持倉依然未變

近日都沒有時間操盤, 我又不想在收市後下單, 我都是喜歡即市做交易, 以前會預先落盤買貨或沽貨, 現在多數都是用市價盤或者以比較貼價的盤做買賣, 我沒有比較兩種做法那種較好, 只是後者令我心理上更"舒服"

故此, 持倉不變不是我對組合擁有無比堅定的信心, 只是覺得沒有大跌的危險, 暫時不理, 專心做好手上的事

重新審視一下倉內股份和觀察對象:

北控水務沒有沽, 天能動力也沒有加注

卡姆丹克準備迎接比預計早來臨的Q1季報, 拭目以待, 還有那名國際級的投資者還未揭盅, 今天隨大市回軟報4.15, 不過此價位仍超過我最高的沽出價4.1, 繼續持有

中航科工今天忽然大升, 揚5.5%收報4.6元, 距離歷史高位4.66咫尺之遙, 同時創了歷史最高收市價, 我忘了我的平均價, 經過今天的大升, 暫時有10至15%的利潤, 此股繼續是我的第三重倉股, 有幸破頂而同時能企穩高位, 考慮加注

五礦資源在我重新進場前的今天中午停牌, 宣告配股, 其實股價已經連跌3個交易日, 我認為多數是春江鴨所為. 現在宣佈配股, 應該是為了準備敵意收購equinox的事宜, 8億美元的集資額已經超過很多上市的新股, 配售公司包括了數家國際級投行, 1208的好戲繼續上演, 6倍不到的市盈率, 即使加上配股後的撻薄效應, 怎麼說都不算貴吧? 日後有心機會另發新篇談談五礦資源, 也許這樣做可以吸引新的人流吧, 雖然我不是為了人流而發文

晨訊的走勢繼續橫行偏弱, 越來越迫近1,6關了, 我的入手價大約在1.67左右吧, 有些虧損, 但倉位不高, 暫時沒有壓力, 簡單來說, 我對半年業績有亮麗增長有信心, 一個Sharp可以令晨訊成功轉型, 今年再加多個LG, 應該可以更上一層樓吧? 管理層說第一季的接單情況比往年更好, 我不明白股價為何不會上升. 今日收報1.62, 此價位我認為適合加注, 我會繼續小注吸納, 10.8倍P/E, 生意繼續向好, 行業前景又沒有不明朗因素, 而晨訊涉足的智能手機(包括android)市場理應要看高一線, keio兄提過2369中國無線令他損手, 看看中國無線的出品, 與晨訊ODM的出品, 我認為前者只是一部高級山寨機, 而後者是大廠出品, 晨訊參與大廠的ODM可以獲得更先進的經驗, 我敢講句, 2369和2000各自做一部自家最高端的手機, 2000的出品一定更好

廣告
本篇發表於 並標籤為 , , , , , , 。將永久鏈結加入書籤。

32 Responses to 持倉依然未變

  1. Keio 說道:

    2369俾我最大既教訓…就係我嚴重低估左手機市場既競爭程度~~
    係現時既大陸手機市場…..國產機最大既困局係…
    ….行高端唔夠大廠打….行中低端產品又只能夠鬥平!!!

    3G 無疑係一個爆發點….但問題係競爭過份激烈..
    ..毛利率下滑係所有廠商面對既問題!!
    尤其係國產機…..好多都只能用價格黎搶銷量!!
    上年年尾……2369成為左國產3G既一哥…但代價係毛利率急速下滑!!

    仲有…我最錯係用左香港市場既邏輯同訊息去諗大陸個市場…..
    以為掌握高端技術會成功!!!
    因為大陸依然係窮人佔絕大多數….好多高端產品係買唔起!!
    買得起既人又只會買I-PHONE,BLACKBERRY~!~
    即使可以做到產品性能相若….但高端產品係好受「名牌效應」影響!!!
    呢個就係2369皇牌產品N930既死因…
    (原本希望2369可以係高端市場搶到少少…拉高毛利率..)

    所以今年2369佢地只能集中火力…專注中低端市場!!
    而呢個市場….只有平、靚、正既產品先可以突圍!!即係低毛利!!!

    2369另一死因就係….佢地無外地市場…
    因為其他大廠都有印度、非洲、東歐…幫補下毛利率急跌大陸市場…
    但2369只能硬食呢個市場….搶到高佔有率…反而係輸家!!

    • fatlone 說道:

      hi keio兄
      2369連meizu都唔夠黎, 就想話做高端市場(咁可能佢高端市場既定義同我自己心目中既有分別啦), 梗係唔掂啦

      meizu真係山寨之王, 佢部M9係好落本, 個人覺得N930係及不上M9

      低端既就要面對無數山寨廠, 如果佢可以諗到一個低端市場既打法, 其實都可以生存到

      科技業最終都係要睇你有幾多料, 做手機好易睇, 睇下你間廠出左D乜野款, 就咁上網睇下評測D圖片, 心裡大概就已經有個底

      N930個mon有3.5吋, 同iphone一樣, 但就做到咁鬼大部, 顯然係工業設計未夠班, 結構未能與其他大廠一樣做得咁緊密

      見keio兄你沽左2369先批評得咁不客氣, 希望你唔好見怪

      keio兄既然你有睇過2369, 你應該會對(中國)手機市場有研究, 希望你可以講幾句, 我買左2000, 想知道下手機業點發展, 我覺得2000既實力應該會繼續成長, 佢會係sharp同LG既合作關係入面得到唔少經驗, 而我預計其他大廠會開始有興趣搵2000搞ODM, 又或者係由低至高端手機晨訊都會食埋, 2000未來既ODM經驗會為佢儲到唔少技術儲備

      • Keio 說道:

        內地既3G手機市場….今年將會係進入競爭最激烈既階段!!!
        由上年年尾…..價格戰已經開始左!!!
        3G 既增長率毫無疑問係非常之快…已經進入收成期!!
        但問題係廠商能否用強大既銷量….去彌補價格下降….
        …將會係業績既關鍵!!!….

        尤其是宜家三大移動商今年起…主要策略係搞中低端市場…
        因為市場份額對佢地好重要!!!..佢地要搞大3G既市場!!

        以往3G 手機都係一D 中高端既用戶….
        而呢班用戶佔全中國手機市場…肯定唔會超過10%!!
        因為內地絕大部份人都仲買唔起二、三千蚊既手機!!!
        所以今年移動商都要求廠商搞廉價3G市場…去應付呢個需要!!
        ..簡單D 講…產品越平越好!!!!
        例如:中移動年頭採購既3G手機…全部都係屬於中低端!!
        係大陸…..移動商係手機商既米飯班主…
        …..移動商既策略…唔跟唔得!!

        老實講….去到呢個階段….
        各大廠既產品質素已經唔係最主要既因素…..(雖然都好重要~)
        ….但其實大家既技術唔會爭太遠…尤其是國產廠!!!

        或者有人會覺得…如果掌握高端技術…可以係出路!!
        其實…9個月前…我都係咁諗!!!
        但國產機要擊敗I-PHONE、BLACKBARRY….並唔容易!!
        除非擁有「更突破」既技術….
        否則都只會俾人認為係「抄人既山寨機」!!!

        我唔介意樓主踩2369…我尊重每人既睇法~
        而且我從來……..唔會對自己投資既股票有感情!!!!!

        不過LE..我都想講..其實N930真係唔差GA!!
        我真係親自問過好多大陸朋友….部野係OK GA!!
        內地評價好過M9!!!

        唔買………只係因為「太貴」!!!!!!!!!!!!!!!!!!

  2. Gary 說道:

    卡姆丹克公佈左邊個係投資者了, 不過真係未聽過

    卡姆丹克太陽能宣布,落實向機構投資者TPG Asia V MU, Inc.發行6.545億元2016年到期可換股債券(CB);以及9512.19萬份認股權證。所得淨額7.8億元,擬用作擴大產能。

    CB行使價3.9元,較上日(18)收報折讓6.02%;權證行使價4.1元,折讓1.2%。悉數行使,可轉換新股佔全面擴大後股本20.65%。(

    • fatlone 說道:

      thx gary兄!
      今日股價隨大市回落, 聽日就公佈Q1業績, 未知今日係咪同上次2010全年業績一樣, 開數前隊落去, 之後先爆上…

      都係同上次一樣, 睇埋業績再打算

      • Gary 說道:

        嗯, 睇下明天咩情況先.

        另外我睇緊 1029, 不過有 d 高風險, 因為佢而家得兩個礦場, 其他礦場仲係開發緊, 但有危自然有機, 而且佢毛利好高, 值得注意下.

  3. lightware3d 說道:

    hi all

    【on.cc專訊】卡姆丹克太陽能(00712)主席張屹預期,今年單晶硅價格將會下降,料全年跌幅為10%,而成本(未包括原材料)則下調15-20%。

    張屹指出,單晶硅時價每瓦80美元,而多數合約為60美元以下;公司是次發行可換股債券及認股權證的集資所得將用作擴產,而公司年初時目標料年底產能為1,000兆瓦,目前則料今年底至明年初將增至1,400兆瓦,每增加400兆瓦成本將約為5億元人民幣。
    =======================================================
    照張總咁講價格下降10%,但成本降低15-20%,咁應該可低銷番價格下降條數?為一想知今年既原材料上升左幾多?

    • fatlone 說道:

      佢好小心咁用括號寫住"未包括原材料", 其實712既經營成本控制已經係數一數二好,印象中硅料佔成本支出一半左右, 咁即係話, 價格下降一成, 而同時非硅料成本下降15-20%既話, 正如你所講可以抵消大部份降幅, 睇返2010全年業績, 2010年硅料成本係351RMB, 即53.8美元左右, 合約價升到60元, 即係已經有超過10%既升幅, 假設所有野無變, 硅料在60美元應該會令GP%下跌5個百分點左右, 其實如果全年平均售價跌10%, 我都好滿意了, 最怕唔止呢個數之餘, 硅料仲有得升… 不過上個星期既現貨價已經回落 🙂

  4. Unknown 說道:

    根據特別授權之配售
    本公司與配售代理於二零一一年四月十九日簽訂配售協議,據此配售代理有條件同意向獨立承配人以每配售股份5.10港元之價格配售合計762,612,000股新股份,合計總收益3,889,321,200港元(約500,000,000 美元),否則則以主要人身份收購該等新股份。於本公告佈刊發當日,配售股份約佔本公司已發行股本25.70%,及經發售配售股份擴大後之本公司已發行股本之約20.45%。
    1208

  5. Sing 說道:

    由此至終(from ~$6.4) 都只是睇住189不斷升, 不斷升, 現在真的不敢買。

  6. Gary 說道:

    n-type wafer 有新進展, 開始有 sample 送過去 sunpower

    http://www.comtecsolar.com/upload/129521.pdf

  7. lightware3d 說道:

    尋日立眼睇now有講712,個財演話薄膜優勝過單晶硅,理由單晶硅雖然轉換率高.但提練時間比較長同用資源比較多。薄膜太陽能雖換率低,但成本同用資源比較低。提練過程比較污染(因要用高溫關係)。大致係咁。

    • fatlone 說道:

      thx 3D兄
      其實呢D陳腔濫調都真係… 入得黎呢個細細地既blog討論既人大概都已經超越左呢個level. 一切都係睇下邊個成本降得快, 依家712主席就話今年會降多10%, 咁唔知薄膜果邊又點喇, 仲有n-type帶來既轉換率提升呢, 加埋price per watt成本就唔止跌10%

      3D兄你又點睇呢2種技術既發展呢?

      • Gary 說道:

        來緊 n-type wafer 係成本減省關鍵, 岩岩派杰出份 report, 講左 712 samples 已經送左去 sunpower, 同埋 712 的 n-type wafer 的鍊成率有 95%, 比市場技術高好多, 而薄膜真係轉換率低, 如果計返可用時間同效率, 始終都係晶硅勝一籌, 而且用壽命去計, 薄膜累積成本分分鐘貴過晶硅, 所以我覺得薄膜都係未成氣候.

        • fatlone 說道:

          其實我睇到yield rate都唔太明白, 我估係咪半導體業成日講既"良率"? 即係卡姆丹克由P變去N-type wafer既良率可以去到約95%? gary兄我唔知我對唔對… 如果有其他師兄師姐知道, 可以講下yield rate的意思

      • Gary 說道:

        呢度應該講緊成功率, 因為佢之後講個 competitor 只係得返有實力, 例如提到韓國果間公司.

      • Sing 說道:

        In semiconductor industry (may be also true in other inductries), we use “yield(良率)" to represent how good of the production. Eg. in wafer level, “yield = no. of good dice/no. of gross dice * 100%". Therefore, I think the yield in solar wafer industry has the similar meaning. It is “yield = no. of good wafer/no. of total * 100%" wafer in a lot. The good wafer may be defined to be the energy conversion rate up to a certain lower limit, say 22.5%. Eg. If there is a lot (25 wafers), only one wafer get less than 22.5% and other wafers get greater than 22.5%, the yield should be 24/25*100% = 96%. 95% is a very good yield!

      • lightware3d 說道:

        fatlone兄

        其實我入黎係學野多:P. 我既分拆係相當粗枝大葉,你對業績的分拆是我學習對象,別外其他C兄對技術的掌握使本人獲益良多。其實fatlone兄有無時間寫篇分拆業績報告入門。如收到業績後我們如何一步步從基本面比較。可以嗎??:)

        • fatlone 說道:

          3D兄, 你咁抬舉我, 多謝晒先
          其實如果你有去開其他博客既網站, 有好多高手比我勁好多呀, 我都有share幾個, 佢地既功力比我高好多, 如果以分析業績, 藍兵個blog係十分正統既分析, 要學可以去佢果度睇下, 其他ching係同佢地交流都感受到佢地既分析功力, 可以做到互相學習
          我其實因為太過懶, 根基打唔好, 會計財務報表又唔多識睇, finance野係讀過幾年既, 但讀完又讀就係唔記得, 又或者因為咁, 我以比較另類既角度切入, 例如以人(管理層)為本做出發點, 唔識睇財務資料, 咁就將研究重心, 放在研究前景上面, 股票係買預期, 其實拎住份業績係咁刨, 不如諗下佢將來會點發展, 我認為我既研究方向應該係無錯

          我都係入門級架咋, 頂多係進階入門級, 分析業績報告入門我未夠分量寫, 不過我可以寫下我個人既心得, 做少少分享啦 🙂

      • Gary 說道:

        sing 兄好詳細, 獲益不少

  8. WR 說道:

    版主,

    分享一下微电子的新发现
    1- IGBT的重要性,和国外的垄断特点 (其实发现太阳能的逆变器很重要,也和IGBT有联系)http://blog.eastmoney.com/gp711/blog_120416481.html。这篇文章很好分析了IGBT的现状

    2- 597的1200V IGBT 上产了.从10年4月与中科院合作到11年4月才生产线投产,可见是一个比较困难的东西。现在1200V的产品也就满足了电磁炉的要求,跟6500V的大功率的国际品牌相比,还真有很大差距。国家也重点扶持了
    http://laoyaoba.com/forums/viewthread.php?tid=927789

    我已经半仓597了,计划要是跌至0.37-0.38一线就满仓抱住。要是跌破半年多的平台0.35就斩仓!向下亏损空间15%,向上预计可以看到0.6一线,50%空间,主要是考虑:
    1- 本益比12倍左右,分红派息1.5%,行业方面是模拟电路的优势企业,有目标那中国第一
    2-突发事件预期,就是集团的注资可能。8“的圆晶生产线。。。其实,现在的597的公司团队,曾经把华润燃气等几家华润系企业通过整合发展,搞成了蓝筹股。现在华润系旗下6家上市公司中,就597是跛脚了。未来搞成蓝筹的可能性很大
    3-最近公司发展侧重于毛利率更好的绿色产业,LED照明等,连续两年科研投入超过2亿多人民币,未来会越来越分享到成果。10年毛利率到了24%,未来可以稳定并提高到27%左右

    据以上,我开始动手重仓了。当然,目前成交低落,不知道这个0.4的平台会修建多长,资金的利用率也许会比较低。中芯国际是第一大的IC企业,最近得到中投15亿的注资。但是,该企业长期和台湾台积电等血战,一直亏损(10年盈利),我一直担心这样的企业太国营化,不像华润系的企业是国企中的外企,外企中的国企这样的灵活

    • fatlone 說道:

      你的留言被spam了, 所以我現在才看到, 該死的系統…

      WR兄, 多謝你的分享, 印象中博客terence兄(你可以在右方的連結參觀他的blog)對華潤系的管理層評價甚高, 你的說法跟這位寫手的看法一樣, 可以參考一下:
      http://www.hkdailynews.com.hk/finance.php?id=122571

      597已被我加到我的關注名單, 謝謝WR兄的分享

      597既然具重組概念, 那我們要想想, 有甚麼資產可以注入, 或者, 有沒有潛在收購項目, WR兄你有沒有留意有關訊息?

    • fatlone 說道:

      港股半導體龍頭中芯(981), 經中投入股消息刺激之後大漲, 配合WR兄對半導體業的調研, 知道2010年是行業的復甦年, 2011年理應承接去年的轉勢, 持續向上

      又是中投, 又是龍頭, 簡直就是半導體版本的3800, 建議跟進一下, 我已經將之加進watching list, 如果WR兄看好半導體股, 我認為可以建倉981

      未知WR兄有沒有研究981? 希望可以聽聽你的意見

    • fatlone 說道:

      漏了一個重要訊息, 981的戰略投資者, 國際大廠台積電的首季盈利增8%, 半導體業的前景應該可以看高一線, 這是我從aastock看到的資訊, aastock值得一讚

      雖然是簡單的訊息, 直覺告訴我們, 這些資訊就是行業回復景氣的提示, 未來我可能會建倉981, 跟WR兄繼太陽能後, 在半導體業再多多交流 🙂

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s