水利股 – 2011年開局重點出擊板塊

申報一下, 呢幾日大市急跌, 我進行左一輪換馬行動, 幸好係呢輪行動中我沽出既股份多數係蝕手續費就了事, 而我沽出既股份都未有係昨日有強勁反彈, 而係我呢輪換馬中, 我選擇左重注出擊水利股, 其實我只係揀左一隻, 北控水務 (371.hk), 我個風格係集中一隻出擊嘛:)

講返水利股, 其實呢個板塊已經被人提點過無數次, 不過即使唱到咁行, 都未見成個板塊有一個好勁既升幅, 我指好勁既升幅係升超過1倍, 但係到依家我好似未見過一隻有超過60%既升幅, 我出擊371之前, 都懷疑過, 水利股係唔係"too good to be true"?

水利股真係非常good架, 我諗唔到踏入2011年, 邊一個板塊可以有水利股咁強既概念

國策已經非常明確咁話要大力發展水利, 仲要係「一號文件」講架喎, 我唔知乜野叫一號文件都知道係第一位既意思啦(應該!), 其實應該咁講, 國家一號國策係發展三農, 而搞好三農既其中一項重要既環節就係要搞好水利

另一個我重注出擊既原因係, 你地今年農曆新年有無睇新聞, 佢地兩個係落區睇平民, 關心既係2件事, 物價同埋旱災, 其中溫總去過一個農田探討乾旱既情況, 水利發展好明顯係國家頭號發展事項

大家睇下個概念係幾咁強, 差尐漏左, 已經講到明未來十年會隊4萬億落水利建設, 勁到不得了 (可以查下《中共中央國務院關於加快水利改革發展的決定》)

咁其實水利股個範圍係好大, 咁我揀左既北控水務就係屬於水務股, 以我既理解即係供水, 污水處理呢類野, 水務股係國策下有乜受益? 大家可以睇下呢篇報導(一號文件鎖定水利建設 4萬億給力相關個股), 報導入面提到:

推行階梯式水價

水務股有望受益

據報道,針對水利又好又快發展的深層次制約,文件重點強調了4個方面的體制機制創新:在完善水資源管理體制方面,提出要強化城鄉水資源統一管理,完善流域管理與區域管理相結合的水資源管理制度,進一步完善水資源保護和水污染防治協調機制;在水利工程建設和管理體制改革方面,提出要落實好公益性、準公益性水管單位基本支出和維修養護經費,落實小型水利工程管護主體和責任,健全良性運行機制;在健全基層水利服務體係方面,提出要健全基層水利服務機構,按規定核定人員編制,經費納入縣級財政預算;在水價改革方面,提出要逐步實行工業和服務業用水超額累進加價制度,合理調整城市居民生活用水價格,穩步推行城市居民生活用水階梯式水價制度,探索實行農民定額內用水享受優惠水價、超定額用水累進加價的辦法。

水利部水資源司負責人認為,當前,中國供排水價格仍然過低,難以反映水資源的稀缺價值。一些地方和行業“用多用少一個樣”,有的耗水大戶也享受著財政補貼。推進水價改革,實行梯級水價,讓用水多的多花錢,用價格杠桿促進資源節約。

大家睇下我highlight住既字, 水費係可以加!!! 要知道有關國計民生既野, 全部都無得加, 電費無得加, 煤價油價會限價, 咁水費呢尐必需品當然都無得加, 不過情況改變左, 水費依家係可以加!!! 供水呢個行業一定會好賺過以前好多, 用水需求係剛性, 就算係慳左以前浪費既部份, 你都要用水, 加幅一定可以彌補到所減少既用水量, 而且我唔認為用水量會長期減少, 工廠用水一定會大減, 不過, 當人民收入提高, 加水費帶既額外開支可能只係佔好少部份, 如果尐人用得起佢地都係唔會慳好多, 除非收好貴, 之前工廠用既水都係半賣半送, 無左呢尐需求毛利率都會大增, 我賭佢一定唔會衰過以前, 一定會更加好

入面仲有話要搞好水污染防治, 污水處理項目應會不斷開展, 水務股值得買進

香港上市既水務股, 我諗到既有中國水務(855.hk)、北控水務(371.hk)同埋中國光大國際(257.hk), 頭2隻有搞供水同污水處理, 而257就係主力搞環保, 其中一個業務係污水處理, 所以如果純粹講食唔食得中呢個國策, 257應該比較無咁食得應. 近日升得好勁既天業節水(840.hk)我未有研究, 不過呢隻可能係膽搏膽之選, 3億幾市值, 超細隻, 我唔敢搏, 就算落注只會細細注玩下, 咪住, 差D漏左隻, 就係中國聯塑(2128.hk), 呢一隻真係要昅實, 因為搞水利既話水管業都會受惠, 差D漏左佢, 2128我都有貨, 不過琴日畀人震走三分一, 可能之後會補返!

可能仲有其他水利水務股我唔知道, 如果有其他路過既看官不妨留言指教一下

可作參考的資訊:

2万亿重磅投资保障水利股长期机会

中國經濟網 水利專題主頁

《中共中央國務院關於加快水利改革發展的決定》原文

《水利建設基金籌集和使用管理辦法》(全文)

p.s 我想係度畀個credit會計仔筆記既blog主, 睇佢個blog令我學到從國策尋找投資機會, 我今年對水利股好有信心, 希望我係佢身上偷到既師會用得著, 佢個blog我認為係本地股票投資blog中其中一個最值得一讀, 不過佢貴精不貴多, 但係佢講既都係一個中期trend, 真係唔需要出咁多篇文

廣告
本篇發表於 水利股 並標籤為 , , , , 。將永久鏈結加入書籤。

3 Responses to 水利股 – 2011年開局重點出擊板塊

  1. david395 說道:

    consider 646 they support by chinese govt

  2. 引用通告: 個股研究: 北控水務(371.hk) | fatlone's investment paradise

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s