了解北控水務的最佳文件: 北控水務的人債發行通函

如果想深入了解北控水務, 可以閱讀這份通函(http://www.bewg.com.hk/eng/ir/offering/o110620.pdf), 只有英文版本, 全份36頁頭10頁全是風險因素, 未知我可否從中推測最近371不斷下跌的原因?

略讀了一次, 發現沒有最新的訊息, 只是重複2010年報的資料, 太可惜了, 要等2011半年績才可以知道上半年公司的發展進度, 出奇的是, 這次人債的發行是在新加坡上市的形式進行而不是在港進行, 聽說新加坡的水務板塊比香港的更活躍, 可能這就是原因吧

難道已經有春江鴨知道今年上半年的業績並不理想, 所以股價一直向下走?

暫時想到的可能性是, 公司的業績仍能保持高速增長, 但因開支增長得更快, 使純利率下跌, 又或者是投資者擔心負債太高, 財務壓力不斷增加, 負債太高是北控水務經常, 而且是唯一一個, 被評論者提及的風險, 負債率太高, 最怕的是甚麼? 是你的客戶沒錢找數, 公司就沒錢還給債主, 資不抵債就game over又或者要變賣資產苟且殘存, 371的客戶是地方政府, 如果連政府也賴帳, 我也預計不到, 所以出問題的地方多在公司自身或工程承建商的一方, 工程出問題多數是人為因素, 管理層的質素是關鍵

有機會的話, 可能會分享一下我對這份通函在風險因素的看法

今天(6月20日), 北控水務繼續下跌, 收報1.92, 快要到52週低位(1.84)了…

廣告
本篇發表於 fatlone's view, 水利股 並標籤為 。將永久鏈結加入書籤。

27 Responses to 了解北控水務的最佳文件: 北控水務的人債發行通函

  1. CHUN 說道:

    FATLONE..
    我好有心機睇曬全文,全文都係講風險因素,睇完真係有D心寒..我諗股價下跌也有其原因..

    1.如果水短缺,政府政策係限水,限供應,應對缺水問題,真係有點擔心.
    因為我一直諗如缺水,冇水,自不然會加水費,實行水梯級的,自不然會增加利潤,但如限會點呢?

    2.如果物價,勞工,電費成本都一直上升.而收益不增加,水價不大幅上升,會形成收入下降,旦不是話政府會鼓勵,放寬,支持水,環保行業嗎.如果唔出多D政策支持,怎樣鼓勵企業在水務市場和環保行業發展,改善水問題和環保問題呢?

    3.負債問題,冇資金=增長放援..這也是擔心既問題..一直講更既係母公司有錢,會注資,幫助子公司,難道要睇住371死..而嫁負債多,成本高,利潤少真係有D頭痛,睇黎先前我地太樂觀了..

    其實仲有不少不利因素,股價下跌也有其原因,大家不防分享一下有咩因素可以支持股價繼續上升喇,如果唔係真係少左好多野支持我地繼續持有..

    • fatlone 說道:

      CHUN兄, 我都睇晒全文, download落手機度睇, 都幾辛苦 😛

      睇完咁多風險, 同你一樣, 個心有尐寒…

      不過, 其實有好多都係全世界通用既因素, 又或者係尐完全預計唔到既因素, 如果發生左唔會致命, 又或者係低概率事件, 咁就算數, 佢都係要完整咁提醒投資者咁姐

      當然, 有尐風險實在不能忽視, 遲下可能會同大家探討一下

      而其實係後尾既公司優勢部份, 已經講述左部份風險既對應方法

      我覺得我地最大既問題係給予過高估值畀371, 3X倍P/E都覺得可以買入, 結果依家跌到26.X倍, 其實睇返都已經好貴, 不過既然已經好接近52週低位, 咁就睇下市場會唔會咁畀面, 係1.9水平做底, 就此跌完

      不過如果注資一日唔搞, 大市又係咁磨落去, 我都打定輸數預佢繼續跌

      試下回應一下你既concern

      缺水問題其實幾得人驚, 連水都無, 即係零收入, 如果政府唔包底要北水硬食, 呢樣無人預計得到, 只可以求個天落多幾場雨, 又或者正因為乾旱無水, 會更有力觸發水價調升既動機

      成本上升會反映在水價之上, 份通函有講過每2,3年會調整水價, 而重點係大部份合約都註明會有保證利潤, 問題不大

      最大危機應該係你既第三點, 如果無新水入黎就無得再保持高增長, 今次發行人債正正係一個考驗, 試下北水既cap水能力, 佢話集資所得係用黎借畀旗下既公司, 主要都應該係先前果間合營公司美仕要額外借多十億, 咁仲有10-20億就唔知會點用住, 睇返今次有份搞既投行陣容都好鼎盛, 唔會點甩拖既, 希望個定價會靚仔少少

      股價要上升首先就希望母公司快尐做野注資, 第二係畀市場知道佢擴產進度如何, 2010年報既設計產能係590萬噸/日, 依家官網簡介就寫700萬, 而我見過既非官方新聞稿就話已經有900萬, 如果半年績真係寫900萬, 我個人覺得都好大驚喜, 因為印象中尐分析員都係預今年產能只係增加200萬噸, 咁如果半年就已經加左300萬噸, 我覺得係快得出奇, 不過我認為機會不大, 可以超過700萬噸已經做得好好, 水務資產既盈利預測性好高, 市場會較易做到估值, 應該迎合到市場口味, 調升估值, 我搵返2010全年業績睇, 污水處理+供水既股東應佔溢利係約2.58億, 我自己又再斷估咁估, 今年呢2個業務既利潤應該可以去到4億以上, 有驚喜既可以翻一翻去到5億以上, 即係我自己估呢2樣今年會為371帶來1.5億元以上既純利增長, 單係呢度已經差唔多30%既growth(2010年賺5.13億), 高估值其實都有原因

      我應該另外再打多篇講北水, 又太長氣 😛

  2. Galaxy 說道:

    前有報導講過, 話一號文件雖然話搞水利, 但係的錢就一直未批出來. 大家都知北控水務而家賺錢係靠工程, 無錢亦即等於無得出新工程.

    而關於水價, 又係睇內地網話, 吾知搞完乜野加價( 好似係電價)就會即刻搞水價.

    高負責我就吾太擔心, 做工程從來都係靠借, 何況往績來講好多人都肯借比佢, 又或者睇下今次人債賣成點, 就可以略知一二. 但係我最吾喜歡就係佢到而家重未公佈之前借咁多錢來做乜. 佢再吾講既話我就當佢財務吾穩健, 要班水救命. 一於蝕都沽出部份貨減低風險. ( 老實講, 我都估吾到1.98完全無支持…….)

    • fatlone 說道:

      hi, Galaxy兄

      其實我覺得呢尐政策對我投資落371既影響係意義大過實際, 我意思係, 371在政策仲係商議細節同執行方法既階段, 就已經發圍高速搶市場, 一日未有實質對業績有著數既政策, 我都只會視「國策利好」四個字做一個吸引更多人入場買水股既招牌, 咁或者可能會推高估值都未定…

      我同意做工程從來都係靠借, 而371既位置比較有利, 一來佢係大判, 二來佢既客係政府, 最大鑊無錢找數就賠地或者成間水廠據為己有, 水廠係近乎必賺既資產, 我估用來做抵押銀行都應該(或者焗住都要)接受

      其實筆錢應該係用黎借畀美仕, 佢先前要伸手要多10億嘛, 不過剩返尐錢都應該係繼續搏落去既「賭本」, 財務不穩既原因應該主要都係工程出錯over-budget賠錢, 都係唔好亂估, 自己又唔熟, 希望有工程界既朋友, 可以講下公用建設既融資方式同運作係點搞, 咁既話, 應該會對研究371有幫助

      有無工程界朋友幫幫手呀 😦

  3. Galaxy 說道:

    fatlone,

    我提出既國策問題, 就正正係針對佢未能落實( 亦即錢未批落來). 地方政府無錢( 大部份基建都應該係政府出錢多, 私人搞, 以我所知, 好小.) => 無得出標 => 北水就無新工程可做……或者可以講係我自已馬後炮, 試下解釋點解呢排跌得咁厲害.

    以我所知做工程既, 做政府野好難蝕, 不過就吾會大賺, 有乜改動都比較易claim. 何況都講到明話包有約7%賺既, 比我做官都有大條道理, 因為要修改工程電批多的錢出去. 而做工程收錢係計材料, 進度,每個月/半個月收錢, 而且你一送貨到地盆就可以當月收錢. ( 如果你同supplier 熟, 通當二個月後先找數都無問題, ). 而同政府做野通常都好準時出payment. 好喇, 我所擔心既就係, 一無工程做就慘喇, 無新錢入, 而且要找尾數, 更加要養工人, 機戒, 所以好多建築公司點解話要搶標來做就係咁既原因.
    (以上所講全部係小弟擔心既事情, 並未有實據証明公司面對咁問題)

    以上既假設係, 1) 政府無錢, 無新工程開 2) 要找尾數所以借錢.

    至於今次發人債, 係咪比美仕? 個人意見佢地應該吾會來有錢就同人講話借比佢掛. 所以,我睇佢呢二十幾億係為新發展所用. 又或者…… 可能真係多疑, 但係又供股, 又前前後後借咁多錢, 今次又拎多二十幾億人債, 又真係好難說服自已.

    我又想講下我對於缺水既見解, 北水, 污水處理對務佔股東應佔利潤30%, 供水 1%. 我個人意見, 越缺水就越好, 因為更突顯污水處理即另類水回收既重要性, 缺水先要更加處理好污水問題( 而家污水處理量實用率若71%), 吾係就更加無水用.當然, 完全無水用又係另一回事.

    又亂up完畢.

    • fatlone 說道:

      galaxy兄, 我接力亂up

      我直覺認為北水既接工程速度有乜減慢到, 因為我見佢好似好有自信咁, 久唔久就update自己個新聞稿一欄, 以前唔會做尐咁既野, 依家每個月都會出幾篇稿, 雖然有尐只係做下show

      我估北水都只係做策劃部份, 建築商應該係請返黎, 所以應該唔使養住班工人, 再睇返佢員工規模, 印象中都係得千幾人, 呢個workforce應該可以肯定佢地無建築工人要養, 工程業我覺得越低層就越大鑊, 永遠只會上層走下層數, 北水係最上層, 佢畀客拖數, 照正路都應該會拖返下面班人

      不過, 就如銀河兄你話齋, 個job run唔到落去, 就收唔到錢, 就無新錢入, 個cashflow搞唔好, 就接唔到新工程, 而先前我share返371有個新收錢模式: http://www.bewg.com.hk/gb/news/press/p110601.pdf 就係將工程先賣左畀銀行, 銀行就遲尐同政府收數, 而北水就畀返利息銀行, 咁既話現金流就會改善, 毛利率係低左, 不過我認為加快回本期所帶來既好處(新錢快尐到手, 可以早尐開新project, 財務安全獲得提升), 係完全夠offset有突

      美仕筆數會係今個月28日股東大會投票, 我唔知道呢一刻北水有無本事再拎10億出黎畀佢, 北水一向都咁等錢使, 畀人借走10億自己都應該無乜現金, 發債都係為左保持公司既現金水平

      大家又可以計計數, 先前供股抽左33億, 銀團13億, 依家人債又20至30億, 即係最高會係不足一年內抽水76億, 筆數真係好大, 不過, 如果睇返2010年BT+BOT成本都接近五十億, 如果要保持快速增長, 今年既目標閒閒地都係呢個數再加多十幾二十億, 即係我估今年呢方面既成本都應該在70億咁上下, 但工期一般要12-18個月, 要下個財年先完全收回, 完全係有需要借足幾十億, 除非有更多工程用上面個模式收錢, 咁就可以借少尐都做到新生意

      缺水缺得多, 應該價都加得快尐, 要用少尐水直接階梯式水價就會好多人用少好多水, 快尐實行啦希望, 不過我有預感, 個個覺得加水價係利好, 反而可能有機會加左水價之後唔會賺多左好多, 不過北水個潛力實在唔係單單加水價咁簡單, 容後再分享 🙂

    • fatlone 說道:

      email is sent 🙂

  4. 小金仔 說道:

    唐山曹妃甸阿科凌海水淡化有限公司50%股权转让公告
    来源:河北产权交易中心 时间:2011-06-16 08:30

    唐山曹妃甸发展投资集团有限公司持有的唐山曹妃甸阿科凌海水淡化有限公司50%国有股权在河北省产权交易中心公开转让,现面向社会广泛征集意向受让方。
    欢迎有意者前来河北省产权交易中心报名并了解具体情况。
    报名登记时间:2011年6月16日至2011年7月13日17时
    联系人: 张鸥
    联系电话:0311-87015829/38

    一、企业基本情况
    1.标的企业基本情况
    唐山曹妃甸阿科凌海水淡化有限公司(以下简称“曹妃甸阿科凌公司”)于2010年3月12日工商注册成立,注册资本13912万元,其中:北控阿科凌海水淡有限公司出资6956万元,持股比例50%,唐山曹妃甸发展投资集团有限公司出资6956万元,持股比例50%。
    目前曹妃甸阿科凌公司的经营范围仅限于海水淡化水的生产、海水淡化设施(包括取水口及其相连管道)的开发、运营和维护的项目筹建。
    2.转让方情况
    唐山曹妃甸发展投资集团有限公司是2007年7月由唐山市曹妃甸工业区财政局国有资产管理办公室出资成立的国有独资公司。企业法人营业执照注册号:130298000000070;住所:曹妃甸工业区;法定代表人:张贺青;注册资金:340140万元;经营范围:项目编制、代理审批、施工勘察、项目投资、投资顾问、咨询服务。
    二、内部决策及批准情况
    1.唐山曹妃甸发展投资集团有限公司召开董事会会议,同意通过产权交易机构向社会公开出让所持曹妃甸阿科凌公司50%股权。
    2.唐山市曹妃甸工业区财政局国有资产管理办公室批复同意唐山曹妃甸发展投资集团有限公司面向社会公开转让所持曹妃甸阿科凌公司50%的股权。
    3. 曹妃甸阿科凌公司按照公司章程召开董事会,同意唐山曹妃甸发展投资集团有限公司履行国有股权转让程序,在河北省产权交易中心公开转让所持曹妃甸阿科凌公司50%的股权,股东北控阿科凌海水淡有限公司放弃优先购买权。
    三、企业财务数据及评估情况
    截止到2011年4月30日,曹妃甸阿科凌公司账面资产总额26705.48万元,负债合计12793.48万元,净资产合计13912.00万元,根据唐山天勤资产评估有限公司对曹妃甸阿科凌公司的资产评估报告,以2011年4月30日为评估基准日,曹妃甸阿科凌公司资产总额27868.69万元,负债总额12793.48万元,净资产15075.21万元。该评估结果已报唐山市曹妃甸工业区财政局国有资产管理办公室核准备案。
    四、职工安置情况
    曹妃甸阿科凌公司现有在册职工12人。本次股权转让不涉及职工安置。
    五、转让方式及标的挂牌价格
    (一)转让方式
    按照国有股权转让有关政策公开挂牌转让,广泛征集受让方,并由河北省产权交易中心实施。在报名期间,如果只有一个意向受让方报名,采取协议转让方式;如果有两个及以上意向受让方报名,通过电子竞价方式确定受让方。
    (二)挂牌价格
    本次转让标的为曹妃甸阿科凌公司50%股权,对应企业净资产 7537.61万元,标的底价7538万元。
    六、受让条件
    符合国家法律规定的企业法人均可报名受让曹妃甸阿科凌公司的国有股权,并接受如下条件:
    1、意向受让方为具有良好的商业信用的公司,具备良好的财务状况和支付能力。
    2、曹妃甸阿科凌公司转让前的所有债权、债务情况已纳入本次净资产评估范围,并已作为确定该标的转让价格的依据之一。股权评估基准日后,双方签订股权转让合同前,若曹妃甸阿科凌公司因正常开展公司业务而新增的债权、债务,由股权受让方按相应比例承继。
    3、意向受让方报名前须向曹妃甸工业区管委会提交对曹妃甸工业区超大型海水淡化产业化基地建设的战略规划,并取得曹妃甸工业区管委会对战略规划的书面意见。
    4、考虑到曹妃甸阿科凌公司在曹妃甸工业区海水淡化基地建设中的战略作用,意向受让方应具有雄厚的资金实力、良好的经营管理经验、完善的组织机构和较强的资本运作经验、实力,意向受让方或其实际控制人的注册资本不低于人民币10亿元,净资产不低于人民币40亿元。
    5、意向受让方承诺受让曹妃甸阿科凌公司股权后,负责协调唐山市政府、北京市政府就曹妃甸工业区海水淡化向北京供水事宜签订相关协议,将曹妃甸工业区海水淡化向北京供水项目提升到京、唐两市的合作层面。
    6、股权转让合同生效之日起5个工作日内,受让方一次性将全部转让价款支付给转让方,汇入转让方指定的账户。
    7、意向受让方在报名时缴纳人民币2000万元保证金(保证金不计利息)到河北省产权交易中心指定账户。
    8、股权转让过程中产生的交易费用全部由受让方承担。
    七、报名与资格审查
    1.报名单位应当在本公告确定的公告期限内报名并提交相应的文件材料,由河北省产权交易中心登记。
    2. 唐山曹妃甸发展投资集团有限公司与河北省产权交易中心对登记的意向受让方进行资格审查。
    3.合格的意向受让方有权向曹妃甸阿科凌公司、唐山曹妃甸发展投资集团有限公司和河北省产权交易中心查询了解曹妃甸阿科凌公司的相关资料和情况。
    八、意向受让方须提交的材料
    1.股权受让条件要求的所有资料;
    2.《受让意向登记表》;
    3.意向受让方认同受让条件的承诺函;
    4.意向受让方企业法人营业执照、税务登记证、组织机构代码证、企业简介(包括但不限于其经营范围、产品及经营业绩情况等)、近一年经审计的及最近一期财务报表(资产负债表、损益表、现金流量表及会计政策说明等)及附注;
    5.意向受让方企业法人同意收购曹妃甸阿科凌公司股权的股东会决议或董事会决议;
    6.意向受让方近三年内没有违法违规等不良记录的陈述和承诺;良好商业信用的陈述和承诺。
    7.产权交易中心要求的其它材料。

    唐山曹妃甸发展投资集团有限公司

    • fatlone 說道:

      我以為北控打算收購餘下股份, 殊不知「股东北控阿科凌海水淡有限公司放弃优先购买权。」

      北控會容許第三者介入? 還是…北控打算以獨資身份認購? 不過若然是這樣, 就不用放棄優先權吧…

  5. 小金仔 說道:

    一、唐山曹妃甸合資公司
    (香港,2011年2月1日)北控水務集團有限公司(以下簡稱“北控水
    務”)已與唐山曹妃甸發展投資集團有限公司簽署備忘錄約定共同出資5億元
    人民幣在曹妃甸工業區註冊成立中外合資投資性企業—北控曹妃甸水務投資
    有限公司(以下簡稱“曹妃甸合資公司”),出資比例為北控水務占70%,曹
    妃甸發展投資集團有限公司占30%。曹妃甸合資公司主營業務包括供水、污水
    處理、海水淡化、供熱、污泥與垃圾處置的投資與運營,以及基礎設施建設
    等業務的投資。
    曹妃甸合資公司成立後,以曹妃甸工業區為基礎,著手研究收購曹妃甸
    發展投資集團有限公司持有的曹妃甸阿科淩海水淡化有限公司50%的股權、唐
    山市曹妃甸供水有限责任公司25.67%的股權和曹妃甸城市排水有限公司100%
    的股權。對污水處理廠重資產項目擬由合資公司採用BT方式建設,建成後由
    曹妃甸城市排水有限公司收購其特許經營權並進行運營管理。據瞭解,目前
    南區汙水處理廠已經完成建設,北區污水處理廠已經完成設計工作。此外還
    可以BT方式參與曹妃甸工業區其它基礎設施項目的建設。
    對於長遠投資規劃方面,北控水務擬由曹妃甸合資公司作為平台,以TOT
    方式收購曹妃甸新區其它水務項目,以BOT或BT方式承接曹妃甸工業區的相關
    工程項目,包括新建淨水廠、污水處理廠、中水回用工程、圍海造地、管廊
    建設等。
    北控水務預計曹妃甸合資公司日後投資規模龐大,期望可形成供水規模
    23萬噸/天,污水處理規模26萬噸/天,海水淡化項目規模5萬噸/天。
    北控水務已把海水淡化列為未來的核心發展戰略之一。著手研究在曹妃
    甸擬建設海水淡化規模100萬噸/天,為未來將向北京市輸送海水淡化水做好
    準備,並以此作為北京市的戰略保障性水源。

    • fatlone 說道:

      我正想找曹妃甸的消息, 一跳轉到自己的博裡就看到小金仔兄的分享, 太過巧合了

      先留言, 後細閱, 謝謝 🙂

      小金仔兄, 你也分享一下你對371或者水務市場的看法吧

      基本上關於投資的事也可以分享的 🙂

  6. 小金仔 說道:

    週四見到的一份合約細則顯示﹐北控水務集團有限公司(Beijing Enterprises Water Group Ltd., 0371.HK, 簡稱﹕北控水務集團)計劃將3年期及5年期人民幣債券的收益率分別定在大約3.75%及5%。

    合約細則顯示﹐上述未經評級的Reg S優先債券將於本週定價

  7. 小金仔 說道:

    fatlone兄:
    曹妃甸項目一定是北控水務的你看誰有這樣的条件

    5、意向受让方承诺受让曹妃甸阿科凌公司股权后,负责协调唐山市政府、北京市政府就曹妃甸工业区海水淡化向北京供水事宜签订相关协议,将曹妃甸工业区海水淡化向北京供水项目提升到京、唐两市的合作层面。

    • fatlone 說道:

      謝謝小金仔兄的分享:)

      七千多萬元的代價, 除了有50%的股權之外, 還贈送政府的保薦, 這筆交易相當划算, 我想北控應該不容許有別的公司加入吧??

  8. CHUN 說道:

    明天股東會..請問我們可否出值聽取意見呢?

  9. Unknown 說道:

    果然系不離不棄
    今日加多注,希望已經見底

    • fatlone 說道:

      unknown兄, 你係咪話緊我 😛 我堅係一股都無沽過, 可惜2蚊以下買入股數唔多, 不過都唔算少

      呢幾日反彈除左大市回穩之外, 唔知係唔係因為發債規模比預期細, 市場為認為係利好?

  10. Unknown 說道:

    我有部份長KEEP,間中打下遊擊
    見呢幾日買盤OK
    如果人債多人買都算系個利好
    希臘預期都講掂數,今日美電又強,所以撈返D貨

    • fatlone 說道:

      unknown兄 我覺得見有勢先買入勝率會高唔少, 如果以1.9x做底部, 升幅都在10%左右, 唔算好勁, 期待半年業績, 其實我剛才話一股未沽係指我先前止蝕完之後再撈返開始計, 我無再沽過 😛 好似都係講得好亂…

      • Unknown 說道:

        呢只野佔我今年盈利都OK
        主要3次(供股前 供股後 業積後)都有約0.3水位,同埋重貨
        依加手上得20000股 10000@2.4 今日10000@2.1

  11. CHUN 說道:

    我日日都有睇水網D新聞,話水費好難加..D市民成日去聽證會投拆..而有幾個區仲減水費黎舒解通脹WO減大約0.1$一噸,天然氣都係..真係好唔明..唔知有冇人睇過呢D新聞,唔知堅定流..如果係真既話好唔明大陸政府係到做更咩..樓價..物價又唔去管..水價又管到足..真係好唔明朗..又唔做D補貼丫..短期我諗都唔會有D超利好既消息出丫睇黎..要有心理準備放一個比較長既時間丫朋友們..

    而嫁講更一尸一水錶..LE個計畫最快都要下年先整到..統一水費又唔係易事..冇多D時間都做唔到.最差既情況真係十二五擺5年丫..咁真係灰…不過長遠都係睇好..

    • fatlone 說道:

      CHUN兄, 改水價中間應該會牽涉好多個parties, 其實水資源呢個問題, 好多評論都有講過已經出現好耐, 應該有太多問題要處理好, 都係再等等啦

      北控水務既增長動力都係來自新項目獲取既進度, 又或者當呢個動力慢落黎既時候, 水價就可能開始有得加, 成為下一個接力都未定

      我期望係最最最遲要12個月內就見成果, 由我開始cover 371到依家, 差唔多半年, 我自己會畀多半年自己, 其實我既買入時間真係幾差下, 依家再review返, 好明顯係我自己有bias, 30倍P/E都敢去重注, 後尾注資一事一直未落實, 咁佢要跌返落黎都好應該

      以後點睇好一隻股票, 都要盡量保持中立, 其中一個好方法係同其他人討論, 所以galaxy兄話要冷靜尐, 我係好認同

  12. Unknown 說道:

    中国水价改革是一个长期的过程
    时间:2011-06-29 13:50 来源:中国水网 作者:孙宁 评论:3条

      旱涝频发,水污染事件不断,水问题已成为21世纪中国的首要问题。

      随着人口的增加,经济的发展,国内用水总量大幅增长,为了缓解这些问题,政府开始利用市场促进水资源的节约。1998年之后,原先的“水费”逐步转型为立足市场供需的“水价”。2004年初,国务院以文件形式明确了城市水价由水资源费、水利工程供水价格、城市供水价格以及污水处理费四部分组成。

      近日,四川、甘肃、北京、广州等省市逐步进行水价改革,推进阶梯水价。借此机会,中国水网采访了通用咨询公司董事薛涛。

      水价上涨是一个长期的过程

      薛涛坦言水价上涨是一种趋势,但是需要经过较长的时间,原因有三:首先,政府的主体责任在水价构成方面不清晰,由以前的政府承担较多(还需考虑到中央财政的参与)到现在的居民水费与财政负担的合理分担,是具有一定难度的;其次,供水企业属于垄断企业,本身缺乏成本的考量,对垄断企业的监督方式在中国还需要很长的一段路要走;最后,老百姓已经习惯了一个较低的水价,当他要走到高处时必然有很大的阻力,这个阻力需要时间来克服。

      听证会“怪象”

      供水行业似乎成为受“听证会”毒害最深的行业,水价听证会由以前反对声一片到现在的无人问津,或许暴露了它本身存在的弊病。

      相关人士透漏英美等发达国家的“听证会”是由行政法官主持,听证的双方可对结果上诉。但是,在中国“听证会”由物价部门主持,而它又是价格的主管部门,这首先是我国听证会制度本身同英美等国听证制度的区别。因此,我国水价听证会制度本身存在缺陷,它不能实现最终决策,只是听取各方意见,而一些听证参加人并不了解这一点,于是,水价听证会逐渐沦为情绪宣泄的场所。

      “目前的听证会缺乏中介公司的介入和对成本的剖析。听证会将很多问题都没有说清楚,因此水价问题永远不能到位。”薛涛认为, 水价上涨问题需要对老百姓进行宣传教育;自来水公司,污水公司需要通过竞争方式,在运营中间被监督,提高透明度;在此基础上,政府应在尊重历史的基础上尽快拿出更好的解决方案。

      推进阶梯水价

      阶梯水价是国际通行的促进节水,保障弱势用水者利益的手段。1998政府开始明确要求推进阶梯水价,但是目前只有个别城市在施行。薛涛认为,相对于直接涨价推进阶梯水价是更有效的方式,更能提升民众的节水意识。但是,阶梯水价需要提高自来水公司的管理水平和硬件建设,对自来水公司可以说是一个挑战,因此推行起来会有难度。中国水价改革可以在一些区域逐步进行,肯定会有所改善。

      最后,薛涛指出,发达国家的地方财税与中央财政分割清晰,水价机制也相对完善,历史负担较少这些原因均使水价问题相对简单。处于变革状态的中国两者都不清晰,而且历史纠结很多,水价体制问题比较复杂。

    • fatlone 說道:

      unknown兄, 所以我都唔對"水價上升"作為股價催化劑有太大期望, 因為都係太長遠既事, 最大既動力係來自公司爭取新項目既能力, 同埋集團融資能力, 後者的確好進取, 圈錢速度應該冠絕全中國水企, 而新項目就有待半年業績透露, 如果今年年底做到一千萬噸/日處理能力, 咁就好犀利喇

  13. Unknown 說道:

    《中國證券報》引述權威人士透露,由水利部制定的《關於實行最嚴格水資源管理制度的意見》已進入第二輪征求意見階段,預計將在兩個月左右完成此輪征求意見並上報國務院。

    據悉,有關部門近期將進一步在金融方面加大對水利建設的支持,進一步落實水利建設信貸資金。具體方式包括降低水利貸款利率、延長水利建設貸款期限等。高效節水灌溉與灌區灌溉配套設施更新改造將進一步提速。(su/u)

    • fatlone 說道:

      開始黎料喇… 雖然呢尐消息真係無乜效力, 不過, 唔係有呢尐蛛絲螞跡, 又點會有尐勁野跟尾? 我覺得給力既政策我地需要等既時間, 我幾有信心係2011年內出現

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s