[好文分享] 賭 Turnaround stocks

可以成功捕捉到一隻turnaround stock, 是我不斷追尋的目標, 捉唔到固然好傷, 不過捉到隻就「贏錢又贏面」

現在分享cup sir的好文, 好讓自己和好此道的人有所得著。其實, 一般投資者都應該看看, 做FA(基本分析)都離不開文中所述的方法

source: http://nodeadcow.blogspot.com/2011/10/turnaround-stocks.html

賭 Turnaround stocks

踏入八至九月份,隻隻股票都跌到傻,有的甚至跌到跳樓價海嘯價,賤過地底泥,大量股票盈警或者見紅,這才是搏 Turnaround stocks (轉機股)的時候。

很多半桶水價值投資者以 P/E ratio 自我設限,非低P/E股不買。但轉機股最佳的投資時機往往是P/E高到離譜(可能是幾百甚至千倍)、甚至是沒有P/E(因為沒有盈利),因此他們注定與反彈強勁的轉機股無緣,或者是股價殘到不堪而又最值得買時告訴你:今次我想等一下。

有些網友說我這裏鮮有談及基礎分析,日日講圖表、盤路和走勢,是否不看重基本面?老實說,我是極之看重基本面,只不過看法和一般坊間的所謂價值投資者(假值投資者)不同。

首先,我已經不止一次強調,我們做基礎分析應該當那股票是一盤生意去看待;而這正正是很多Graham/Buffett Fans 或者偽專家所忽略。

我們拿住舊錢打算做一盤生意、或者夾份做生意,一開波不是看P/E,而是看大環境是否適合經營生意、經濟是否很差、難唔難借錢、競爭激唔激烈、business model 能否維持、自己做的產品周期有幾長、R&D 能否維持競爭力不斷推出受歡迎的新產品、銷售渠道問題、公司裏有沒有人才、班子管理能力等等。生存最重要是本夠唔夠厚,現金流能否維持運作和還債,行業低潮是短暫周期性還是根本上產品已被永久淘汰。

循以上思路來看,假值投資者一開始就主張漠視宏觀經濟分析、漠視產品周期、漠視市場環境已經是超錯。不懂時機,現在站在周期中的哪一點也不知道,一開始就埋手計historic 的 NAV、P/E、ROE、Net Cash Value、cashflow、dividend yield,儘管你計足十年的數字,也只會被數字愚弄。十年前可能那產品只是短暫性低潮,競爭者稀,所以十年來盈利有個小小 glitch 後又可以穩定地創新高,但十年後的今天是否一樣呢?產品可能被新的永久淘汰(像以前的寶麗來),十年前強勁的管理層可能已換哂班,目前的管理班子可能廢過以前幾皮(像思捷一樣)。這是要特別留意的。

然後我們看企業倒閉的風險。投資中國,當然先看那公司的背景,大國企大央企倒閉的機會理所當然較微。然後看公司的前科,老千格的一定危險,高危行業例如農業、林業等除非內幕人士,否則避之則吉。最好是前之已經歷過一個慘痛的 cycle 後,仍然生存過來,之後變得更強者更佳。最後看數字,還債的能力、債務的種類和結構、現金流能否維持等等。

死唔去唔代表一定好,還要看業績有否改善的空間,產品需求和價格在大環境改善後會否追上,公司的應變計劃能否令公司盈利回報正軌,宏觀經濟的轉變和行業的洗牌是否朝公司好的一方發展(有些之前有機會無法還債的高危公司,會否因為信貸環境轉鬆而避過一劫也要考慮)。

然後就看股市和股價,來判斷是否買進了。心中先有個譜,參照返以前熊市或者周期低潮時,那股票的估值狀況,是 trade 幾多倍 Price-to-sales ratio(PSR) 呢(可能沒有盈利,所以不能用P/E)?當時的 Profit Margin 是幾多呢(Profit Margin 高些,PSR就會高些)?

然後看市,股市熊到嘔,股價再便宜也要耐心等待,否則,以為0.6倍 PSR 很便宜,結果跌到0.3倍才停止,那會非常嘔血。或許假值投資者主長愈跌愈買,但我們作為賭徒,雖然基礎分析的功力極有機會比他們更紮實,但我們也要時常提醒自己有機會看錯、計錯數,所以 average down 仍然是我極不鼓勵的行為,stop-loss 仍然是投資或者投機的金科玉律。等待市場確認我們的判斷為對,我們才進行操作。

當我們看到 Price-and-volume action 開始呈現轉勢,大盤氣氛有改善,那才因應自己的風險承受能力來下注;市場發展傾向有利自己的判斷(即是自己開始有錢賺),那才決定加注與否。大家亦要記住,股價會遠比實際公司盈利先行,看到幅圖見到有大量資金在低位湧入就開始要醒水,等到公司出業績見到扭虧為盈或者大幅增長後,那已經是慢過慢金油,到了水尾才加入那就只能成為大戶的點心了。

張貼者: CUP 於 下午6:15

廣告
本篇發表於 Investment, 投資心得。將永久鏈結加入書籤。

4 Responses to [好文分享] 賭 Turnaround stocks

  1. Sing 說道:

    昨天才說富士康唔想玩大同太陽能廠300MW項目,正話又有新消息,與中國廣東省核電合作大同太陽能廠,不是300MW,而是1GW,真是大有大做。非常好。
    http://www.gcl-poly.com.hk/attachment/2011111720104717_tc.pdf

    • fatlone 說道:

      Sing兄, 3800真係好勁, 成個產業鏈, 得返賣電同埋安裝系統呢一環會有錢賺, 3800進入呢個環節係未來既主題, 睇得到佢未來既大茶飯係來自賣電, 一邊盡量壓低多晶硅成本, 從而將整個太陽能系統成本降低, 之後就在發電呢一環賺錢, 而因為發電呢一環賺既錢係穩定既, 模組一接通電網就係近乎零成本咁發電, 唔似火電, 真係可以賣一度蝕一度

      好多地方偏遠既省, 地多, 但廢, 應該會好鍾意吸引太陽能去投資, 又可以將廢地利用, 帶動GDP效益又高, 剩返既就係並網問題

      如果2012年太陽能成個產業鏈都無起色, 咁跌法2013年應該可以做到(用戶端)平價上網, 估計到時保協可望成為一隻真正既公用股, 大陸根本就唔夠電用, 起多3,40GW都仲得, 十二五個15GW, 個劇本咁發展落去既話一定唔會得咁少, 2013年可能個成本又會比現時再低2,30%以上, 咁既話裝機量應該要再調高

  2. Keio 說道:

    好耐無見~~blog 主!~
    呢半年可以話係太陽能既低潮…..希望大家都可以捱過!!~
    好多人都唔睇好呢一兩年既走勢~~更加有財演唱衰3800….下年會有虧損!!
    但唔知blog 主留唔留意到….近排太陽能d 消息好似特別多….尤其係3800!

    我依然保持樂觀…仲開始買入一直無沾手既3800…
    講真….如果純粹用經濟數據去睇太陽能….係唔值得買既!!
    3800一直以本傷人…係殺死對手之前…應該會有一定既傷害….

    但我有一d …係從政治角度上既推測….去支持買入3800同持有712…
    不過…由於無咩實際證據….詳細既推測就無謂多講….廢事妖言惑眾害倒人!!~
    如果推斷無錯…..我覺得3800 ….$2 以下收集……輸面應該好細!!~
    …如果歐豬唔爆…..$1.67 應該就係觸底價….而一年內會至少上返 $3!!
    712亦都係同一處境….但反彈幅度應該不及3800!!~

    唔知BLOG 主對太陽能係米依然保持希望呢?

    • fatlone 說道:

      keio兄, 多謝你仲上黎 🙂

      太陽能價格仲跌得好急, 而且仲未有平穩既跡象, 過左2011年先再睇比較好

      上面我回覆sing兄都有講過3800, 3800正在向系統發電端進發, 到時佢個盈利就唔會咁波動, 不過中短期既收入都逃唔過呢個殺價潮, 硅價同硅片價狂跌, 保協下半年純利會大跌, 新開既產能甚至有機會唔可以全部運行, 因為市況實在太差, 接佢貨既廠商未必會全數採購, 就算食晒佢尐貨, 都唔會咁順撻畀錢住, 個cashflow一定變差, 全個行業都係咁

      歐債危機沒完沒了, 中美兩國又未能承接歐洲所減少既市場份額, 現時太陽能股我個人既策略係: 有貨者, 見彈即沽; 無貨者, 繼續等, 之後再同太陽能股執骨

      同意你講$2以下先好收集, 最好等全年業績出埋, 睇下下半年3800賺幾多先行動

      我比你睇得更悲觀, 歐債咁發展落去, 1.67應該未見底, 我係用P/B做估值(用aastock個數), 依家712個18號收市價1.23, trade緊0.78 P/B, 3800報2.19, trade緊2.09倍P/B, 最差我睇1倍P/B, 咁我唔知經過咁多輪擴產同舉債之後個book value會點變動, 不過用P/B=1去計, 點都唔會過1.5

      未能將revenue shift去做發電端既3800就算點燒錢都鬥唔過ASP個跌幅, 純利只有急跌一途, 而且唔好忘記, 3800係一隻債重股, 遇上逆境時有機會好大劑, 話晒都3百幾億市值, 個人覺得呢一刻唔會有一間太陽能公司值多過300億

      呢一刻我對太陽能板塊係bearish, 但係我見到既係佢呢一鋪越差, 黎緊就會越彈得勁

      keio兄, energytrend個個星期都話畀大家聽個ASP5%,5%咁跌, 第四季應該慘不忍睹, 但係最新呢次, 好似有少少起色, 不過點都係唔會買住

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s