(轉載)越有安全感的股票越危险; 繼續關注北控水務(371.hk)

source: http://blog.sina.com.cn/s/blog_5efa655401017wuu.html

越有安全感的股票越危險

 

近日投資組合靠水泥股而創出今年的新高。之前對於水泥股的看法是此板塊有機會在同一時間內吸引到短線投資者及長線投資者買入。短線投資者買入的理由是看到近期水泥價格上升,板塊正在被重估,因而追入。而長線投資者買入的理由是他們需要投資十二五政策受惠股,而帶有保障房概念的水泥股是其中一種,因此他們沒有得選擇。兩種力度加起來導致了這一個月內一眾水泥股股價遠跑贏大市。筆者亦開始收到了不少電郵,就是詢問此刻水泥股還可以買入嗎?每次被問到這種問題時,心裡都會有掙扎,掙扎的是究竟怎樣回答投資者才是最合適的。雖然自己還是繼續看好水泥股,但是畢竟短期升幅已經這麼巨大,如果投資者因自己一句 “還看好"而高位入了貨,最後原來是看錯的,自己心裡會不好受。

 

有時候,筆者亦都想反問,就是為什麼當水泥股股價剛開始起步時,不買入?其實不問都知道答案了,十居其九都會說因為剛剛開始升時,沒有多少信心,現在升幅明確了,而好消息又越出越多,因此對於水泥股的安全感大了。乍聽之下,這句話沒有錯,從來投資專家都說要買自己有信心的股票。不過其實這個說法就違反了股票部份的本質。長期而言,股價是反映公司盈利,短期及中期反映的卻是投資者對於一只股票的預期。簡單來說,假設一只股票有10個好的預期,那麼短期或中期股價就是反映這10個預期。贏得最多的人一定是在10個好的預期還沒有反映前就買入,之後沽給了那些因以為還會有第11個好預期而買入的投資者。一般投資者如果能夠賺到10個預期中5個預期的升幅已經非常不錯了。所以關鍵在於究竟你對於一只股票的信心是來自什麼地方?如果你的信心大部份是來自已經反映了的預期,那麼你即使不接第10棒,你都會是接了第8或第9棒。相反,如果你對於一只股價的信心主要是來自自我研究的成果,那麼通常一只股票出了一兩個好預期後,你已經會十分願意買進了。記著股票這遊戲說穿了,就是看誰在升前買入得早,在開始跌時誰沽得快。因此,其實越有安全感的股票越危險。

 

王雅媛為持牌人士

fatlone:
其實想寫些東西有關北控水務, 不過下筆之前到王雅媛小姐的博客看到上面的文章, 很有意思, 就轉載下來

這篇文章我認為正好說中了我在北控水務損手的情況, 但我相信更適合於各位在5元以上買進保利協鑫的朋友, 我這篇博文主要是淺談這兩點

北控水務的跌浪已經持續了三個月, 我買入後就一直跌, 此檔股票是繼卡姆丹克之後我花最多時間跟進的, 而這段時間證明了我的介入時間並不好, 而當我大手買進的時候, 正是上文中"期望有第11個預期出現"的人, 當時我做足功課, 認為371很有潛力, 風險不大, 就是坐和望贏那種, 簡言之就是很有信心, 結果一直被套到今天, 而正正因為信心大, 注碼亦跟著加大, 而股價下跌就很受傷了 😦

不過, 她在文中後段提到「相反,如果你對於一只股價的信心主要是來自自我研究的成果,那麼通常一只股票出了一兩個好預期後,你已經會十分願意買進了。」我正正是因為自己的研究成果才買進, 但買進後股價拾級而下, 是我的錯還是市場的錯? 當然是我的錯, 不斷虧蝕又不做止損, 市場沒有損失, 輸的只是自己

我說繼續留意北控水務, 最重要的理據不是日前的政策風聲, 而是我在早前在其官網中發現它更新了數單新聞, 有很多並沒有在財經網站流轉, 而基本面的改善正正就是這是看似零碎但可能隱含了對公司前境有重大影響的消息

這些消息有多重要全是源於讀者對它們的解讀, 而我在官網上看到的數單新資訊, 我會如此解讀

公司願意公佈多些消息一定是好事, 這反映了公司的透明度提高了一點點, 而更重要的是看到一個轉變, 大家可以看看在公司新聞一頁中, 2011年比以往兩年多了不少, 基本上2011年前是沒有新聞可言

我認為這個轉變象徵公司想向外界傳達「我做緊o野」這個訊息, 公司將會有很多搞作, 雖然一切還沒有落實, 但至少都在「叫糊」吧, 這些消息都是和地區政府的領導會面傾計劃; 跟外商談合作, 也有合約簽定

北控水務的增長速度, 全看它攻城掠地的進度, 而不是坊間經常看重的母公司注入資產, 這只是個一次性的利好, 而不是代表啟動了注資進程, 因為以我的調研所知母公司北控只有一個水務資產, 就是北京的水廠, 盈利有一億多元, 除此之外我相信沒有水務資產可作注入

現在公司新聞正正就是告訴我們, 它仍保持去年的活力, 繼續四出尋找機會, 這些消息不會在aastock和etnet等財經網找得到, 我看好基本面的原因就是這樣, 如果相信基本面是向好, 不過股價下跌, 應該怎麼辦? 我的策略是細注慢吸, 因為不知要跌多久, 可能市場認為要跌30%才會見底, 但我認為跌10%已經很抵買就飛身大注撲入, 結果就要痛苦地捱價, 這就是我現在的情況

我在371的倉位比高峰時減了不少, 我的目標是慢慢將手上其他持股套現, 換入371, 將倉位加到舊日高位, 甚至更多, 換馬是因為不想增加投入, 繼續保留多些現金, 市況未明朗, 自己又不懂做對沖, 小心為上

再談談保利協鑫, 我看到仍有博客買進, 如果我的擔憂會發生的話, 第二季度的業績可能會比首季來得差, 一旦增長停止甚至倒退, 就會被洗倉, 資金流走後就不知道何時會再臨, 至少在業績轉好前都不會, 太陽能不是一句「長線看好」就可以買的行業, 應該說任何一個行業都理應如此, 如果看好一隻股票只有「長遠看好」另加N字的分析, 這不足以構成買入的理由, 市場有大量(so call)長線看好的股份不斷下跌, 你可以買入多少隻?

我不是要標奇立異去吸引大家的目光, 才叫大家要小心太陽能股, 最好不要貿然買進3800, 大家再重溫一下王小姐的文章, 看看3800給你們的信心是否來自已經反映的預期? 再問問自己建倉的時間是屬於等待第十一個預期反映, 還是認為只是反映了一半?

炒股要看行情, 現時在網上的主流資訊都是偏向負面, 大環境是偏淡的情況下3800可以獨善其身? 如果可以的話, 那就是3800強得可以逆天了, 要重注買入. 我目前是不太相信有業者可以保持強勁增長, 不倒退已經足以證明它將會是本輪淘汰賽下的優勝者, 要重點關注

廣告
本篇發表於 fatlone's view, 太陽能, 投資心得 並標籤為 , 。將永久鏈結加入書籤。

28 Responses to (轉載)越有安全感的股票越危险; 繼續關注北控水務(371.hk)

  1. pisces-hk 說道:

    謝謝你的博客分析。

    我覺得北控水務(還有855,257)等各類得水,污水處理等,都是炒水的長遠概念。這類都是花銷大,短期相應的收入卻有限。855的 model 比較另類一些,不要對你自己當初的買入判斷過於苛刻才好。要有耐心。申報:我自己有一些855和371。也想著再加些371。

    我也在考慮3800。

    • fatlone 說道:

      你好, pisces-hk兄, 是新朋友嗎? 又好像不是, 可能我忘了, 總之是來討論的就很歡迎:)

      371給外間最大的缺點正是開支巨大, 因而負債比率很高, 其實我們只要注意371的還款能力就可以, 因為要高速增長就一定要狂接job, 當自有規模也大得足夠以內部資金應付大部份開銷, 屆時371就確確實實是一隻公用股, 那就沒有吸引力了(對我而言), 母公司的目標應該是這樣, 因為一旦成為基礎堅實公用股, 可以為母公司製造巨大而穩定既現金流

      不過粗略地看, 371做到咁, 應該係十二五之後既事

      太陽能股小心D, 唔好咁心急呀

  2. Jimi 說道:

    My strategy to buy 371 is almost same as you.飛身大注撲入 and then 細注慢吸–頭大尾細. Please be patient to wait, you will make a fortune on 371 in the future, it takes time.We are on the same boat.
    You already spend a lot of time on doing research for 371, give yourself more confident.堅守基礎分析,捱價一段時間是正常的,心理質數及耐性非常重要.
    Be fearful when others are greedy, and be greedy when others are fearful—人棄我取:
    For example,保利協鑫, people ignored 3800 a year ago. Right now people love it so much. Think about why people are not interested in 3800 before it soars.
    陸東「智者傲行」一書:
    波幅是炒家的朋友,若是價值投資者,就必須堅守基礎分析
    順水推舟並非發達之道,要成功,一定要先行,所以未轉勢就要做,然後忍耐,忍耐扒逆水的寂寞,忍耐買完還跌、沽完還升的引誘,心目中堅持着平與貴。(陸東「智者傲行」)

    扒逆水不等於冒險,冒險是不理三七二十一便一頭裁進,最重要是掌握事情正與反,細心分析利與弊。(陸東「智者傲行」)

    反對聲音越大,所得回報逾高,也越long-lasting。隨着群眾走去,邊際利潤一定不高;反而逆流而行,快人一步收獲才豐。(陸東「智者傲行」)

    • fatlone 說道:

      你好 Jimi兄, 新朋友, 歡迎光臨

      原來大家都係371既戰友:) 371戰隊又多一員

      你quote陸東段野畀我睇, 我不禁將自己同佢比, 好似升左呢咁, haha

      但一路寫博, 久唔久就有網友話佢都有371, 原來我都唔寂寞得晒

      我覺得行呢條路贏錢, 係一次過又贏錢又贏信心, 係好爽既一件事

      呢度有位blueblood兄, 佢係3800大升之前已經重倉出擊, 做足功課, 佢在太陽能既研究係本地博客界極少見, 但佢本人無寫blog, 可惜:P 我認為佢都係呢一種人, 所以佢先前在2698贏到漂亮一仗

      我真心希望係371贏鋪勁, 我真係畀左唔少心機(同資金)落去, 基本上一買就蟹, 希望呢個跌浪完結後就是371見底之時, 最理想當然是唔跟跌, 逆市上升, 咁就連勢都有埋

      Jimi兄, 歡迎你講下371既睇法, 因為好似無BLOGGER會咁詳盡講呢隻, 不過因為咁, 我先迫住自己落手落腳搵料:)

  3. Gary 說道:

    我找到 ims 尋日發表份全球光伏報告, 可以睇一睇

    http://www.pvmarketresearch.com/press-details.php?id=58

    • fatlone 說道:

      Gary兄, 又唔該晒 🙂

      睇完呢單野, 4蚊都無既712我都有想再度減持….

      呢一句都幾嚇人:

      However, distributors were already stocking large amounts of product and the total worldwide PV module inventory has now reached a record amount of over 10 GW in Q2’11.

      如果真係如字面上既意思有10GW貨未賣得出, 我諗唔到條生產線會以一個乜野水平去run落去, 到時價量齊跌, D太陽能股就大檸樂了

      我唔係話3800同712一定受影響, 之但係, 到呢一刻為止無管理層出過黎講過任何野去消除我既疑慮, 咁好正路係要小心為上, 而唔好見急跌就接刀, 底子厚就接左都唔多痛, 如果唔係, 我覺得呢個時間應該等呢場殘酷既淘汰賽戰局明朗後先同D太陽能股執骨都未遲

      • Gary 說道:

        係, 我都擔心緊, 雖然 3800 同 712 底子好好, 管理層都比到一定信心, 但呢場戰役好似好長遠, 小心為上比較好, 希望影響不大, 睇埋年中份報告, 有咩不利, 真係要跳船.

  4. pisces-hk 說道:

    我是第一次在此留言。是通過cup sir的博客看到您的博客。學到許多東西。也很高興看到你在寫371 。
    謝謝你對3800的提醒。3800 之前急升許多,我覺得現在多數是大戶確保獲利。這樣,一可以避險(希望不是這個 case, 如果是的話,就問題大了),二是可以為下一季度的上升做準備(如是此case, 就可以擇价而入了)。這兩天看到的3800賣方都是大戶。

    • Keane 說道:

      我手上100 % 持有3800
      雖然短期係有壓力, 但我有信心過埋6 月就會再上
      而且如果你有跟開3800 就會見資金係流入
      算係大行高位派貨,低位再執返
      而且高盛同大摩, 佢地係2.7X 在3800 未有太大知名度入左唔少貨
      依家黎放貨確保利潤亦都無可口非

      回樓主:越跌越買感覺有D 違反人既自然反應
      但既然基本因素沒有太大變動, 買入算係一個正確決定

      • pisces-hk 說道:

        今日也看見3800 fund flow 是 in,買方也開始看見有大戶了。
        我之前$4的時候入了小小,在考慮是該出,或者hold ,還是加碼一些。目前的決定是 hold and see.

        • fatlone 說道:

          堅持到半年績揭盅, 或有重大消息足以扭轉現時局面, 先會改變看淡既睇法

          所以我一定唔建議加注, 可能係我睇淡所以先咁講, 不過入得唔夠低最多賺少D, 但入早左就坐艇, 可能仲慘

      • fatlone 說道:

        如果係零cash地100% 3800, 就真係激左少少, keane兄真係要小心呀, 太陽能股去到半年業績開數前都唔好沾手住好D

        因為以你個倉位已經唔可以越跌越買, 咁如果係好多cash但只係股票部份係100% 3800就另計啦

        keane兄對太陽能業同3800咁有信心? 對3800有信心但太陽能業唔好佢都奶晒野, 小心

  5. blueblood 說道:

    fatlone兄,我之前對北控水務的資料也做了些相當粗淺的閱讀。我本來覺得它有很多地方和3800相似,例如都是國策支持,都有強大的後臺背景,都是擴張速度驚人。但我也注意到它們似乎有一項很重要的差異,就是現金流。保利協鑫近年來都能保持強勁的經營性現金流入(包括虧損年度),而北控水務似乎經營性現金流始終為負(包括盈利年度)。

    我個人覺得最理想的高速擴張模式,是能夠靠內部自我支撐、消化和循環的擴張模式。例如保利協鑫2010年的經營性現金流高達70億港元,遠遠高於其盈利,因此它可以有底氣主要依靠自身經營的現金流入,來支撐未來170多億的擴張支出,而它的擴張又可以帶來新的強勁現金流再用於新的擴張,這樣就構成一個良性循環。如果沒有經營性現金流,巨額擴張所需的現金就只能靠借貸或供股。借貸是一件好事,我也不擔心這些企業會破產,但負債率始終有極限。負債率越高,後續的借貸就越難,最終無法支撐一个長期的擴張模式,並且財務成本不斷上升會影響利潤率。而供股會攤薄股本,對每股收益來說,影響經常還是負面。如果要我個人揀,做一個小公司的小股東,恐怕還好過做一個大公司的小小小股東。

    當然我對371的瞭解是非常有限的,對它的盈利模式也不太懂。我想知道它短期內是否能獲取大量經營性現金流?什麽時候,可以主要靠自身賺來的錢來支撐其業務擴張?因為它的投資都是真金白銀,所以肯定不能只是依靠帳面利潤。

    另外,我這兩日已經沽出了2/3的保利协鑫,價格大約4.6-4.8,沽得是相當之差。其實在5.3時已經有意減持,但始終還是受制于優柔寡斷和貪小利的心理。減持的原因首先是它的一季報不能讓我滿意,擴張速度比去年3、4季慢。第二也是最重要的是,下游電池廠的一季報普遍不理想,雖然保利的客戶如天合、晶澳、阿特斯是業內季報相對最好的,但畢竟硅片和電池真正的大幅降價是發生在Q2,如果現在Q1的業績就這樣,可以預見今年中報出來,整個太陽能行業的狀況有多壞。這些有季報看的都是上市公司,業內的龍頭大廠,由此可見小廠是什麽慘像。總之,這次價格戰來的比我預想的更快更猛,考慮到我的持倉比例所以沒必要去挑戰自己的心臟。我的成本在3元以下,即使是現在持倉其實還是很重,不過後面的風暴我打算硬捱,一般不再作減持。

    不過,這次太陽能行業的價格戰,長遠看絕對是件大好事。價格暴跌固然令廠家的利潤重挫,但這樣大幅度的持續降價,需求端遲早會作出反應。最後一定會刺激需求大幅上升!目前整個故事都還在按預設的情節發展,捱過6個月-1年的苦日子,最後可能帶來更便宜的股價,以及更好的市場,大跌之後往往能帶來真正的暴富機會。

    最後,強烈推薦閱讀5月13號保利協鑫公佈的《建議本公司發行美元優先票據及公司財務資料摘錄》,裏面有很多非常有價值的信息。

    • fatlone 說道:

      高手blueblood兄, 歡迎光臨, 你既留言仲係保持咁高質素, 唔睇就走寶:)

      我研究371咁耐, 竟然唔知佢係負現金流既情況, 真係抵打! 睇完藍血兄既comment即刻去睇下, 都係唔知點睇… 因為我真係唔太識睇財務報表, 希望可以有人教下我點睇, 至少睇下D現金流點流

      現金流係有寫低, 還是要自己計? 我以371份2010年業績為例, 佢係咪無個別寫個現金流情況? 如果要計算, 係咪將"總收入" – “應收帳" – “總支出" + “應付帳"?

      以我有限既功力, 要我指出點解371係負現金流, 就係有條成三十幾億既數仲未埋單, 咁實負現金流啦

      講返3800, 其實blueblood兄已經比絕大多數既人睇得清, 我最怕既係Q2唔係你話減價就出到貨, 我最怕係下游Q2仲係去庫存化, 咁自然就唔會向上游落order, 咁既話10GW產能都係假, 佢連庫存都賣唔出既話, D硅片點平都接唔到貨, 因為D資金都鎖死晒落D存貨

      剛才先探討完現金流, 依家正係顯示現金流既重要性, 就睇下資金流有可能突然大跌之下, 各大業者會頂唔頂得住?

      我有印象睇過一個消息, 話歐洲會對自己人做既產品有額外10%補貼, 咁大陸players就要硬食呢10%去同鬼佬繼續鍊過, 又係好大既考驗

      我估天合, 晶澳等人會同3800拆掂佢, 全行都知你硅料係22.5美元/kg, 人家60美元買返黎做wafer都有得賺, 咁Q2變得好差, 我就當要8折先去到貨, 如果要維持相同既利潤, 硅料應該要下調約4成, 即係36美元, 咁就可以有同樣既利錢

      3800有條件玩到咁大, 但利潤會大幅降低, 如果要保持增長, 產能升幅要好強勁先可以抵消大幅降價既影響

      我深信管理層一定唔會比生產線停落黎, 現金即係血, 無現金流即係無血供應, 無血到就即死, 蝕住賣都係慢慢流血, 暫時唔會死住, 睇下邊個死先, 我回復正常收入又係一條好漢

      太陽能業實在舉債太多, 停工就無錢還, 賣身都唔得, 又或者如果後台夠強勁, 國家話唔可以死, 咁銀行就硬食, 等債仔好返先再還過, 呢個係國家隊既最大好處, 股價會跌到體無完膚, 但唔使怕佢會執笠

      但係, 712就無呢支歌仔唱… 唔使怕, 712既負債並唔重, 至少呢一刻有老外放左10億落去, 頂得住!

  6. Gary 說道:

    價格戰已開始了, 就睇下今次甘多間上市公司會點應付, 希望 712 會再一次比到佢的管理能力我地睇.

    Poly
    項目 高點 低點 平均價 漲跌幅
    Poly Price (Per KG) 71.00 60.00 67.450 -7.82 %
    Wafer
    項目 高點 低點 平均價 漲跌幅
    Multi-Si Wafer (156mm x 156mm) 3.00 2.47 2.685 -7.64 %
    Mono-Si Wafer (156mm x 156mm) 3.20 2.70 2.978 -10.41 %
    Cell
    項目 高點 低點 平均價 漲跌幅
    Cell Price (Per Watt) 1.10 0.90 0.957 -5.64 %
    Multi-Si Cell (156mm x 156mm) 3.91 3.49 3.866 -5.64 %

    • Sing 說道:

      Gary, which website did you get the info from?

    • fatlone 說道:

      i am very interested to know how 712 will perform.

      selling price is certain to be dropped quite a lot. the only important thing we still do not know is the production line usage.

      i am still confident for 712 to maintain 80% usage, as 712 capacity is about 175MW in a quarter-basis. the market should be able to accommodate 712 production.

      what do you think:)?

      • Gary 說道:

        以 712 的市場專注高端產品, 我相信仲有一定市場, 而且爆發今次減價戰, 應該可以將原本無咩利潤的公司打低, 令整個行8木業更加健康, 以 712 的專業管理同剛剛由 tpg 所籌集的資金, 我相信 712 可以越做越強, 而家期待的係 n-type wafer, 當正式開始投產, 成本可以更低, 從而拉高利潤, 只要 712 系今次價格戰可以保持 20% 或以上利潤, 我相信可以打低好多對手.

        • fatlone 說道:

          近排無晒人氣, 連D report都唔見埋, 卡姆丹克, 快D畀D野我地睇下, 睇下係咪上到n type, 上到就唔使同其他中國同行爭咁多飯食, 因為, 唔多覺有中國廠做緊n-type wafer, 卡姆丹克就快升呢, 要同國外頂尖對手競爭, 包括日本, 德國, 韓國, 美國, 鬥質素要同呢班人比較更有意思

  7. Keio 說道:

    好耐無見~~網主~
    我諗今個星期係近呢幾個月….太陽能fans最黑暗既一個星期~
    今日…連我都頂唔順….
    朝早見3800大插…而712竟然升….機不可失即放一半!!…very lucky!!!
    我諗3.3左右應該會有一個比較強既支持~~
    當然都要視乎3800既跌勢…..直頭係放血式既下跌!!!…712點都會有影響!!

    ….我依然對712有信心…我希望係PE12-13 買返..
    或者我係死牛一面頸….
    但我覺得上半年主要係因為德、意既政策…
    ..買家普遍都係一個觀望既態度….
    當政策落地….再加上價格下降….下半年需求應該會回升返!!
    所以我唔覺得呢次事件….會影響太陽能中長線既發展~
    而且712本身上年已經簽唔少2011年既單….再加上佢高端既產品…
    我諗盈利可以有個底..Q2雖然嚴峻…但並非死硬!!!
    …至少我估中期應該都會有盈利增長~~

    至於3800….坦白講….今日尾市…我真係心郁郁想入~~
    但係呢…3800除左跌勢勁…
    另外本身都有資金不足既問題…佢仲打算未來幾年倍升產能~~
    坦白講….就算之後升返!!!….配股、供股應該都陸續有黎!!
    我一睇見佢個債務比率….即時冷靜返!!!
    反而 712 係TDR 、德太身上已經集左一大筆錢…資金完全無問題!!
    長線…我依然睇好712既潛質!!!

    • fatlone 說道:

      hi keio兄, 身手好就無咁傷, 我都要練好D身手

      其實呢D所謂訂單, 全部都係無定價, 市況差要跟住減, 因為無可能迫人蝕住買

      712未發tdr, 不過TPG既資金已經高過原本在TDR抽水既金額, 資金壓力無問題

      如果要真正了解712既前景, 我認為係要搞清楚, 712既wafer既終端市場係邊度

      除左712, 你仲有咩心水呀, 歡迎分享下:)

      • Gary 說道:

        係, tdr 仲未發, 不過佢講明 tdr 係用來買原材料, 應該卡姆丹克就快用哂原材料, 所以今次價格急跌, 我相信 712 今次價趁機買1原材料, 將成本減到最低.

        • fatlone 說道:

          呢個都係我既concern, 唔知D料約用完未
          依家傾, 應該可以60蚊以下, 我覺得60蚊都已經麻麻地, 仲要好似之前7,80蚊, 真係白做

      • Keio 說道:

        哈!!係呀寫錯左!!
        暫時TDR計劃個上市價係新台幣12.96…
        大約可集資3.43億港紙….
        再加埋CB個7.8億….超過十億現金係手…
        我諗至少一兩年都唔會有集資需要!!
        712 本身財政好穩健…再加上家下多左咁多錢!!
        我相信呢種優勢可以幫助佢地應付當前既逆境!!!

        唔止太陽能….其他行業既廠家都係一樣…
        最大問題…除左訂單..
        ..最令廠家頭痕就係資金!!!
        家下大陸行借貸緊縮….
        廠家要借錢做擴充唔容易…再加上加息週期…
        上面好多廠都要借貴錢去做擴充業務同產能!!!

        712既「長期負債」竟然係零..短債又少..真係好匪夷所思!!!!!
        (我開頭仲曾經諗過712係老千股!!)
        一間保持高增長…仲可以維持低負債!!
        對工廠營運有少少認識既朋友….
        …都應該知道呢樣係高難度動作!!!
        可見佢地個管理層真係有一手!!!
        ..單係呢一點…我已經覺得 712係值得長線注意既股票!!!
        我諗當712企穩….自己會再重新增持~

        無乜好建議呀~~哈!!sorry !!
        太忙啦!!!真係無乜時間去研究其他股票!!!
        不過…我一直都有716….但係都買左成年..
        ……而且近排我已經好少跟進~~所以都唔多評論la!

        當時買…主要係因為佢個行業係寡頭壟斷…
        同埋上年我覺得航運業已經見底回升~
        至於今年….我估航運業應該都仲有水位上~
        但再詳細既研究….我就無~~

  8. Keio 說道:

    係呀!!搵食艱難…又要讀書進修!!~
    真係無乜時間跟進d 股票….其實唔係咁好!~
    不過我又唔鍾意買基金…研究股票又係我興趣~~
    ….所以都係自己做返投資~

    好彩有你同藍兵個blog..咁岩又係講712..
    ..我做少好多野呀~!!!雖然家陣大家對712既睇法好似有d 唔同~~
    …不過真係多謝哂!!!

    • fatlone 說道:

      嘩, 好勤力! 我已經無晒心機再拿起書本, 如果我咁好彩晉身小富, 可以有閒錢+時間, 會考慮重返校園讀返個master , 不過真係要好多閒錢先得, 因為我係諗住full time咁讀, 完全唔使搵食, 同一個畀父母供養既學生一樣, 得閒返下part-time, 學校放假就去旅行, 諗起都爽! 要做到咁就要好多錢喇:P

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s