fatlone’s view: 不要向下溝

北控水務先前在2元以下加了一些注碼, 平均價我都不記得是多少了, 因為實在買了太多次, 先前套現的資金大部份都用來買371, 以現價2.14計, 一定是虧損中, 我的成本應該介乎2.3至2.4, 應該接近2.3, 我不太肯定, 總之就是損手中

我在北控水務的投機, 是前所未有的固執, 大家看看6個月的圖表, 相當難看, 我在371的倉位的表現可想而知是輸得同樣地慘, 這個未完的戰役再次教訓我, 「向下溝」在絕大部份的情況下是不可取的

我是2.6x開始買, 到2.4都繼續買, 到確認沒有勢之後, 在2.4左右沽了一半, 但我之後又忍不住, 在2.4又開始買, 不過每次買入注碼比早前更少, 結果我由2.4買到1.9x, 才叫做暫時止跌回升, 中間有更多好的選擇, 我就是固執的留守在371, 我覺得自己很傻, 以前都試過類似的情況, 結果現在都保留著這一種有機會輸身家的堅持, 太危險了

如果1.9x就見底, 我只能說我好彩, 並不是我眼光好, 如果日後再遇上類似情況, 我一定會在確認向上的升勢建立才會進場, 「溝上唔溝落」不是吃盡大浪的方法, 但是安全得多, 沒有甚麼比起安全更重要, 先保持不敗, 才計劃取勝, 能夠做到這一點已經贏了很多投資者了

我往後會著重守住倉位利潤, 大市向上升, 可以加倉, 或者擱在一旁不理, 到下跌時, 那怕只是震倉, 少賺了都是賺, 但大賺時不沽, 到要止蝕才離場, 這幾乎是每個投資者必定經歷過, 很多人每年也做不到30%利潤, 不過, 我敢說有不少投資者的倉位在一年之中至少有2個時刻會賺超過15%, 如果可以在1年內鎖定2次15%的利潤, 一年回報就超過30%

這是知易行難的道理, 我現在就要實踐出來, 我操作的一半資金會以此理念去管理, 另一半就是食大浪的長倉, 風險胃納會高許多, 北控水務屬於此類, 我以一半資金去賭我的堅持, 已經是十分進取, 輸了會很傷, 但我決定重倉的股份是經過我詳細分析(這是我個人認為, 相比許多高手我的研究只是小學程度的習作), 花了不少時間跟蹤才下的決定, 如果只以一成左右的資金買進, 我覺得是無信心的表現, 我自覺對不起所做的努力

當然, 我會給這個堅持一個期限, 沒有甚麼特定準則, 總之就不會無了期等下去, 再說, 如果決定是正確的話, 是不用等太久, 我翻查這個blog的記錄, 我開始調研北控水務和水利股, 大約是4個月之前的事, 時間不算太長, 我認為我還可以等, 而虧損未算嚴重, 未至於要斬掉全部倉位, 現在大市有轉好的跡象, 我相信371會跟隨, 現價不算貴(可能我這句有bias, 敬希留意), 希望在2.2以下再加多些注碼

我不介意敗在自己堅持的東西之上, 我相信這個結果總好過立場搖擺不定而一直迷糊下去

我相信自己堅持的信念最後證實是錯的, 教訓必然會很深刻, 輸了錢輸了時間卻留下寶貴的經驗, 失敗過未必會成長, 不過如果狠狠地輸了一回, 同時肯面對事實, 歸納檢討死因, 就會做到愈戰愈強

這篇博文其實是寫給自己看的, 如果大家有讀後感, 歡迎分享 🙂

廣告
本篇發表於 fatlone's view, 投資心得 並標籤為 。將永久鏈結加入書籤。

40 Responses to fatlone’s view: 不要向下溝

  1. WR 說道:

    FATLONE兄,

    我们很多时候的认识超前于市场,买入过早会承担很多压力哦。另外,不能和市场去搏,顺其趋势才好啊。时间和本金上做选择,选择本金会是上上选。我没有研究过水务股,毛利率太低就失去爆发式的收入增长。前期卡姆丹克就是个例子。

    我还是满仓在华润微电子,行业复苏了,黎明就在眼前。

    WR

    • fatlone 說道:

      WR兄, 好久不見

      你的597今天公佈完私有化, 應聲狂彈, 恭喜恭喜

      我對你的堅持感受很深, 看到你現在有成果, 我真替你高興, 在這裡我看到有很多朋友堅持信念, 終於比常人賺得更多, 希望日後大家都繼續來這裡跟大家報捷:)

      希望我在371的堅持, 都會有收成的一天

      關於597, 未知WR兄今天有沒有套利? 現市況我認為套利所得資金, 仍有許多好的標的選擇, 因為私有化的offer我會視之為強大的頂部, 還有約1成空間, 我應該不會滿倉去搏

      這只是我的愚見, 歡迎WR兄賜教 🙂

      • WR 說道:

        Fatlone,

        感觉老兄的建议很正确,0.43清空仓位了。目前有什么好的选择吗?

        • fatlone 說道:

          沒有頭緒, 但值得一提的是社保基金減持了工行, 社保基金的準繩度是非常高, 我好像沒有看過它失過手, 加上傳聞美銀有意放售手上數百億元的建行股份, 內銀股應該不好沾手

          反而內房股有些勢頭, 長期留意的股票SOHO中國(410)表現十分強勁, 可以留意

  2. 股市煉金術師 說道:

    FATLONE兄:
    要今天的我打倒昨天的我的確非常困難的,因為沒有人會希望自己看錯市,更加不想被別人知道,所以只有繼續堅持下去。如果最後是對的就當然守得雲開,反之便是泥足深陷,兩者其實只有一線之差。向下溝承受壓力之巨會讓人迷失,做錯決定的機會亦會大增,但更可怕的是,在不知不覺間還有一種賭博的心態。買入一隻股票前當然需要充分的理由,而且還會試著說服自己的決定是對的,所以我連自己也不信了,因為事實勝於雄辯,買入總有萬千個理由,賣出則毫無半句借口。

    • fatlone 說道:

      「因為事實勝於雄辯,買入總有萬千個理由,賣出則毫無半句借口。」 我袋穩呢句, 多謝你, stock alchemist!

      煉金兄, 你都有類似既經驗? 如果有, 真係希望聽你分享下

      選股好多人都識, 但心理素質呢一環真係好多人都好弱, 包括我 😛

  3. Galaxy 說道:

    Fatlone,

    高賣低買, 每個人都希望可以做到, 以我自已為例, 次次以為貴, 賣左先發覺原來重可以上. 以為平, 點知越買越平. 哈哈哈. 不過就幫自已練出一身平常心.

    又講返北水, 今日睇內地新聞(國泰君安報告), 講關於內地1-5月水務投資額有1千多億, 而假設全年目標就係4千億(2010全年2746億). 有更多數據去配合返之前自已既假設. 個人覺得可惜既就係股東會/人債投資者分析會之後無乜野新資訊公佈過( 可能自已寄望大多), 要想知多的實際情況可能又要等9月出業績先知喇. 又或者好似內地的股評咁講, 下半年的政策會落實多的掛. 哈哈哈

    • fatlone 說道:

      galaxy兄, 你又彈尐新料畀我同其他人知, thank you very much 🙂

      依家政策面去到「講錢」既階段, 等多2個月就會遞上國務院, 下半年值得期待!

      今日升幅好靚仔, 不過成交唔算大, 上返2,3樓上我就開始有回報, 呢隻我有信心可以係半年績之前有20%回報, 以2.3做成本價, 咁我依家睇2.76, 即2.8左右, 等注資落實, 加上新投入處理量, 公司價值經已提高不少, 我估如果我呢次賭錯左, 容許我自負一次, 死因都應該係輸左要認命果種, 同咁多網友討論完, 又睇埋份發債文件, 全部風險都寫晒

      我覺得北控水務係貴, 不過增長更勁

      老實講, 我覺得我今鋪係有鬥氣成份, 全世界都無人覺得水股有得做(至少呢一刻係得個概念), 或者北水好貴, 我覺得先前連大股東打算印公仔紙既成本價都hit過, 依家距離呢個價大約15%升幅, 仲未升盡

      加上同銀河兄你交流過, 知道北水既真正威力比起一般無長期研究過既人心目中既概念黎得更勁, 令我更加期待

      不過, 因為持倉重, 如果幸運地hit到目標價2.76/2.8, 會開始食糊, 因為貨好多, 可以分好多注賣 😛

      • Galaxy 說道:

        Fatlone ,

        🙂 先恭喜你低價買入, 賺多的.小弟資金有限, 無係今次跌浪中再入貨, 有點可惜. 今次中標幫自已之前既疑慮一次掃光, 終於明白頻頻集資所為何事.

        27億, 吾算大, Fatlone你知吾知呢個係咪第一個海外項目? 不過, 佢配合阿爺既走出去政策, 而且以我估計, 污水設施通常都係戶外, 而大馬項目據通告講係地下項目( 我吾係水務專家, 不過估計難度應比較大,) , 樂觀去睇, 海外都對佢技術既肯定. 呢樣係我覺得最恩喜既., 而更希望係增長動力又添一項, 海外工程.

        總括來講, 呢個通告令我自已持貨更有信心. 哈哈哈

        • fatlone 說道:

          我買得唔多呀, 銀河兄, 我蝕住沽其他蟹貨再加上本身可以動用既資金入貨, 如果本身尐蟹貨仲上得快過371咁我就做錯事喇, 不過只計呢十個八個交易日, 371彈得幾勁

          係喎, 上次同你電郵交流, 我想將你畀我既想法寫出黎, 我會credit返你架:P 你介唔介意?

          海外項目北水好似真係未做過, 肯定既係一定無做過咁大個project, 同埋地下污水廠佢係深圳都run緊一個, 應該都有經驗既, 今次佢用EPC形式去做, 唔知會唔會好過BT形式咁做呢?

          btw, 今日2.28加左貨

  4. CHUN 說道:

    今日好多技術分析都有超超買既情況出現,其實要走咁D貨冇咁危險..不過之前超超賣又可以破新低..所以今次都博一鋪,睇下371上唔上番去.睇長少少時間..唔理咁多..RSI都轉轉地個勢..如果升就最好..回落應會好大機會再入.哈哈..最開心今日只係星期一..全市有番入貨既氣氛..可能新係5窮6絕7番新丫..係就好了..

    樓主..我都係深信水公司係有得做..冇人覺得水股更好..等佢地覺得有得做就係我地走既時候..我相信我既眼光..不會後悔..希望大家繼續一起研究,討論371..客觀分析佢既好..佢既壞..

    • fatlone 說道:

      北水之前係去到呢3年既最超賣位置, 所以呢1,2個星期既升浪, 唔算係勁彈, 其他股唔敢講, 不過呢幾日睇尐市場點數升得咁勁, 超買正常

      溫總一句, 真係值千金!

  5. Unknown 說道:

    371 1跌我就會閃一閃

  6. CHUN 說道:

    岩岩睇到個好似好好既好消息丫..371中左個馬來西亞既25億工程丫..

    於二零一一年七月四日,本公司已獲馬來西亞能源、綠色科技及水務部 (「馬來
    西亞政府」) 頒授接受函,接受本公司關於聯邦直轄區吉隆坡Pantai 第二污水處
    理廠建設項目 (「該項目」)的標書。
    該項目乃以工程、採購和建設的方式為基礎,於馬來西亞聯邦直轄區吉隆坡之
    Kampong Pantai 地區設計和建造第一個地下污水處理廠,該項目合同金額為
    983,246,360 馬幣(馬來西亞幣值九億八千三百二十四萬六千三百六十)(相等
    於約 2,547,886,293 港元),預計該項目每日處理量約為320,175 噸。該項目旨在
    升級現有氧化塘設施,並將其地面改建為一個休閒公園,為當地居民解决臭氣
    污染並提供體育、康樂及社區設施。地下污水處理廠對工藝、臭味控制和施工
    建設要求較高,其建設成本亦比傳統污水處理廠高。根據該埸地的管有日期,
    該整個項目的竣工日期為二零一七年七月二十七日(即四年為項目建設及兩年為
    項目營運和維修)。接受函連同其他招標文件構成本公司與馬來西亞政府之間具
    有約束力的合同。雙方將於稍後階段簽訂正式合同,將於適當時候(如有需要)
    遵照上市規則作進一步公佈。

    • fatlone 說道:

      CHUN兄, 原來今日個股價彈得咁勁係因為呢單料!

      我真係完全唔將馬來西亞項目放上心, 因為之前一直都話未簽任何實質性既野, 依家失驚無神話準備簽約, 唔係咁好彩呀?

      多謝分享先CHUN兄, 係喎, 你有無加碼北水先 :P?

  7. CHUN 說道:

    冇丫..我最平個注都係2.2….串左呢個位都有D驚唔敢再加….睇定D….回到先再玩喇..個D當自己冇運EARN..因我再買再跌真係重傷丫講真..錢又搵唔曬..當搵少D..不過大家小心,由1.92升到今日2.26都有18%喇..買到最低位更係開心喇..但要小心回…短炒驚都不防走咁D…因都超超地買..但我都係唔睇咁緊喇..跌咁多都唔走..升少少走..真係好87..哈..我由佢放係到喇諗住//十二五丫MA..而嫁先頭半年..

    唔知個25億工程裡個純利係幾多呢,如果又係毛利極低,又比人唱淡丫..真係唔知咩係好咩係唔好..同呢個工程一定要用好多資金..咁中國本土既工程又點呢?我都係存定多D錢..費是到時無喇喇又黎個集資都唔知點死..而嫁個資金問題真係一大問題丫..先前聽同個政策話政府幫助公司借貸..令佢地個息口低D同埋可以借多D錢..唔知詳情係點呢…有人分享下就好了..

    • fatlone 說道:

      CHUN兄, 遲下出多篇再講下北水, 可能會談到你既concern 🙂

      週線RSI就快升穿50, 企穩50以上就係處於升浪

      我仲坐緊艇, 不過, 我有信心我可以「 邊度跌低就邊度起返身」 😛 (升果陣個人係咁心雄… 都頹左好耐啦, 畀我威次啦唔該 😦 )

  8. Galaxy 說道:

    Fatlone,

    照理EPC 應該會好賺的, 不過如果真係第一單馬來西亞工程, 又會吾會為省靚招牌去做好的? 變相又無咁好賺?同埋吾好吾記得, 佢地要營運兩年. 個人意見就係馬來西亞果邊都希望北水用兩年時間証明比佢地睇, 佢地的野係得既先再比更多野佢做. 同埋我check通. 原來佢地09年簽過一份100億建設意向書, 睇來, 如果今次做得順利既話, 可以…….哈哈哈

    估吾到咁快又返上去供股價位, 又可惜,又可喜. 哈哈哈.

    • fatlone 說道:

      係呀銀河兄, 份野係胡主席見證之下簽, 其實呢件事係其中一個我持重貨既原因, 因為呢個合作意向顯示出北控水務既超然地位, 其實仲有其餘幾間國家隊, 點解唔畀首創/中環/etc做, 要畀北水? 可以第一個走出去既公司一定係國內最強, 依家仲要有主席睇住簽字, 總唔可以映衰中國個朵掛

      我知呢類原因係好唔科學, 不過, 以人為本既調研方法我認為好有效, 效力對股價無乜刺激作用, 不過對分析一間公司既foundation係非常有幫助

      希望可以真正開始新升浪, 唔好彈左2成就玩完

      • Galaxy 說道:

        一啖沙糖, 一啖X. 唉 …… 買間公司買11%股權二億幾銀, 以2010年利潤計,增加三百幾萬利潤. 計落………吾識睇, 睇吾通,

        • fatlone 說道:

          呢尐事件係硬食, 無可能會估到, 只可以希望唔好食得太應, 輕手少少…

          呢件事, 好似好黑暗, 唔知係咪又有人袋左好多錢, 仲要送埋股權?

        • fatlone 說道:

          暫時有新睇法, 可能係我自己要諗尐利好去convince自己啦

          用NAV既52%去換11%既股權點計都好難理解, 如果呢件事無人搵股東著數, 呢間公司可能早前簽定左一批合約, 又或者已經傾左好多約返黎, 呢個價已經包含左呢尐未realize既價值

          都係唔好估咁多, 最理想就係好似我既幻想啦, 不過, 我覺得公司今次既交代完全不足, 希望佢稍後會再詳細講下點解會用NAV既52%換11%股權

  9. Unknown 說道:

    根據經驗,今日咁款,應該又會7返一排
    希望估錯

  10. Unknown 說道:

    【部委資訊】財政部︰確保土地出讓收益用於農田水利建設
    2011/07/08 16:36

    財華社深圳新聞中心
    中國財政部8日新聞稿,近日,財政部、水利部印發《關於從土地出讓收益中計提農田水利建設資金有關事項的通知》,要求各地貫徹落實《中共中央國務院關於加快水利改革發展的決定》有關規定,將10%的土地出讓收益用於農田水利建設。

    《通知》規定,從2011年7月1日起,各地統一按照當年實際繳入地方國庫的招標、拍賣、掛牌和協議出讓國有土地使用權取得的土地出讓收入,扣除當年從地方國庫中實際支付的征地和拆遷補償支出、土地開發支出等相關成本性支出項目後,按10%計提農田水利建設資金。

    《通知》明確了農田水利建設資金計提、清算的具體辦法。農田水利建設資金按季度計提、年終進行清算,各地區不得將農田水利建設資金並入水利建設基金管理。農田水利建設資金實行專款專用,專項用於農田水利設施建設,並重點向糧食主產區傾斜。但不得用於人員經費、公用經費等經常性開支。省級人民政府可以自主決定是否統籌部分農田水利建設資金,用於本地區農田水利設施建設的均衡發展。

  11. Unknown 說道:

    今日大陸D水務股炒起左,系香港上吾倒

    • fatlone 說道:

      unknown兄, 係咪因為「水利四萬億」??

      你有無留意371係7月6日既沽空額突然大增 (http://www.etnet.com.hk/www/tc/stocks/realtime/quote_shortsell.php?code=371), 我唔知做乜鬼, 希望你同埋其他網友可以睇到我呢個comment

      《國家政策》中央十年4萬億建水利
      2011-07-11 08:59:25

      中央水利工作會議在北京閉幕。國家主席胡錦濤在會上表示,目前將把水利作為國家基礎設施建設的優先領域,將加快水利改革發展,力爭通過5-10年努力,從根本上扭轉水利建設明顯滯後局面。至2020年,基本建成防洪抗旱減災體系、水資源合理配置和高效利用體系、水資源保護和河湖健康保障體系、有利於水利科學發展的體制機制和製度體系。

      據預測,中國今後每年的水利投資至少在4000億元以上,該速度並連續保持10年,有專家分析,中央於未來10年將投放4萬億建水利。

      胡錦濤稱,把農田水利建設作為農村基礎設施建設的重點任務,把嚴格水資源管理作為加快轉變經濟發展方式的戰略舉措,大力發展民生水利,不斷深化水利改革,加快建設節水型社會。(me/a)

  12. 小金仔 說道:

    时至今日,南水北调一推再推,北京的海水淡化始终停留在调研阶段。

      6月14日,北京市又一次派出了一支由水务、城市规划等机构人员组成的调研队伍,奔赴天津和曹妃甸,展开新一轮的淡化海水入京的可行性调研。

    • fatlone 說道:

      hi 小金仔兄. 我個人看南水北調未來成本的下調空間, 低於海水淡化, 前者的成本主要是來自建築費用和運水能耗成本, 而後者的能耗成本佔的大多數, 相對於整個供水廠壽命週期設備成本應該沒有南水北調的建築成本來得高, 建築成本是固定, 但能耗成本可以靠技術更新降低, 所以海水淡化的潛力我會看高一線

      我認為南水北調的重要性除了體現自供水之外, 還有這可能是一項治水工程, 有如三峽大壩一樣, 它可以用來發電之外, 治水功能是同樣重要

  13. CHUN 說道:

    中國要聞》水利部:落實提高財政性資金對水利投入總量等六政策 (經濟通新聞)
    日期: 2011/07/12 09:39
      《經濟通通訊社12日專訊》水利部部長陳雷表示,水利部將落實提高財政性資金對水利投
    入總量6項政策,進一步提高水利建設資金在國家固定資產投資中的比重,大幅增加中央和地方
    財政專項水利資金。同時,將落實土地出讓收益中提取10%用於農田水利建設及水利建設基金
    籌集與使用等政策,力爭到2020年,農田灌溉水有效利用係數提高到0﹒55以上。
      他還指,到2020年,力爭全國年用水總量控制在6700億立方米以內,「將合理調整
    水資源費徵收標準,擴大水資源費徵收範圍,嚴格徵收和使用管理,把水資源費收好管好用
    好。」
      另外,水利部還將落實水利建設金融支持政策,爭取面向水利的中長期優惠貸款。同時,鼓
    勵符合條件的地方政府融資平台公司拓寬水利投融資渠道,積極吸引社會資金參與水利建設。
    (jy)

  14. Unknown 說道:

    2.2左近呢個位真系穿左,短期上吾返最好走一走
    呢兩日D沽空依然系咁大,但個人覺得影響吾大,反而覺得有盤壓住吾比上,收緊貨都未定

    • fatlone 說道:

      呢2日既沽空比例極唔尋常, 我搵唔到原因:

      20/07/2011 5,864,000 12.958M 18.659M 69.446%
      19/07/2011 6,116,000 13.479M 19.700M 68.421%

      點解會有咁多人要沽空佢? 但係個價又唔係話跌得咁緊要

      總之, 捉住大股東意向增持價: 1.98, 我覺得接近呢個位買入既, 年內會有唔錯既回報, 除非熊市重臨, 大市總會係年內某一個時間點升得高過現時水平

  15. Galaxy 說道:

    fatlone, 剛剛睇完份通告, 完來先前北水雖然由60%增持88.97%但收益都重係用 6 / 4 分帳, 佢話係用作鴻橋(相信即係果間 Violet Passion持續參股深圳北控的獎勵( 詳細理由見通告). 而家雖然話買返果 11.03股權, 但實際收益就可以多40%. 所以佢計出來個 PE = 15…….. 原來可以咁做既……..

    個人覺得而家變左吾買返果11.03%股權就真係比人搵多次笨……….哈哈哈.

    呢個故事教訓我下次睇通告, 可能要睇埋之前果的先可以得到全面資訊………哈哈哈

    最近股價三線匯聚, 吾知向下定向上分散呢?

    • fatlone 說道:

      hi galaxy兄

      個人認為今次呢間Violet Passion賺到喊, 希望唔好再有呢尐古露精怪既交易啦

      如果用15倍黎做基準, 咁遲下北控注資又用返差唔多估值做代價, 以先前已預定約1.98既「印公仔紙」價, 咁咪要印多至少10億股?

      睇黎2011年個EPS繼續被dilute… 不過以15倍做代價注入去trade緊20倍以上既371, 對原有股東都有利既

      • Galaxy 說道:

        Fatlone, 其實如果計埋先前買果29.97%股權用左八千幾萬,重有果30%利潤…哈哈哈估計pe=28。

        佢地都幾多小動作,供股(無得trade供股權同額外供股)果次同今次,都扣左的分,希望真係無新野再比我地再睇見…哈哈哈

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s