內地收緊門檻 停批多晶硅新項目

2011-01-25 08:54:05
工信部、發改委及環境保護部公布多晶硅行業新準則,在中央投資專案核准新目錄出台前,不再批出新建多晶硅項目,以保留戰略性資源;而在批准新建及擴建的項目投資中,最低資本金比例不得低於30%。

當局同時對現行多晶硅項目頒佈新規定,太陽能級多晶硅項目每期規模需大於每年3000噸;太陽能級多晶矽還原電耗需少於每千克80千瓦時,至本年底前需少於每千克60千瓦時;本年底前將淘汰綜合電耗大於每千克200千瓦時的太陽能級多晶矽生產線;而在農田保護區、自然保護區及風景名勝區等區域周邊1000公尺內,及重點生態區內不得新建多晶硅項目。已在以上區域投產運營的需搬遷或停產。

內地媒體引述業界表示,僅有四分一業者符合新標準。目前內地共有370家光伏企業,其中多晶硅企業達80多家。09年多晶硅、硅片、太陽能電池及組件產能分別佔全球總產能25%、65%、51%及61%。其中多晶硅產業計劃投資總額達1340億元人民幣,實際投資額為470億元人民幣,已建成項目設計產能逾4萬噸,在建項目設計產能則逾6萬多噸。

當局同時對稀土、鋼鐵、石油、煤炭等黑色金屬,鎳、鉬、鎢等有色金屬,及太陽能多晶硅等原材料、水資源和森林資源降低出口退稅率。(vi/d)

(source: http://www.aastocks.com/tc/ltp/LTP_RT_Quote_Stock/HK6/NOW.422521.html)

 

fatlone:

呢單野一出, 保利協鑫即刻大升, 對於擁有最多產能既龍頭當然係大利好, 因為中央呢一個政策係加速汰弱留強, 細廠可以摺埋, 對市場同國家都係好事

當中佢話僅有四分一業者符合新標準, 其實好正常, 因為多晶硅產能頭幾大既產能分分鐘都已經佔總產能一半以上, 保利協鑫都有過萬噸

我覺得最後一段好重要, 入面話多晶硅原材料會降低出口退稅率, 意味中國製造再出口既硅料或要提價, 咁樣可能會引起硅料價格上漲預期, 硅價上升可能會令到硅片售價上升, 我地見到卡姆丹克毛利率上升就係因為硅價上升, 點解成本上漲反而會得益? 主席曾經講過(http://finance.qq.com/a/20101214/006921_1.htm), 佢地多數用既硅料都係簽長約供應, 價格早就鎖定, (而除左起新廠之外, 最大支出就係落訂, 一落就過千萬歐元) 所以成本可以保持穩定之餘, 亦都因為硅價上升從而享受到所引起既硅片提價, 但主席講過係短期而言, 咁上年既情況係咁, 2011年係咪會再重覆一次? 同埋硅價升只係我估估下, 準確度好低, 只係「大膽假設, 無乜求證」

呢個消息一出, 並唔係隻隻太陽能受惠, 依家香港上市以太陽能為主業既股份我自己數到有6隻, 鉑陽, 創興太陽能呢2隻係搞薄膜, 保利協鑫、卡姆丹克同埋陽光能源係硅基電池相關(仔細尐講係3隻都有做硅片), 興業太陽能就BIPV(光伏建築一體化), 今日我見到只有搞硅基電池既有升, 其餘3隻都係跌, 我估計市場認為硅基跑出, 至少短期內係

環顧整個太陽能行業, 股價表現最好係做硅料硅片, LDK solar同埋保利協鑫強到無倫, 因為呢2隻都係做上游, 而中上游既卡姆丹克都唔弱, 但同近日既保利協鑫比, 都只算係望到協鑫既車尾燈, 陽能就真係輸幾條街

我曾經講過股票其實無「追落後」呢回事, 咁依家我重注既712跑輸畀3800, 我係咪要換馬至3800呢? 我有爭扎過, 不過712向上既動力仍有, 而且我之所以重注712係等2010全年業績, 實質賺幾多大概都已經知道, 我想知既係呢份年報入面會唔會提到新增產能既情況, 同埋呢一年有乜野大計, 712跑輸畀3800或者因為3800好消息一單接一單, 反觀卡姆丹克除左出左Q4預報之外, 無講過其他野, 就好似人家已經出左幾招, 拎多左唔少分, 你仲唔做下野人地會唔知你有幾勁, 可能公司會係公佈業前後有大動作都未定, 我只係估下, 總之我要等到開埋呢鋪牌先(好爛賭), 咁好彩近日太陽能業有唔少利好消息, 可以更加堅定我重倉落去

近月既走勢話畀我地知, 太陽能板塊係以硅基相關既上游行業為領跑者, 局勢好似係呢個星期突然變得明朗, 究竟呢一波升浪可以持續到幾時…

廣告
本篇發表於 卡姆丹克, 太陽能 並標籤為 , , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s