再談「集中注碼」

先前篇"集中注碼才是王道“個標題起得唔好

因為對我黎講, 無乜野係特別「王道」

集中注碼係呢篇文既定義係每隻股票都至少保持佔整個組合既10%(我個人係最少都有15%), 而帶有槓杆成份既工具如窩輪牛熊證等等則不在此限

集中注碼既壞處係手上持有既組合個波動"可能"會比起分散既組合大, 除此之外我諗唔到有乜壞處, 因為透過良好既選股同埋嚴守止蝕, 甚至設定止賺位, 都可以彌補波動大既缺陷

相反, 分散持股只有一個好處, 就係波動相對較低, 但係如果要爭取高回報的話, 分散投資係好難做到, 因為你要每一隻股票都要表現唔錯至可以令到整個組合有好回報, 要咁多隻股票都有好回報係十分困難

簡單黎講, 集中持股既downside可以用一些手段去overcome, 但我地好難用其他方法將分散投資既upside提高

我唔明白既然寫得財經blog既博客自己都會留意股市, 即係可以比普通無玩開股票既人更快作出反應, 但係好多blogger個組合既持股仲係咁分散, 浪費左自己既優勢

又或者佢地根本就係害怕風險, 所以諗住分散持股可以降低風險, 好可惜佢地就算點分散持股都係持有股票, 大市下跌就算點分散都係「一鑊熟」, 真正既分散投資係選擇唔同既資產配置, 例如商品貴金屬, 房地產, 外幣, 咁先係叫分散風險

如果因為怕波動所以要分散持股, 咁即係無自信可以克服挑戰, 對自己既選股無信心

只要嚴守止蝕, 我地係唔會怕波動, 就選揀中隻熊股, 嚴格執行既話係唔會有問題

每隻股票只敢買少少, 即係對自己揀既公司無信心, 無信心就不如唔好買, 如果你話因為隻隻都咁有信心咁有潛力但唔夠錢買所以焗住要分散資金, 咁我又問返你, 你覺得要揀5隻都會升既股票易D還是要揀30隻都要升既股票易D? 當然係揀5隻都升既股票易D啦, 咁如果跌既都係5隻一齊跌會易D, 不過只要我地操作適當, 嚴守止蝕, 又會蝕得幾多?

集中持股既另一好處係唔會因為太多股票要兼顧搞到無一隻股票係有足夠了解, 如果未能對手上既持股每隻都清清楚楚, 只會事倍功半, 我唔認為一個普通人可以同時了解及追蹤十個八個行業或板塊, 如果唔清楚自己買緊乜, 真係唔買好過, 如果所謂既分散持股但其實只係買黎買去都係果幾個板塊, 咁其實分散黎做乜, 要出事多數成個行業都出事, 如果只係你手上果間先出事, 一係你唔好彩, 一係你自己選股功力低

係有公開自己個組合既blogger而持股又比我分散既, 係過去4個月(因為我係呢4個月先開始記錄自己既戰績), 我未見過有人跑贏過我, 唔係我勁, 係佢地D股太散, 佢地個倉總有少數股票係升到抽爆機, 不過我未見過佢地會放超過10%落呢類勁股度, 應該話5%都未必有, 可能我睇財經blog少啦, 我見過一個博客, 叫yoki sir, 佢透露自己扣除借貸部份去年回報有250%, 而我久唔久去佢個blog大多數時間都係渣住五至七隻股票咁上下, 差唔多隻隻都好勁抽, 佢之前曾經重倉東方電氣(1072.hk)同埋中國南車(1766.hk), 呢2隻去年表現係點, 而且佢可以係唔錯既位置離場, 如果佢分散佢既持股, 咁佢timing再好, 都無可能做到呢個回報

可能每個人有自己既見解, 但我自己實驗過, 又睇到其他人既表現, 真係唔到我唔信

總結, 集中注碼無疑係有較大機會承受更高波動, 不過操作得宜, 危險性已經限制左, 回報高低主要視乎選股能力, 如果選擇分散持股, 選股能力即使好強, 都無乜可能畀你隻隻好股都買齊, 一次過揀中十幾二十隻好股係唔太可能, 而且要睇太多股票就唔可以隻隻持股都好會有深入了解

廣告
本篇發表於 投資心得 並標籤為 , 。將永久鏈結加入書籤。

3 Responses to 再談「集中注碼」

  1. Sing 說道:

    Glad to read this article! Ha…, same investment attitude. I hold 5 stocks at this moment.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s