太陽能板塊進入炒作期, 與卡姆丹克的離場點

今日, 我見好價, 掛了個賣盤, 3.9, 不消半分鐘, 已經被吃了

現時, 我持有的卡姆丹克, 以股數計, 比最高峰時期減少了2成

因為手持的現金不多, 最重要的是, 我現在是動用了私人貸款, 要為還款籌措資金, 所以沽出部份套現還債, 這就是我所說的實力問題, 如果大家不像我, 要賣股才能應付還款, 的確可以賺得更盡, 實力夠, 可以令本來輸都變贏, 不過就算底子厚, 也不要有恃無恐地抱著死股不放, 這些股票只會由輸, 變成輸得更慘

餘下的八成倉位就是越高越放, 視乎大市及個股走勢而定

以往賣股, 都是憑感覺決定, 今次, 我要嘗試以估值去衡量, 都只是以簡單的市盈率去看, 剛剛出了業績, 報價網上的P/E就是目前的P/E, 直接看就可以

以3.9計算, P/E15.7倍左右, 我以前在卡姆丹克的長篇分析提到, 波幅會在歷史P/E的10-20倍範圍, 現在其實只是中間位置, 短期就一定是超買, 但如果可以進行整固, 卡姆丹克的常態估值就會由以前的3元至3.3, 升至3.6至4元

如果升至20倍P/E, 就是4.95, 還有約1元的升幅, 這就是我心目中的極限值, 至少在數個月內這是極限, 如果升穿極限, 往後的一段就給人賺吧, 現時已出的消息, 我不認為能夠為這個位置獲得支持, 至少要多發一兩份季度業績, 拉低了歷史P/E再爆上吧

而另一指標, 就是要看市場龍頭保利協鑫3800

保利協鑫此刻報4.81, P/E約18.5倍, 卡姆丹克是不太可能獲得與3800同等估值, 另一個估值上限, 我會以追蹤3800作準, 保利協鑫有國家撐腰, 又是硅料大廠, 這兩個優勢是其他上市公司欠缺的, 712縱有超高效率的管理, 都敵不過硅料漲價的風險, 所以我也希望3800的股東發達, 3800不升, 712也不會繼續向北走

我的策略大約就是如此, 如果有新想法會在此和大家分享, 可能大家的想法和我相差無幾, 甚至有更好的見解, 我歡迎大家來分享看法, 集思廣益, 有錢齊齊搵

寫到這裡, 剛剛收市, 卡姆丹克收報3.94, 升7.065%, 成交額96.676千萬 (又接近一億!!! 當然, 貨已盡入我等強者手裡 😛 說笑而已)

廣告
本篇發表於 卡姆丹克, 太陽能, 交易記錄 並標籤為 , 。將永久鏈結加入書籤。

58 Responses to 太陽能板塊進入炒作期, 與卡姆丹克的離場點

  1. Gary 說道:

    我暫時仲未走, 因為諗緊用 2011 年 PE 去坐, 搏下, 不過 $4 應該有阻力, 明天再睇情況.

    • fatlone 說道:

      gary兄好似唔到4蚊都無諗過要放貨畀班友仔去追 😛

      我仲有8成貨在手, 近日既急升令我個倉一洗頹風, 日本核危機竟然無端令我跑贏好多人, 係信念+幸運之故

      371你可以留意一下, 呢隻股急升就唔好追, 等佢回調先入, 如果升到唔識停, 又唔清楚情況, 就揀過第二隻, 升得快, 跌得都急, 先前我買入左幾個交易日就已經狂插, 好在未到投降位, 呢2日升幅先打和

  2. david395 說道:

    I sell stocks yesterday and today

    keep 70% cash on second portfolio

  3. WR 說道:

    今日升势斜率进入最后的拉升期,明日4元清仓:)谢谢大家一路相伴,抹去亏损,赚得50%。

    目前暂时会继续加仓597. 恭喜版主的北控水务,我在2.5附近没有加仓,失去追涨的信心

    • fatlone 說道:

      50%賺幅是很可觀的數字, WR兄你在712的投資年期是多少? 即便是上市開始持有至今也只是一年半的時光, 50%回報即是至少30%年度化的回報率, 我見很多博客的在一年中買入數十隻股份, 看其投資博客可以感受到他們的用心, 但換來的都只是約一兩成的回報率(可能連這樣也做不到), 我相信WR兄你是重倉712贏錢, 而不是輕注買入, 實在太多人喜歡買入大量不同的股票, 看見WR兄的成功例子, 更加堅定了我集中注碼出擊的做法

      597的增長動力如果是來自LED相關業務的話, 可能要小心, 因為LED龍頭CREE業績不太好, 不過我對597沒有研究, 有機會的話WR兄可以簡單分享一下597的看法

      371我現在才打和, 我的平均成本比keane兄還要高呢

      • WR 說道:

        版主,712上市之初,正逢太阳能股严重亏损的时候,买进底仓,因为非常看重CEO的人品和科技水平。期间做波段亏损。后一直重仓果然获利。

        最近两天主持会议,没有能在4元清空,估计最近还会有卖点。

        我对微电子行业没有太多研究。但是行业集体由亏损变微利,很象当年太阳能股票的特征,行业转暖了!晶门科技发展触摸屏IC,且技术领先,很象712,但业绩转正确实因为卖出资产故今日股价调整。中国电子集团好像对晶门科技的扶持力度不足,股价长期成交稀少。前次版主提醒,我一早清掉了。597有圆晶代工,且努力开发LED封装等,符合国内12-5计划,又有华润集团的背景,故此基本面不错。新近一直在0.4元附近整理,PE落到13倍并付股息,技术面也不错了。押码597有些风险,但觉得不大。先小注加仓跟踪,相信会有收获。

        在A股运作多年,我自己的股票不会超过3只。版主应该坚持自己的分析,小的波动不应太顾及。

        我收获最大的是一级半市场股票,14元投入。由于上市的预期及公司每年业绩的翻番,目前一级半市场价格近80多了。估计1-2年内能够上市。

        • fatlone 說道:

          我認為大家研究股票都忽略了主席品行與才能, 這是一家公司能否壯大的關鍵, 我聽過有前輩說過, 中國人講求的是人與人之間的信任, 不管你的公司如何, 領導人值得信賴就已經足夠, 我都是相信主席及其團隊才願意重倉712, 當時真的沒有人說過這只股票, 到現在我都找不到有博客稍為詳細寫過它

          597成交忽然大幅縮減, 人氣減少正是收集的好時機, 小注建倉跟踪我也認為策略正確, 待基本面和業績繼續有改善再加注會更好, 20週線在0.38, 把平均價拉到接近20週線應該有一定安全度

    • Gary 說道:

      我都 $4 賣了一半, 見彈上來, 好多賣盤湧出來, $4.05 仲有好多賣盤, 可能大行出緊貨.

  4. david395 說道:

    yes afraid big fall betweeb 4-5

    http://www.nowandfutures.com/buscycle.htm

  5. Sing 說道:

    I sold all at $4.02.

  6. Keane 說道:

    網主會唔會出多一篇371 業績分析?

    • fatlone 說道:

      其實寫緊, 不過太累趕唔切係業績後首個交易日完成po上黎

      簡單講幾句, 我個人覺得呢份業績唔算有驚喜, 但都合格, 不過我睇etnet話預測純利都係4.4億左右, 咁如果呢個係市場預期, 371應該會係短期內有得升下, 又係睇返3蚊, 暫時策略係如果短線有炒作, 咁好彩畀我搏中績後又炒上一輪, 我會先行將小部份注碼套利, 佢波動咁大, 好大機會買得返, 就算買唔返, 我都係賣掉一部份, 仲有大部份係手, 又係睇住食, keane兄都同我係重注出擊, 可以分好多注沽

      依家短期剩返北控幾時注資落371, 我google過, 有唔知邊個股評人話北控渣住既水廠盈利估計有1.7億, 上半年就確認賺7千2百萬左右, 我唔記得邊度睇, 可能你都知, 咁如果北控真係隊件咁既野落黎, 我估都可以令盈利升接近3成, 投資者最鍾意係玩注資, 其實有一樣野我一直搞唔清, 之前話注資既代價係以"理論除權價"印公仔紙畀大股東, 咁咩叫理論除權價? keane兄或者其他高明可唔可以指點一下迷津? 因為, 如果以大股東角度出發, 我認為係會壓住個價先, 因為股價太高件資產咪換少左股權, 太低又唔合理(咁大間國企無理由咁賤質低個價去換最多既股權掛…) 其實我都係吹下水, 我唔係好識…

      遲D完成再討論一下:)

  7. crp 說道:

    lost 712, today I got 566 at 0.55 and 2222 at 3.84.

    566 today’s volume listed No. 1, an adventure for me;
    but I am looking up on 2222.
    please give some comments, guys!

    • Keane 說道:

      566 真係唔知佢想點

    • fatlone 說道:

      2222要小心, 大股東配股純粹抽水走人, 係一個好差既signal, 我印象中好似2128主度咁樣做完都仲有得升, 我果陣仲有撈過, 有D斬獲, 點解果陣我咁夠薑咁做, 因為2128主席渣住75%, 已經係持股上限, 得25%貨係街, 大把人要貨, 配完主席仲渣住70%, 我覺得市場果一刻仲係搶緊貨, 所以先咁做, 睇返2222, 主席好似都唔多貨在手, 而同時LED龍頭CREE出左份唔太好既業績, 行業可能前景唔太好, 總之主席都走人, 我都一定會走, 睇下走晒定走一部分, 同埋睇返個走勢, 2222高位橫行好耐, 如果看得透未來仲有增長動力, 就持有, 睇唔到既, 我覺得係等穿橫行區… 2222我自己就唔會掂住, 睇定D先

      566唔識睇, 如果係為左買太陽能股而買, 諗唔到點解唔揀712或者3800, 我先前既太陽能板塊分析都有提過下(認下叻先:P 不過真係叻就買左3800喇…) 可能有其他野我睇唔通, 唔知到566係有D未被發掘既價值掛…

      crp兄你又點睇呀? 我其實有時都幾燈下架, 邊隻唔睇好就升邊隻, 邊隻做好就跌邊隻

      • crp 說道:

        today’s Hong Kong daily news exactly talked about 566 and 2222, that also is the reason I bought them.
        http://www.hkdailynews.com.hk/finance.php?id=148944

        why I am keen on 2222 is that last year I went back to mainland China, I found it has good reputation in normal people just like Philips, it’s very surprise for me, because it is very hard to image that one day chinese civil goods could be as good as that from abroad

        • fatlone 說道:

          我返大陸都見到雷士, 係勁既, 不過, 都係要睇返股價有無支持, 穩陣起見不宜大注
          566我真係唔識睇, 誠哥撐場都只係炒左一兩日, 又可能有後著都未定, 到時再跟進吧, 呢隻真係唔識睇

    • Gary 說道:

      2222 我有少少, 不過現時 p/e 比較高, 大升機會比較少, 我都係等佢落多 d 再收集.

      2222 業務只有 5% 係 led, 其他大部份係慳電膽或者光管, 產品比較大眾化, 一般市民可以負擔得起, 而且大陸起樓越來越多, 應該會繼續增長, 我記得第四季其中一個展覽會訂單比前年多 50%, 至於 led, 暫時都要國家扶持, 但我覺得好似太陽能甘, 價錢會越來越大眾化.

      希望大家討論下.

  8. Keio 說道:

    我係路過~網主!!!你好呀!!!~
    咁岩我自己都有大量既哈姆太郎…難得見到同好!!!真係太好啦!!!
    而且我好喜歡你對712既分析….比小弟細緻得多…請繼續努力!!

    ….我唔傾向現階段賣出712…..或者急升過後…會有一段調整~~
    但係既然係睇好公司既前景…我覺得可以坐耐d…
    無謂為左捕捉短線波幅..而錯失良機….始終好股難尋ma…..
    太陽能係高速增長既行業…再加上有呀爺力橕…
    應該可以得到一個更高既PE 估值~
    最大既風險…我反而係擔心…市場太多供應…
    …會引致單晶片價格下滑…拖低毛利率…但現階段….我依然係樂觀!!

    我見網主好睇好371….自己都睇好國家會大搞水利…
    但我有一個疑問…唔知網主點睇…
    因為…水利工程本身需要大量資金..
    …而回本期亦都好長..唔係一時三刻可以賺得返…
    ..所以371 同1129都要債務比率過高既問題!!!
    情況有d 似1800…高債務比率會對股價有負面影響…
    唔知網主對呢方面點睇呢???

    • fatlone 說道:

      做乜咁遲先黎留言呀:P 我以為重鎚712既應該已經去過我呢度架喇:P

      太陽能呢家野, 一個月前D人仲係畀單位數2011P/E, 依家去返2位數喇, 不過都唔係話好過份, 但係佢咁既升勢, 我真係覺得太急, 你如果係重貨, 真係可以減持一部份

      我自己就已經開始沽緊, 如果想食盡大浪就可以堅持落去, 因為我都認為712仲未到今年既最高價

      371今日市場話畀我知, 唔係太睇好, 不過仲未跌穿支持位, 我唔走住, 穿左就止蝕部份注碼

    • fatlone 說道:

      補充多少少, 水務股最大既問題正如你所講, 投入大, 回本期長
      所以, 外間既人唔睇好水務股係有原因, 而因為咁, 371既超高估值, 應該會畀唔少人睇死, 覺得D人30倍P/E都買正傻仔
      其實都真係幾傻仔架, 不過, 我又對佢管理層好有信心, 覺得佢地真係做到野, 今年371真係達標, 佢先前講過係2010年達到500萬噸/日設計處理量, 現實今年已經去到590萬
      關於高負債呢個問題, 371佢就通過供股大幅改善左呢個問題, 不過仍然係借左好多錢… 睇會計數字371一定唔使睇架喇… 佢既客戶係政府, 應該唔會畀人走數, 還款能力有保證, 同埋如果唔係政府做佢客仔, 銀行鬼借咁多錢畀你燒, 仲有, 其實佢大股東咪又係國資委政府野, 見371母公司後台咁勁, 銀行都鬆手D

      1129我之前都有寫過, 你可以搵下我D舊文, 我見investor仲有寫呢隻, 今次佢唔搵P/E去做比較, 搵P/B, 唔知係咪睇左我篇文, 知道用P/E去比係超錯, 所以改用呢個方法:P 又或者, 佢地都知今年既盈利依然係少得可憐, 應該話可能仲蝕緊錢

      只要畀市場睇到純利維持到高增長, 股價就可以keep住上

  9. david395 說道:

    yes unstable situation around the globe afraid 大戶 push down like last year

  10. Keio 說道:

    哈~~始終係我既預感!!無乜根據~
    因為我覺得兩三年前既新能源泡沫…唔算得上好大影響!!
    同科網股程度相比….依然有段距離!!
    仲未去到全球雞犬皆瘋、大小公司玩變身既地步!!….
    其中一個原因….係發生左金融海嘯!!!
    再加上產能過剩問題浮現…令新能源泡沫早早就爆破左~~

    宜家全球對能源既需求…已經慢慢恢復返海嘯前既水平~~
    再加埋….核能事故既陰影需要一段時間俾公眾消化!!
    (不過我深信人類一定唔會放棄核能!!!!)
    所以係呢段時間…..我感覺新能源泡沫係有機會再次發展同出現….

    哈~~不過我都要講家下太陽能股雖然升得急….但唔算係泡沫~~
    712現價都尚算合理~~我同意網主所講….現階段712最大既合理價應該係20倍PE~
    而且我覺得就算之後無泡沫出現….但712都係一間好有潛質既公司…值得繼續持有~
    再者….反正自己都持有左712 四、五個月….都唔爭在坐耐d 啦!!haha!

    • fatlone 說道:

      忽然有個預感, 好正路咁推敲, 下一波高潮應該在Q1業績+TDR上市, 如果港股強勢一直去到4月尾, 最最最理想3樣加埋就3重爆炸, 直上5蚊!!!

      其實只係我一個幻想, 如果有幸吹中, 要開香檳慶祝, 仲要買支好似F1贏冠軍果支可以射到天花板濕晒果隻…

  11. DL 說道:

    http://www.aastocks.com/tc/ltp/LTP_RT_Quote/HK6/NOW.430957.html
    卡姆丹克與著名投資者磋商
    卡姆丹克宣布,與一名著名全球投資者就一項建議投資,訂立不具法律約束力的合約細則。根據細則條款,投資者或會投資約10億元。

    是不是巴菲特??

  12. lightware3d 說道:

    fatlone hing早前你講得對,之前股票應該落入強者之手,呢輪712真係強勢今日4.15在上番車哈哈,又同大家一條船。如果Q1真係好業績,+TDR上市+全球著名投資者入股的話。上五元真係唔難五元真係講緊25%升幅。

    很想知who著名投資者?

    • fatlone 說道:

      hi 3d兄, 真夠勇氣
      大家都考慮重新上車, 我都諗緊再補返, 因為實在想賭下呢個「全球著名投資者」會係乜水, 可能係一個人, 又或者係一個基金, 我保佢大唔好最後拉倒, 我要睇下有乜咁把炮話自己全球著名, 渣到佢開名先!!

      大家, 5蚊見!

      • Keio 說道:

        今日睇到呢篇公佈…我真係有d 驚訝!!!
        ….自己一直坐咁耐…..死忍難忍….
        一黎在於睇好間公司、二黎想博一博睇下有無泡沫玩下!!
        點鬼知….突然間殺左個「全球著名投資者」出黎….
        自己一時間….都呆一呆~~
        大佬!!咁大手筆注資成十億….成間野都無50億!!!..
        ….金額已經佔左總市值 20%以上!!!
        ….竟然有人仲勇敢、仲樂觀過我!!!…!!有無搞錯呀!!??
        呢十億完完全全滿足左712 擴充產能既需要!!!…
        因為研究開712….都知間野一直好等錢駛!!我諗網主都好清楚~

        不過…我今日無跟其他網友買貨…..
        本身已經好重倉…..無謂d 投資太集中咁危險啦…
        …所以無入…當然更加唔會無沽…
        ….我要同網主一齊睇哂成套戲ma!!haha!!

        暫時已經無辦法分析 712 既走勢..
        ..因為間公司已經變成「消息主導」!!
        …..短期股價更加要完全靠哂呢位「全球著名投資者」!!!
        如果單野有咩冬瓜豆腐….我地就慘啦!!

        就算成功….呢位「全球著名投資者」背景都好緊要!!!..
        ..有幾「著名」、有幾大「來頭」…係712股價既關鍵!!!…..
        如果呢位「全球著名投資者」….最終發現只係無名小卒既話…
        例如某某國既油王之類…咁相信股價應該唔會有咩好處!!!

        而且一定要好冷靜咁講…
        如果係用配股形式注資….我地既股票一定會俾佢分薄哂!!!!….
        所以呢條友個朵一定要夠嚮…先得!!!!….
        當然配股…係最正路既做法!!!

        但如果好似566 咁..用「可換股債券」呢種財技式既注資….
        我諗我會開始減持….甚至清倉走人!!!

        • fatlone 說道:

          hi keio兄

          我諗某國油王可能性較低, 因為油王多數大雞唔食細米, 同埋有油王射住都唔錯丫:P

          都唔介意畀佢分薄既, 就712個情況黎講, 原有股東比新來者著數, 新資金令原有股東持股既升值幅度大於攤薄幅度, 咁就無所謂啦

          我最想知, 佢會以乜野估值去坐咁多貨

  13. Lightware3d 說道:

    其實我唔係有勇氣,只不過之前d貨係2.2入3.5沽清叫做有利潤,所以放追小小貨,睇下呢位「全球著名投資者」係咩水, 會投資成十億即四分一市值落這間公司。

    發「可換股債券」都唔係問題,例子當年高盛入股175吉利都係發CB,個位大約由當時2元升到上4個幾。同樣地,主席都係想做好本業既人,唔似566咁玩財技。
    有錯請指正!:)

    • fatlone 說道:

      hi 3d兄
      高盛入股吉利係幾錢入?

      • Lawrence 說道:

        2.3 …. 自從發CB後,175未跌穿2.3

      • Lawrence 說道:

        當年持貨#175,跟你買#712一樣,幻得幻失!終於2009年業績公佈後,一路升,一路走!最後係四元左近走曬!

        因為深入跟進個別股,其都很辛苦!2009沽清貨後,都無深入跟進!唔知佢CB情況。

        我在地震後,才買#712. 政策傾斜、業績前震倉、外資入股、領導層有可信賴的關鍵人物、行業中線發展理想……如果跟著有收購…..

        經過幾年(知識型)散戶操作,發現最大毛病都係操作失敗,跟選股能力關系不大。 這兩年都得係致力改善操作方式。以前唔識睇圖,死命持貨不放! 簡單的看圖,其已足夠。 應該今天可以買番貨 3.9 CB價…. 4.2~4.3 …. 買了坐的空很少!

        今次#712會持貨到第四季。

        • fatlone 說道:

          原來lawrence兄是食大茶飯之人, 在175一役獲利應該非常豐厚吧!

          今天在4.28加注712, 4.2守唔住呢注會即斬

      • Lawrence 說道:

        2010年買#189輸佐一半! 跟吉利相似,選擇重點在於政治局常委考察股。 太早買、資金流一緊張,就中招!所以話,執行錯誤,影響回報!

        我見你買股買得頗多,行業分散,相信了解全部都很難。再加上用借貸操作,如果股市再向下,對你的心理影響不少。適宜盡快減膀到心理安全位置。

        • fatlone 說道:

          多謝lawrence兄既溫馨提示:) 貸款早前已經賣股還左一部份, 我都驚驚地, 小心D好

          嚴守止蝕一定要記著, 除非係小注搏大贏, total loss都只係D乜野

          今日如果隻712唔得, 又再斬返琴日追入既部份, 加多少少現金

  14. DL 說道:

    http://big5.jrj.com.cn/gate/big5/hk.jrj.com.cn/2011/04/0800429671462.shtml

    卡姆丹克台灣再上市 謀二度擴張

    “龐大的市場、合理的利潤。”背靠太師椅,卡姆丹克(0712.HK)創始人兼首席執行官向本報記者詳談太陽能融資發展之道。

      3月底,2009年底在香港上市的卡姆丹克稱計劃于台灣發行TDR進行上市融資,以獲得用於近一倍的產能擴張計劃所需資金。

      2010年全球太陽能產業獲得大豐收,數據顯示,2010年光伏行業的太陽能電池年產量增長118%,為太陽能大規模產業化以來增長最為迅速的一年。

      在2010年,卡姆丹克在營收增長超過一倍的同時,取得了32.4%的毛利率。

      由於上市將攤薄權益,高速成長的企業理應不必急於上市,不過,張屹稱,“高利潤率不可持續,2011年估計會在20%左右,未來能在15%-20%左右就很可觀”,而“現在太陽能最大的問題是使用成本太高”,希望通過技術進步和規模效應來壓低成本,“形成千家萬戶用上太陽能的大市場”。

      然而在現有的環境下,主體為民營企業的新能源企業難以在中國銀行(行情,資訊,評論)(601988)市場獲得所需資金,甚至是中國的證券市場亦對其關閉。

      “綜合考慮,海外融資是最優的選擇。”

      台灣融資

      在美國半導體產業浸染多年後,張屹于1999年在上海創立卡姆丹克。

      “如果不做太陽能,卡姆丹克不會有今天。”張屹稱,在半導體領域,中國只是一個跟隨者,“卡姆丹克會慢慢做大做強,但不會迅速做成行業內世界一流企業。”

      21世紀初,卡姆丹克還在用“二手設備、二流技術”做加工,但在2005年轉型太陽能電池晶片切割後,不出四年即在香港上市,亦成為2009年唯一成功IPO的中國企業(總部在中國,但註冊地為開曼群島)。

      2011年3月底,卡姆丹克宣佈欲再次大舉融資,計劃發行1億份台灣存托憑證,並於台灣證交所上市。根據卡姆丹克的公告,此次融資被包括在此前授權的融資計劃內,在2010年5月股東大會已授權公司發行不超過總股本20%股權的融資方案。

      “香港更認可金融和房地產,而台灣科技產業很大很強,市場認可度高。”張屹稱,在香港上市路演過程中,其發現了台灣融資的潛力,“再加上我們也有客戶在台灣,對我們非常的了解,故很多投資人認可我們,希望我們在能在台灣發行TDR”。

      融資擴張

      卡姆丹克兩次上市間隔不足兩年,但境遇卻是兩重天。

      2009年中國太陽能產業遭遇寒冬,如何獲得資金得以生存去下成為當時中國太陽能企業的最迫切需求,但時至2011年,如何獲得資金擴大規模搶佔市場成為當下中國太陽能企業的首要目標。

      根據卡姆丹克公佈的發展計劃,到2011年底其產能將由600MW擴產到1GW,並計劃提高現有產品技術規格,以及補充人才。

      在張屹看來,融資成為卡姆丹克的必然選擇。

      不過,不同於其他企業的發展計劃,“即使我們獲得大量的資金,我們仍將會關注于專業化,而不會轉型做垂直化。”張屹稱,雖然中國絕大部分知名太陽能企業均在向上下游擴張,但其仍將堅持不做產業鏈延伸,“希望更深更精”。

      一如卡姆丹克在會議室放太師椅的行為一樣,在中國太陽能產業界,其是一個十足的異類:卡姆丹克僅做太陽能中游環節的單晶產品,而與它同級別的太陽能企業,即使身處中游,那亦會做多晶產品。

      “新興產業多做點利潤肯定好,但當產業成熟,沒有自身核心長項的都會被擠出去。”張屹認為,太陽能產業最終會整合到幾大家手裏去,而對卡姆丹克而言,“我們可以在單晶切片做到世界最大最好,只要有單晶切片市場,我們就能做下去”。

      從2006年至2010年,卡姆丹克營收增長近10倍,利潤增長近4倍,“毛利率超過30%,做垂直整合的,除了一兩家,其餘的都比我們低”。

      資本困局

      不過令人迷惑的是,在2010年9月,出於對未來的看好,已為絕對控股方的張屹通過認購,還增加了卡姆丹克1億股權,為何時隔半年其又在海外市場做出攤薄股權之舉?

      “太陽能產業的高額利潤率不可持續。”張屹稱,由於未來太陽能產業利潤率將不斷下降,而卡姆丹克毛利率能保持在現在的一半15%-20%已屬樂觀,“未來我們的追求是龐大的市場和合理的利潤”,因此借助較高溢價融資擴大生產規模,進而降低太陽能使用成本成為卡姆丹克上上之選。

      “(在資金獲取上)我們不可能只靠一條路。”張屹稱,除了海外資本市場,其亦考慮銀行借貸與中國資本(行情,資訊,評論)市場等方式融資。

      張屹稱,卡姆丹克在銀行大概有4億美元的貸款額度,雖然獲得銀行方面不少支援,但相對較高的使用成本,及較短的使用週期限制和嚴格的質押要求限制了對信貸渠道的利用,“我們不可能拿出幾十億的抵押物,即使拿到了,也不敢用,6%的利息,利潤全被吃掉了,而且一年就得還,項目投到一半,要我們還錢怎麼辦?”

      “中國資本市場溢價更高,很希望能回大陸上市。”張屹稱,由於從法律上看卡姆丹克屬於註冊于開曼群島的外資企業,並且有大量的海外資本,因此在現有政策環境下,無法在大陸上市。“以後國際析開啟,或許我們有機會在大陸上市”。

    **********
    From the article you can tell 712’s management is very smart..

    • fatlone 說道:

      thx DL兄

      入面話張總係上年9月認購左1億股, 乜佢唔係配左1億股出街? 定話我誤會左篇文既意思?

      • Lightware3d 說道:

        佢似配比Fonty Holdings Limited而呢間公司係張總你係中期業績搵到。如下

        張先生合法擁有Fonty的全部已發行股本,而Fonty實益擁有564,037,844股股份。因此,張先生視為擁有Fonty所

        持全部股份的權益。根據證券及期貨條例,張先生亦視為擁有99,829,706股股份之權益,該等股份由張先生、張先

        生的配偶及未滿18歲子女 (作為二零零九年的JZ GRAT的受益人,二零零九年的JZ GRAT為張先生以其本人及其家

        庭成員為受益人而成立的年金信託所委聘的不可撤銷授予人,J.P. Morgan Trust Company of Delaware則為受託

        人) 實益擁有 。

  15. DL 說道:

    Today’s volume was 41.3m shares, 20m shares was sold pre-market at $4… very odd transaction…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s