[個股研究] 中國休閒食品 (1262) (上集)

首先, 感謝博主clcheung讓我可以看到BOCI的報告

今次想寫得詳細一些, 所以標題已升格為「個股研究」(實情只是詳細地「吹水」)

入正題…

報告的內容比我想像中多, 實在沒有精力慢慢細味, 一大堆數據越看越迷糊, 假如多看幾份此類報告, 基本上會覺得都是大同小異

我一直相信, 這些報告預測和推論都不用太上心。預測的數字是可以隨分析員調整assumption而改變, 無可否認支持這些assumption的理由是很詳盡, 不過身為專業的分析員當然具備一定程度的玩弄數字技巧。

不過, 讀過這份報告, 絕對大大加深對#1262的認知。我認為有數點值得一記。

報告中的同業對比部份, 主要以「整體經營指標接近龍頭旺旺」作為賣點, 因為果凍細份市場龍頭廣東喜之郎是私營企業, 故報告並沒將之比較, 無論如何, 公司的營運是拍得住龍頭企業是一大亮點。不過, 前題是這些財務資訊是可信, 先前湯財在#1262 IPO時的簡評提及公司用羅兵咸, 帳目應該有一定信心, 不會太離譜。

第二是報告提到公司正進行分銷渠道重組, 加大對重點客戶進行直接銷售。意即將產品直接賣給較大型的零售商, 繞過分銷商一環, 提升利潤率(因出貨價更高), 但壞處是數期更長, 週轉會變慢。若不超過行業標準, 總的來說都應是利好。至少這裡看到管理層有行動提升利潤 (值得一提的是報告說王朝酒業, 澳優乳業等企業都採用這個策略)。而更重要的是如果可以和這些強大的零售通路打好關係, 對銷售是極有幫助, 我預想毛利率可能會降低, 因要讓利給零售商, 換取大力在全國上架促銷。只要毛利率不是大跌, 銷量應可以快速增長。我總覺得只要將貨品包裝得有美感一些, 再放在大型連鎖較當眼的位置, 就會有很多人去買。至少我覺得這個想法在大陸是成立的。(我承認這個想法很單純…)

第三, 以我有限的能力解讀財務數字, 認為公司沒有甚麼明顯隱憂或者是不正當行為。中伏的機會相對不高。經中糧入股及上市集資完成後公司是淨現金狀態, 沒有巨額負債。總現金流淨額的負值不算高, 計及上市集資所得應足夠燒兩年有突。而這些食品公司, 正常營運現金流應該沒有太大波動, 如果市旺, 我相信兩年間總會在市場抽水, 這又帶來額外的現金流, 此乃後話。

其實還有不少地方值得分享, 不過實在太累, 沒有心機詳談

下一篇會寫個人對#1262的展望, 歡迎大家留言交流, 多多分享, 多謝!

廣告
本篇發表於 fatlone's view, 個股研究, 個股跟進 並標籤為 。將永久鏈結加入書籤。

4 Responses to [個股研究] 中國休閒食品 (1262) (上集)

  1. Sing 說道:

    好耐冇見,Fatlone兄,我剛上網search,發現一個有很多太陽能資訊的網站,不知你去過沒有。 http://www.solarzoom.com/

    • fatlone 說道:

      Sing兄, 去過喇, 佢個FORUM好多野睇, 不過真係要花時間去慢慢睇, 雖然睇完對投資太陽能股幫助不大:-P

      你仲有無玩太陽能股? 我無玩好耐喇, 完全無參與到先前個升浪。真係枉我上年研究左咁耐太陽能!

      我想知保利協鑫今年可以將硅料成本壓到幾低, 唔知可唔可以癲到2012年尾做到grid parity?

  2. david395 說道:

    美國上市的全都是主力中遊的, 在產業鏈中都是半死不活的部份, 所以不用看美國了, 只有不了解太陽能行業的人才會去投資美股太陽能.

    http://smallpignotes.blogspot.com/2012/02/29-feb-2011-2.html?showComment=1331108210753#c958853680914596922

    • fatlone 說道:

      hi david兄

      首先, 唔知點解佢覺得太陽能股好快被炒爆係好有趣, 不過佢唔係話緊我, 因為我好耐無寫太陽能, 唔使對號入座:-P (唔好轉貼去佢度呀:P)

      如果佢係持有3800, 其實佢都要睇美國上市既太陽能股, 大方向黎講, 3800係同呢堆太陽能股係成正向關係. 即係佢覺得佢地半死不活就應該唔好揀3800, 3800無疑係最強者, 但目前佢都未勁到可以逆天而行, 除非佢可以用業績話畀我地知佢做到

      如果係短線, 睇圖炒, 無意見

      如果係睇長遠少少, 我自己就唔會捱呢段, 尤其3800我唔覺得呢個位好殘

      750就根本係獨立個體, 佢其實唔係好「太陽能」

      發問既Vega兄有緣睇到呢度既, 請say個hi 😀

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s