fatlone’s view: 關於保利協鑫(3800.hk)最新的一點看法

原文是我在山頂洞人兄的留言, 用了廣府話, 看不慣的朋友請忍受一下了, 不好意思!

大家都可以去山洞作客, 除了洞人兄之外, 經常有高手「駐場」, 不過別忘了我這個investment paradise:P

來源:

http://sddr2010.blogspot.com/2011/05/blog-post.html?showComment=1306083239336#c4306188456597875368

http://sddr2010.blogspot.com/2011/05/blog-post.html?showComment=1306083292684#c6688178678425358485

原文:
hi 大家好, 洞人兄你好

我見到我個名畀你地提及過唔止一次, 我覺得好榮幸:)

先前看淡太陽能股, 係因為看淡太陽能業在Q2的表現, 一個行業轉淡理應唔會有業者可以獨善其身, 至少係股價上係, 就算佢本身個基本面係"強到無倫"都好, 3800係超級勁, 不過, 到目前為止, 我係網上同埋所有媒介入面睇到有人可以講出一個原因可以說服我, 點解3800可以勁可以到"逆天而行"

連我見過對3800其中一個最有研究既blueblood兄都先避鋒頭, 又叫人點樣唔動搖?

依家管理層出黎解釋, 純粹係派定心丸, 但並無提及確實應對方法

不過, 既然管理層聲稱第二季出貨量將會提高, 我相信他們, 所以在量的方面, 會有保障

難得管理層坦承, 市場有4GW的存貨要消化, 預計要1-1.5個月, 有無人可以話我知, 如此境況下, 要你既客戶再承接你超過1GW既硅片?

如果解答唔到以上疑問, 點解要繼續看好?

可能係我做唔足功課, 所以有人解答到而我睇唔到

經過剛才再對3800做左少少功課, 我或者可以解答到自己

我預計保利協鑫將會大幅降價, Q2成績會比Q1有個唔細既跌幅

毛利率可以維持, 係因為佢以去年全年做基準, 不過40%以上既GP應該唔會再維持到, 40%+既GP係基於去年第三季度至今年首季既成本同價格, 大家睇返佢官網既數據, 10Q3成本係25.4USD, 10Q4係22.5, 而據聞11Q1係22USD, 而管理層目?係本年底去到20USD, 即係話以今年首季計算成本降幅比去年Q3跌左13.4%, 如果去到今年年底目標大約係21.2%

睇返由去年Q3去到依家wafer既跌幅有幾大? 我唔翻查資料, 單憑印象, 5月既wafer跌幅已經1成左右, 如果要維持4成以上既毛利率要點做? 根據一般硅料佔硅料既成本約50%去計算, 要完全抵消售價下跌既影響, 基本上係售價跌幅幾多, 硅料成本就要跌幾多

好明顯, Q3至目前既硅料成本既13.4%跌幅, 並唔可以抵消期內硅片售價既跌幅

我諗到既唯一出路, 係從硅片製造成本方面著手, 我相信以今年可以繼續將呢方面既成本再壓低, 但係基於diminishing of marginal utility法則, 我覺得規模效應帶來既benefit會慢慢變小, 其實去年底3.5GW已經極具規模, 再加上建廠地點已經貼近其主要客戶, 規模效應應該唔係下降成本既主力, 我相信接下來要靠技術更新應對, 主要係靠買入新既機器同埋科研團隊既努力, 呢方面係預測唔到, 但係相信硅片製造成本可以進一步降低, 問題係跟唔跟得上售價跌幅

如果管理層話GP可以維持, 即係話硅片成本再次大幅降低, 咁就睇下係咪真係咁堅, 我自己對毛利率看法係: 信住一半

睇返個量, 管理層咁有信心可以維持到, 我相信係因為…佢畀佢地?數, 大家諗下, 係舊貨未清, 錢未到手既情況下, 叫D客點接新wafer? 就係畀個客拖長個找數期, 賣得出先畀錢, 我唯一諗到可以維持到出貨量既方法就係咁

所以再推多步, 我預計應收帳可能會大幅增加, 對現金流會唔會有壓力? 最有壓力既時期已經係幾年前過左去, 3800係國家隊中既一隊, 只會有使唔完既錢, 經營唔會有問題

關於712, 我擔心既野要發生喇, 3800已經落成左一條500MW既單晶wafer生產線…

睇下, 3800幾有錢, 712搞左幾年先得600, 人地一口氣就500, 唔使玩啦….

咪住…712仲有得玩… 遲下要出返篇文推下712先 😛

廣告
本篇發表於 fatlone's view, 太陽能 並標籤為 。將永久鏈結加入書籤。

12 Responses to fatlone’s view: 關於保利協鑫(3800.hk)最新的一點看法

  1. rabit 說道:

    您好,
    我刚刚买入2198,但刚刚看了您的博客链接的化工朋友的博客里,说到了2198跌价后可能会出现季度亏损的问题,想请教您,您是如何看待2198的,是否应该止损了。

    • fatlone 說道:

      你好, 新朋友 rabit

      其實我已經止損了2198, 我認為以現時水平應該不至於虧損, 不過, 如果市場認為增長放緩, 甚至倒退, 已經足以構成洗倉的理由, 基於看不清EO價格的走勢, 我選擇離場觀望

      歡迎光臨和分享你的看法:)

  2. blueblood 說道:

    http://www.solarf.net/html/2011/finance/economics_5/5801.html

    同意fatlone兄的分析。如果真有大廠倒閉,整個太陽能行業的股價還能下一個臺階。如果3800能跌到3.5甚至3元以下,等於去年玩過的遊戲還能重複玩一次,那真要笑醒了。

    • fatlone 說道:

      hi 藍血兄:)

      今次又來一次重新洗牌, 但我相信比起金融海嘯的衝擊, 今次振盪的時間應該比較短, 預計半年內會分出勝負, 快則在一季內便價見底
      第一波的殺跌的跌幅是最深, 我相信一半以上的跌幅已經完成

    • fatlone 說道:

      如果我個組合有返咁上下規模, 我可能會選擇以黃國英先生在上述文中提及既資產配置方法

      不過, 因為組合一D都唔大, 就繼續高風險地集中幾隻細股, 睇下可唔可以用高風險換取更高回報

      呢一刻, 仍然係不斷止蝕, 而止蝕後手痕再入場都只會用部份注碼, 現金水平只會越止越升

      david你現在的應對方法又如何?

  3. david395 說道:

    http://hk.myblog.yahoo.com/scorerpangsiu/article?mid=2845

    想順帶提醒大家,那些爆升股是主人從農場帶到市集準備出售,然後帶著滿袋的金錢回家。根據農場主的經驗,這些牲口已過了最會長肉的時期,再養下去只會浪費飼料。無論如何,他們並不打算把那畜生帶回去繼續飼養。既然如此,我們也千萬記住別把這些畜生帶回家。不幸在交易中損了手,虧多少都要及早有個了斷,糾纏下去後患無窮

  4. Mr. Yeung 說道:

    Hello Fatlone 兄,好久不見!

    我都有留意到港股通那位仁兄對三江的見解,我雖然認同 EO 的降價會令三江的盈利下降 (很合理,都不得不認同…),但就是不明白每頓虧損 $500 是如何計算出來。相信 Fatlone 兄都知道,EO 行業在 2010 年的上半年也是不濟的,印象中當時的價格不比現價高,但三江還能有一億多的溢利。我估計,較悲觀的情況是三江上半年的毛利率比去年的上半年還要低,但未至於盈轉虧,至於下半年的變數較多,EO 價格也許會因產能被適度消化而稍稍回穩,也可能因經濟增長持續放緩而載浮載沉,甚至繼續下跌。

    我得承認之前是過份樂觀,EO 價格的下跌 (更遑論是暴跌) 更是始料不及。雖然如此,我還是認為以長線投資論三江的現價是具吸引力的。不過市況不佳,我會分注吸納,重新購入三江作長線投資。未知 Fatlone 兄會否再次關注三江呢?

    • Mr. Yeung 說道:

      抱歉,我未有看到 Fatlone 兄對 Rabit 的回應,原來已解答了我的疑問!

      • fatlone 說道:

        產品價格個上升趨勢預期一旦被市場認定結束, 殺傷力就會十分之大, earning同估值(即係個multiplier)一齊縮, 一定跌得極之甘

        2198, 我呢一刻唔進場住, 不過, i will be back 😀

  5. rabit 說道:

    您好,我今天看了您2208的分析,请问现价的2208有投资价值吗,已经很低的价格了。

    • fatlone 說道:

      風電設備業前景未明朗, 而最近的季報正反映這個現象

      股價來說, 當然是低位, 但行業景氣度一日未能回升, 股價只有繼續跌, 或者保持低位兩途

      金風科技是我喜愛的公司, 不過行業的週期還未確認見底, 我只能觀望它

      如果有足夠資訊令我們看到行業開始回暖, 待那時才建倉還未遲, 因為最初的升幅不會太大

      我認為以連續兩季的業績做判斷可信性應該足夠, 行業調研做得好, 應該在第一季就可以有決定

      rabit兄, 你有沒有看法可以跟大家分享嗎 :)?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s