[個股跟進] 中集安瑞科 (3899) @ 2012 Apr 04

見#3899越來越多人關注, 出文衝一下人氣~

中集安瑞科#3899的幾個投資要點:

1)買#3899, 是買它的中國LNG(Liquefied Natural Gas, 液化天然氣)故事, 我相信這不僅僅是一個概念, 值搏的地方是美國頁岩氣令全球LNG價格下跌, LNG變成廉價而又潔淨的能源, 完全切合國家利益及方向。不像要靠補貼的新能源, 要等技術進步才有力與石化能源爭一席位, LNG的廉價是即時體現, 用多少就省多少, 利益最大化當然是加速LNG的建設, 而且少用一點煤就多一分綠色GDP, 乎合國情。燃氣股已成近來港股最強板塊, #3899份屬同門, 理應看高一線, 最近的表現是跑輸其他同門, 可能是年頭的升幅已巨, 透支了升勢吧… 話雖如此, 基於該股的市值較小, 而估值低了不少, #3899有力跑贏這些集中在下游的同業, 至少在未來兩三年是成立的

2)公司體質: 民企風暴令港股危機四伏, 身為中字頭的中集集團的子公司, 中焦安瑞科「妖度」相對降低不少。財務上整體健康, 現金流沒有問題, 應收帳正常, 沒有激進的擴張計劃令公司負債暴增。

3)估值: 4個幾的#3899, 不算廉宜又不算貴, 現階段的上升視乎市場對該股的情緒, 個人見到的TP由4.89至5.89不等, 這些數字全是在2011全年業績後REVISED向上調升, 始終累積了相當的升幅, 短期內可否抵達這些TP說不準, 景氣持續的話, 2012中報前應該可以達到。

4)潛在風險
– 雖然LNG的價格比起數年前跌了不少, 中石油等大公司對國內銷售仍需要補貼, 石油三雄的LNG投資直接影響了市場發展。不過, 依照目前的LNG接收站興建情況, 近兩三年的能見度相當高。如果LNG價格上升, 有機會令相關投資減少。清楚一點應該是相對於其他能源的價格上升, 只要天然氣仍是相對便宜, 國家都會繼續支持這種能源)

– #3899並不是LNG的PURE PLAY, 有相當大部份的利潤是來自化工裝備(罐式集裝箱), 而該部份的表現會受全球經濟影響, 景氣度波動很大, 整體盈利可見性要打折扣

– 流通量不高, 導致價差有時很闊, 未必適宜重注買入(對我來說就不是問題啦, 我的重注都只是很少的資金, 沽貨沒有難度~)

 

廣告
本篇發表於 , fatlone's view, 個股跟進 並標籤為 。將永久鏈結加入書籤。

12 Responses to [個股跟進] 中集安瑞科 (3899) @ 2012 Apr 04

  1. fatlone 說道:

    #3899最正路又比較理想既走勢係先係4蚊至5蚊之間CHOK一排, 之後突破橫行區間, 慢慢移上挑戰6蚊, 如果出臨中報果陣上埋6蚊, 再出個靚業績確定, 咁就靚仔喇 (純屬幻想)

    出左年報, 大家可以慢慢欣賞:
    http://www.hkexnews.hk/listedco/listconews/sehk/2012/0403/LTN20120403930_C.pdf

  2. 說道:

    3899近段走勢大起大落,適宜短炒波幅獲利機會大d,可惜自己買個價位唔靚,幾次都唔舍得走

    • fatlone 說道:

      你好, 鵬兄

      #3899要炒波幅都要相當耐性, 因價差頗闊, 要認輸市價盤沽閒閒地都要蝕3,4格

      如果要炒, 不妨等突破trading range再郁手, 如果貼市既話, 炒波幅亦都可以

      個人留意到, 4.1x近日都會有人掃返上去, 我本身入貨位都唔靚, 不過在4.0x至4.1x有入貨, 呢D注碼之後再4.4左右掛盤, 到價就自動獲利, 算係賺到餐茶, 其餘既部位暫時唔郁住

      你又點睇#3899? 不妨分享下~

      多謝光臨~

      • 說道:

        基本上系升一日,跌一日,今日仲要系逆市下跌,個人感覺,食之無味,棄之可惜。。。樓主又點睇?目標價幾多?我得萬6股,有時真系唔想同佢磨時間,有d後悔4.4無賣出

        • fatlone 說道:

          既然係咁, 就掛4.4, 睇下hit唔hit中, 如果現金比例唔多既, 沽貨渣多少少都好, 個市都唔知想點, 好難玩, 現價4.2都應該唔會好傷, 就算摸頂入最盡都係唔見10%

          其實佢走勢又唔算好壞既, 沽到一個自己舒服既倉位吧

  3. 說道:

    樓主,上落市為主,我覺得唔好套住資金系某只股票度,因為輸左時間值,我本人系唔適當噶時候短炒,唔適當噶時候長渣,短炒賺粒糖,長渣就輸間廠,3899我都鐘意佢業務噶獨特性,可惜真系冷左d,好少消息面
    系度,小弟想請教樓主189噶睇法,公司管理層套現不成功,連跌3日,接近20%,公司最高價9.xx,為何系歷史中間位選擇配售舊股,連利息都唔要呢?市場對管理層噶反應,應該股價已經表達左出離,如果管理層出小小利好,應該上升空間仲有水位
    唔知樓主點睇呢?本人想入翻d

    • fatlone 說道:

      #3899現價我覺得係只屬fair value, 除非真係知道佢營運情況, 等突破再入都可以, 確實可以唔使放係#3899度等, 假如你有好目標要出擊的話

      #189在9個幾最高位既市況同依家唔同, 果陣恒指都有二萬三, 所以可能呢一刻計7個幾都算唔錯, 講緊係十億既貨要沽出黎, 用到呢個價沽到都唔算差掛, 不過呢, 沽貨唔一定係好價先沽, 又或者可能大股東缺水, 自己太多私幫野要抽水, 湯財網既討論串資料好齊, 建議先去睇下再睇下買唔買得過

      我覺得有咁多人沽空, 應該點都會彈一下, 不過如果6蚊買左, 插到落4蚊先反彈上5蚊, 都係輸錢, 接飛刀遊戲我覺得難度頗高, 玩都係小注怡情好喇

      • 說道:

        頭先睇開股票,發覺北京機場股份,破左高位,而美蘭機場系地位徘徊,宜家考慮緊聽日開市直入357,樓主又有乜睇法呢?謝謝

        • fatlone 說道:

          鵬兄, 我無認究過呢2隻股票, 純粹直覺, 我認為北京機場股份既破頂, 未必係一個充分理由去支持呢個買入既決定, 尤其係兩者既走勢係完全相反, 如果大致上一致都可以話叫追落後, 以圖表走勢而論, 更加未能令人信服要買入, 咁可能係我功力未夠唔識睇。我唔排除買完會即升, 可能手風順既買乜升乜都未定, 我唔識既野唔敢亂講呀~ 真係對#357無研究, 不過佢走勢咁差, 真係要研究一下市場點解要咁反應?

        • fatlone 說道:

          不過前日既大成交的確值得留意下, 而5蚊水平亦係自去年11月以來都守得住, 信5蚊係支持位的話, 搏反彈的心態是可以一試, 嚴守止蝕吧!

  4. 說道:

    今日掛牌4.1買翻3899唔到,對於189.357都系心大心細,博佢炒落後真系無乜信心,有d驚驚,不過都系比較關註189
    多謝樓主分析

    • fatlone 說道:

      掛唔到唔好高追, 呢兩個星期高追#3899會好沮喪

      買乜賣乜無分對錯, 我只係想大家都清楚自己做緊乜, 多謝你既留言 🙂

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s