司喇,得出既結論係間公司好好,值得持有甚至要加注。我好求其咁舉個例子,就手機股啦,前幾個月幾強勢大家都好清楚。手機股王,一定唔會無瑞聲科技(2018)份。之前就炒iphone啦(都好耐之前嘅事),之後話有三星訂單嘛,所以iphone嘅衰落仲有三星頂住,咁依家佢又做乜跌呢?兩大龍頭都幫襯佢喎⋯⋯我都唔知,我無研究亦從未買過2018,而我覺得佢要跌都合理。蘋果三星個份額可以講話係飽和咗,如果瑞聲過往嘅增長動力無以為繼,就算盈利保持到,但因為增長前景無以前咁好,調低earning multiple,由20倍變成15倍,都要唔見25﹪啦(如果純利不變)。我唔係話2018死梗,不過,如果做功課嘅程度仲未深入到可以預視佢未來嘅增長動力(即是發掘真正嘅價值),例如可能是知道佢仲有新客戶,或者新產品帶來新財路,或者身為龍頭嘅佢地位進一步鞏固,做成Oligopoly 寡頭壟斷嘅局面令到佢享有溢價(或者呢一點現時已經price-in咗),等等,即係諗唔到有理由要繼續升。如果隻股票諗唔到有升嘅理由,就唔好玩。如果覺得佢會升,但實情佢係跌,咁就要重新檢視自己嘅看法,永遠先尊重市場(如果掉返轉你覺得佢會跌但佢又升畀你睇都要重新再睇過)不過,太多人個self-esteem太強,做唔到快速修正看法,結果多數是輸死。

忽然覺得講完一大輪都講唔到重點⋯⋯

OK,用呢句做結論:如果你嘅研究並未能真正解釋到公司嘅業績股價嘅升跌,例如你仲係覺得間公司RUN得好好但股價已經回落咗好多,離場吧,我地做散戶最大嘅優勢係倉位細,易走鬼,咁都唔好好利用,太傻了。

以上全部都係我亂UP,重申,我從來無研究過2018⋯⋯

我呢尐亂UP全部係圍繞佢前景。如果講前景,手機界現時增長最勁係平價smartphone,以此思路去睇,我會揀台股聯發科(2454)。因為佢係專門研發平價手機解決方案,sony嘅中低階機都係用佢嘅出品,實質乜嘢係「解決方案」⋯⋯well,我無深究⋯⋯不過,睇下人地個股價表現,我相信市場已經話咗你知佢好唔好。

歡迎大家留言交流,多謝!

廣告
本篇發表於 , fatlone's view 並標籤為 , , , 。將永久鏈結加入書籤。

9 Responses to 好似有唔少人「艇」緊呢隻:中油燃氣(603)(仲有中國電力(2380))

  1. KELVIN 說道:

    機會成本真的要考慮,我地呢D小散,銀兩有限
    FATLONE兄還持有1126嗎? 我對呢隻比較有興趣 ^^

    • fatlone 說道:

      早前見形勢唔對路已經清咗。

      要撈,小注怡情好了。

      開數前最好唔好渣重貨。

      其實我都想撈,但好在仲未撈⋯⋯

  2. Kkchan 說道:

    請間1282 業績ok嗎?好像本業蝕多了,只靠炒股,謝謝

    • fatlone 說道:

      kkchan兄。我無深入研究1282,我可以分享我睇到嘅少少嘢。1282湯財都有買過,但係佢最後好似都是賺唔到錢沽咗,今年最勁嘅升幅都食唔到。連湯財兄對財務分析,甚至其他嘢都咁全面嘅人都睇唔到呢一點,1282我覺得就唔好咁多基本分析去睇。除非你是行內人,或者有強者為大家分析佢吧

    • fatlone 說道:

      補充一下,下一代iphone傳聞有指紋辨識功能,所以市場有炒過呢樣嘢,1282疑似有呢個概念⋯⋯

      可以循呢個方向留意下 🙂

    • fatlone 說道:

      Kkchan says:
      八月 25, 2013 at 7:11 am

      請間1282 業績ok嗎?好像本業蝕多了,只靠炒股,謝謝
      Reply

      fatlone says:
      八月 25, 2013 at 12:39 pm

      kkchan兄。我無深入研究1282,我可以分享我睇到嘅少少嘢。1282湯財都有買過,但係佢最後好似都是賺唔到錢沽咗,今年最勁嘅升幅都食唔到。連湯財兄對財務分析,甚至其他嘢都咁全面嘅人都睇唔到呢一點,1282我覺得就唔好咁多基本分析去睇。除非你是行內人,或者有強者為大家分析佢吧
      Reply
      fatlone says:
      八月 25, 2013 at 2:35 pm

      補充一下,下一代iphone傳聞有指紋辨識功能,所以市場有炒過呢樣嘢,1282疑似有呢個概念⋯⋯

      可以循呢個方向留意下 🙂

      FROM GREATSOUP:
      “補充番,我是對呢個老細失去左信心"

  3. stokecity10 說道:

    雖然沒有603,但你這篇文可以讓原本持有603的人避過今週的一劫。

    • fatlone 說道:

      走勢差就要先避其鋒⋯⋯剪錯好過要坐。越接觸得耐越覺得股市真係好危險⋯⋯

      BTW,stokecity兄,我平均價約1蚊衝咗入去603⋯⋯希望搏到反彈吧

      (我是見佢0.98沽唔落,兼且0.985已達100﹣wk ma先夠膽衝入去⋯⋯希望唔好瀨嘢!)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s