卡姆丹克(712)近日走勢觀察+一些心得

我寫呢篇文係中午收市無耐, 我發現712係臨中午收市前有個急彈, 收復早段跌幅

類似情況係前日(1月26日)發生過, 呢一日真係可以用V彈形容, 呢一日畀左我唔少信心, 可惜琴日既尾段畀人一野隊返落去, 整支陰燭畀大家嘆下

經過呢三日既觀察, 我自己係偏向相信跌唔落, 而今日既低位係3.0, 睇返即市圖, 由3.0/3.01見底之後再升返上去既走勢係好急, 成交都唔少, 都有數十萬股(以712一日交投量得三幾百萬股算唔少, 已經係十分一)

今日係星期五, 係決定週線收陰定收陽燭, 上星期五收報3.14, 即係話如果今日可以收高於3.14就可以做個三連陽, 咁樣會更加畀到信心我

另一個觀察係我發現買盤數目係經常少過沽盤, 好多時係1比3, 我以前會覺得咁樣係缺乏買盤支持, 利淡訊號, 不過我在712身上睇到既係, 每次上升係主動買盤買上去, 好多時係一買就幾個價位咁跳, 就好似今日咁, 都見唔到有好多買盤等收貨, 但就係無端端會一野掃返上去

今日既成交去返近日既水準, 半日都有2.7M, 我今日既目標係成交量5M或以上, 股價可以收3.14以上, 睇下我亂咁吹會唔會吹得中

呢個觀察我仲睇到一樣野, 就係, 我只係講712, 真正主導走勢既, 並唔係掛左買盤既人, 而係果D實驚無神既主動買/沽盤, 我根本就睇唔到係乜人做既, 可能係佢地唔想現身, 又或者其實呢類買賣盤都可以睇到, 係我唔識睇, 如果有得睇, 真係想知道究竟係邊間行做得多, 除此之外, 可以睇得到細價股就係好易畀人操控, 要整郁好似712既股票幾個價位, 百幾萬資金就足夠, 憑一行之力就已經足夠, 唔似其他大股, 兩邊買賣都過千萬等緊, 細股就係咁波動

我依家反而見到咁多買盤等緊唔會好高興, 以前就覺得咁即係有承接力, 我覺得無乜買盤反而可能係好事, 因為如果無買盤, 大戶係唔會隊到落黎, 都無人買, 點承? 無理由要低十個八個價位咁畀你接架? 一野就鋤散晒啦, 大戶要賺錢就梗係要引多尐人入場, 如果無人入黎玩, 真係出唔到貨, 你諗下佢地手上貨都可能億億聲, 如果以712計, 1%都已經係三千萬, 如果要散水, 一個星期都走唔到, 你諗下, 我就當一日有1500萬成交, 一個星期7500萬, 如果你要沽晒佢, 1%貨佔整個成交額一半, 其他人唔使沽? 所以, 單以712黎講, 無乜買盤唔使太驚, 因為咁樣反而可以賭佢大戶出唔到貨, 唔會大插插得去邊, 好多時712頭5格加埋都係得十幾萬股買盤, 一野就可以沽晒落去, 但係要出貨既大戶係咪要咁做鋤散個價先?

所以, 可能尐大戶見到所謂既血肉長城不知幾開心, 咁多散戶接我地尐貨, 一炮就沽晒, 唔使搞咁多野慢慢出, 我就一定唔做乜野血肉長城喇… 市場覺得唔值既, 任你十億八億買盤守住, 唔值既就多多都隊得穿, 我未聽過散戶贏過… 唔好做長城既一份子喇, 朋友

呢個只係我既推斷, 實質係點我唔會知, 可能有高手路過見到我寫左呢尐野出黎會覺得我好傻仔, 我姑且就記低我呢個想法, 日後睇返都應該幾得意 🙂

廣告
本篇發表於 個股研究, 卡姆丹克, 投資心得。將永久鏈結加入書籤。

One Response to 卡姆丹克(712)近日走勢觀察+一些心得

  1. WR 說道:

    看繁体港文,好累

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s