準備撤退

忽然間太多利淡消息, 大市市況已經突然轉壞, 太陽能行業本身仲有自己既不明朗因素: 德國同意大利呢2個最大既太陽能裝機市場都同樣爭議緊要減多兩錢補貼

各位如果持有太陽能股, 我勸大家準備減倉, 先避鋒頭

本來單純既太陽能爭議都應該唔會有太大影響, 因為前日意大利方面既消息傳出之後卡姆丹克跌左4%就暫時回穩, 不過如果加埋大市突然轉壞呢個因素, 疊加效應下太陽能股應該會跌得幾傷下

我諗712今次破頂之旅又告失敗, 我重倉712到頭來都只係得個桔, 甚至幾大機會要倒輸

政策風險已經預左, 市場都應該唔多唔少都將呢個因素計算在內, 如果唔係以超過一倍增長既太陽能股又點會只得15-20倍P/E? 再準確D講應該話(我以712黎計)forecast P/E只得唔夠10倍?

我打緊呢篇文既時候, 美國道指跌緊1.3%左右, 而太陽能股普遍跌3-4%, 比我想像中低, 因為太陽能股跌幅一向比大市多, 如果市差既話隨時畀人洗5%以上, 我有留意開美國既太陽能股, 洗得最凶狠可以係一日7-10%咁洗落去

我未知收市會點, 不過市況突然出咁多壞消息, 今次真係要測試一下市場既支持位係邊

跌市先係真正既考驗…

我都要重新審視我應該點做

之後我希望會有心機記錄低我對未來一兩個月大市既預測

每次準備破頂既時候, 總會有波折 😦

依家要打逆境波, 睇下我今次可以打成點

廣告
本篇發表於 , 個股研究, 卡姆丹克, 太陽能。將永久鏈結加入書籤。

3 Responses to 準備撤退

  1. Sing 說道:

    我也認同在一些時候要知進退,目的是要賺取更高的回報,就712來看,它不像3800有大佬和大基金照住,往往上落無定,若是以短期投資,更要在其波幅上波賺取回報。但若是中長線,我想要從另一角度去看整個太陽能板塊。我常說,這世紀的一大難題就是能源,人們整日說什麼能源短缺,其實能源在可見的未來都不會短缺,因為我們頭頂還有個太陽(由古至今),只是我們不是很懂得怎樣有效的從它套取能源,短缺的只是燃燒出來的能源。環境污染和氣候變化只是用一些差方法解決這難題的副產物,只要正確地解決這難題,環境污染等問題就不會是問題了。
    從世界大形勢來看,有些人會以上世紀大蕭條與08金融海嘯作比較,認為往後十年是最有機會打大仗的,是的,從歷史裏看,撇除種族仇恨,若世界資源出現很大的不均分,資源(能源)略奪就變成打仗的最大誘因,看看往後幾年的大形勢發展吧。但我想大多數的人是喜歡和平的,若能夠以史為鑑和配上科技的發展,就能遏止略奪的行為了。
    再說太陽能行業的不明朗因素:德國同意大利減少對行業補貼,一般人會覺得是壞事,短期內可能是,少了補貼要付出更多去購買太陽能產品;從另一角度看,太陽能行業在這些國家推行,可能快到了有利可圖的地步,可以續步減少對其的補貼了,我不相信這些國家只是因為想省錢而減少補貼,每個國家的國策不是一時三刻的決定,當初花了大量金錢作補貼,不是兒戲的事,補貼減少只是他們看見太陽能行業已日漸成熟,試想若那行業長久需要國家補貼,那會是一個好的行業?所以我們應正面看減少補貼的事。
    之前也在這裏談過,太陽能勝過風能和核能的原因,不外乎保養成本便宜,風能因風車涉及機械組件,組件磨損和外面風蝕,除了更換組件外,更要一些專業的維修人員(在偏遠及高空工作,所以人工很貴),核能維修費(只限裂變)也是不可少了,要安全,又要可靠,所以要更高學歷的專業人材,所以人工也很貴,若單以發電成本來計,現時的風能和核能確是比太陽能平,但長遠來說,三、四十年,太陽能發電必賺回數以百計的本金,誇張尐講,太陽能發電廠只要請尐低價的清潔女工去清潔在太陽能板上的雀屎就能營運了。況且現時太陽能單位價格已續漸下降,有望大規模發電,至於那些低效能薄膜和那些不是經常有陽光照射的低效能光伏建築只會是曇花一現。要押注,一定要押在高效能和壽命長的太陽能晶片上。在未來的兩三年,是太陽能行業發展的高峰期,可作一些大膽一點的長線投資。

    • desmondctt 說道:

      多謝sing兄既分享

      除左擔心削減補貼既幅度突然加大到一個業界不能承受既地步之外, 我怕係各國政府會完全暫停興建太陽能項目

      我睇左一篇有關意大利cut補貼既報導, 仲同德國市場比較, Italy has 25% more sunshine than Germany on average, and Italy’s electricity market is about half the size of Germany. If you are concerned that Germany cannot sustain 7GW of solar per year, Italy’s 3.5GW is equivalent to 5.8GW of German volumes if you adjust for sunshine and electricity market size (http://www.thestreet.com/story/10984832/2/solar-growth-in-italy-walks-boombust-line.html)

      另一個叫我擔心太陽能政策風險係, 我怕呢D西方國家會因為唔想益中國人, 覺得所有太陽能野都係中國貨, 所以直情唔開項目唔畀中國人做你生意, 美國人係最佳例子, 咁多個國家之中佢最有條件發展太陽能, 能源市場又係全球最大, 放Panel既地方又多, 有唔少州份都好猛太陽, 加州呢個重要州份都已經比起好多國家有潛力, 佢就係唔畀人搞

      新能源贏唔贏到, 我認為要睇中國既外交夠唔夠牙力, 其實之前中美進行國事訪問可以落小小賭注去新能源股入面, 雖然依家結果係無一隻在港上市既股受惠, 不過我唔排除往後有呢個可能性

      正如每次出訪派錢都不外乎買國債同埋買飛機, 咁無理由得我畀錢你使, 你又唔做返D野? 我認為中國會要佢地買返中國出品既新能源產品, 見得下人既產品都只係風能同太陽能, 又或者係一系列既技術"合作", 當中應該有機會包括再生能源技術, 雖然人家只會畀你二流既技術, 不過只要獲得既技術可以令自己提升到, 以中國長久以來既低成本戰略, 將貼近一線既次級貨批量生產, 一樣搶到市場, 我估最高端, 轉換效率去到22%以上既頂級panel係唔會用黎做電廠, 因為實貴到飛起, 太陽能報價網都只係用16.x%既模組做標準, 我估日本美國德國等頂級panel都依然好貴

      我寫左咁多野都好似未寫晒我想寫既野, 吹住咁多先~

  2. Sing 說道:

    我沒有那麼多數據支持我所說的,但我從大方向看,發展新能源(或更準確說發展太陽能)是必然的進展,而中國的太陽能晶片屬中檔品,價廉物美,若用黎做電廠,實屬上好之選,我不太相信國際政治會對想投資電廠的商人有很大的影響,因經營電廠確實有很大的利潤,不論是歐洲國家或美國,都會向錢投降(環保也是一個很強的助力),更何況我們有更強大的內需潛力呢,所以我真的很樂觀,只是偶爾也要從波幅中賺取多一些金錢。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s