又有篇超錯太陽能股報導, 今次係: 「Follow Me:創益可作壓歲股」

Follow Me:創益可作壓歲股

2011年01月23日

1)新春在望,虎去兔來,收集壓歲股,首選業內「龍頭」兼大幅落後的創益太陽能( 2468),目標價維持 8.20元,預期升幅 55%。
Follow Me去年 11月 7日首次推介創益太陽能,由 5.18元升至 5.96元,升幅 15%。經逾月整固後,返回起步點,上周呈現明顯見底回升迹象,是翻兜或加碼迎接第 2個更大升浪的時候。

 

大幅落後

只要比較同業保利協鑫( 3800)過去兩個多月的表現,即可醒悟創益的大幅落後及超級抵買程度。 Follow Me去年特別揀選保利協鑫為「 6月之星」,與看好創益理由相同。當時保利協鑫由 1.45元起步,到去年 11月 7日推介創益時,大升 74%至 2.53元,創益則只比 10月招股價 4.50元高出 15%,具備大幅追落後條件。
經兩個多月發展,保利協鑫上周高見 3.62元,再漲 43%,但創益由高位回落後,同期只升 4.6%。以保利協鑫比推介時已累升 1.5倍比較,更彰顯創益中短期上升潛力非凡。
創益產銷薄膜太陽能組件,以太陽能研究機構 Photon顧問公司報告為據,按薄膜組件 09年產量計算,創益排名全球第 4,市佔率 4.1%,在內地則排名第一,市佔率高達 14.8%,但身為「龍頭」,市值卻只有 83.9億元,較保利協鑫市值 524.6億元,竟相差 440.7億元。這個不合理現象,終須有改變的一朝。

 

PE較協鑫折讓 53%

股價跑長線,不靠消息只賴盈利增長。創益上市前的 2010年度( 6月年結)盈利 4.99億元(人民幣.下同),可以相信招股書預測 2011年度上半年盈利不少於 2.587億元,為上年度全年盈利的 52%,屬過於保守。以創益主席李毅最近曾透露 2011年產能達 200兆瓦推算,全年盈利估計可扳至 6.6億元,增 32%,每股盈利 0.416元,折約 0.483港元,現價 5.29元預測 PE僅 10.9倍,相對保利協鑫預測 PE已大幅提升至 23倍,折讓達 53%。
以首次推介創益時目標價 8.20元計,預測 PE為 17倍,比保利協鑫仍有 26%折讓。「龍頭」有折讓仍未算合理。

 

5.2元建立「 3底」

另一支持股價追落後元素,來自 NAV。上市後,創益 NAV每股 1.76港元,現價 PB只企 3倍,比保利協鑫 PB 4.57倍,折讓已擴大至 34%!
再看股價表現,創益在 5.20元水平已建立 3個底部, MACD處於上市以來最低水平,博 3次到底不破的彈力勝過上兩次,今個升浪會由重越平均線滙聚區及突破下降軌開始。這隻壓歲股,深信可收「苦」去兔來之效!

 

受惠於環保節能

基金揀股程序不離「由上而下」模式,睇全球及內地太陽能前景,相信在實際需求與國策兩大有利因素支持下,肯定靚爆鏡。
內地大力推動環保節能,太陽能發電普及之勢銳不可擋。創益太陽能( 2468)早已訂下大計,全力鞏固其「龍頭」地位,因此只要看好太陽能業務前景,要投資此景氣行業就要買「龍頭股」。
創益兩項大計有利長遠發展,包括:
一、主席李毅透露未來 10年創益產能可大增 14倍至每年 3000兆瓦;
二、不但已擁有逾 100種核心專利高新科技,並以銷售收入的 12%投放在光伏研發科技上,連日本東京工業大學亦與創益合作,聯手開發新一代電技術。

 

中傳動博賺 31%

2)中國高速傳動( 658)是當前最抵買的電力設備股,目標 15.92元,博升 31%。
今周正選創益太陽能( 2468)是「替代能源股」,食正國策,而中傳動則是「替代能源相關股」,且為全國最大風力齒輪傳動設備生產商,市佔率 55%,亦屬「龍頭」級數,必為國策最大得益企業之一。
中傳動吸引力在 PE低於其他電力設備股,現價 12.16元,預測 PE僅有 9.7倍,相對哈爾濱動力( 1133)、上海電氣( 2727)及東方電氣( 1072)平均預測 PE 18.6倍,折讓達 48%。與風力發電股如龍源電力( 916)及金風科技( 2208)預測 PE分別為 24.3倍及 12.9倍比較,折讓 60%與 25%。
以 15.92元為目標,是以黃金比率 0.618倍彈幅推算,屆時中傳動預測 PE 12.7倍,難怪大型基金摩通言行一致,不但將中傳動目標價定在 24.30元,且持有中傳動 10.06%!
高彰坡 

(來源: http://hk.apple.nextmedia.com/template/apple/art_main.php?iss_id=20110123&sec_id=15307&art_id=14897890) 註: 香港以外既朋友可能睇唔到

 

fatlone:

係第二段入面佢話創興太陽能(2468.hk)「追落後」, 經過我長期觀察太陽能股, 發現呢三隻字從來都唔會出現, 太陽能股真係唔會追落後, 你睇下陽光能源(757.hk)幾頹, 同卡姆丹克一樣都有做wafer, 就係長期都升唔過2蚊, 卡姆丹克近日跌極都有2.6以上

仲有, 佢用保利協鑫(3800.hk)同佢比, 佢話大家都係龍頭, 市值差咁遠唔合理… 佢自己都話未來十年目標產能大增至3000MW, 人家保利協鑫今年已經3500MW, 咁保利依家既市值係咪應該係創益既17倍? 即係1400億左右, 用呢個邏輯推斷, 原來保利協鑫現價係仲唔合理… 我仲未計佢電廠同硅料帶來既收入…

呢一點我未必係錯, 但我會非常懷疑, 佢話今年增產至200MW會有超過6億既純利, 同樣係200MW產能卡姆丹克今年算好景都應該唔會有超過3億既純利, 即係話創益既每瓦售價比起卡姆丹克貴好多, 創益做薄膜太陽能優勢係每瓦售價比太陽能電池低, 唯一可以解釋到既係創益既成本係超級低, 但會唔會有可能低到咁? 卡姆丹克毛利率算係在港上市太陽能股數一數二高, 創益仲可以比佢高咁多? 如果佢有做其他業務帶來收入, 即係增產計劃同佢純利相關性唔太高…

我睇過湯財兄個網, 有人討論過太陽能, 來源我唔搵喇, 信就聽下啦, 入面有人話創益既轉換率同外國一線廠差好遠, 根本就唔同級數, 所以佢話佢尐專利點多點勁, 一切都係假, 你每瓦售價最低, 維護成本亦都低, 先會有市場

佢仲講埋中國高速傳動(658.hk), 我見得會計仔兄有講過, 來源我又唔quote喇…懶, 佢話最近有個較大型既風電工程中標既廠商入面既風機係無用過中傳動既出品, 至少金風搞直驅既一定唔會幫襯, 可能佢係跟唔上更新換代既步伐, 可能近日既股價正反映呢樣野, 咁既話呢隻股可以判死刑, 要被淘汰了

金風實力咁強我都唔夠膽推, 自己都止蝕, 呢隻658我個人認為比起金風都唔係果一班, 佢仲推呢隻, 原因係抵買, 抵買既原因係P/E低過其他人… 如果其他股民仲係停留係呢個程度, 咁炒足一世股都唔會有進步

如果我講既有錯既, 請留言教精下我, 我都只不過係初哥, 不過新能源方面係畀過小小心機, 呢種程度既謬誤我仲睇到, 我希望大家search呢篇野既時候會順便搵到呢篇, 提醒一下讀者

又, 如果該文筆者或蘋果日報編輯讀到呢篇文, 請你地下次做多少少資料搜集… 又或者你地可能會搵到黎呢度, 可能他朝可能會有人係呢度取材, 之後係報紙見到有我寫既野都未定:P 畀我發下夢啦… 好似湯財咁勁就得!

 

廣告
本篇發表於 , 太陽能 並標籤為 , , 。將永久鏈結加入書籤。

2 Responses to 又有篇超錯太陽能股報導, 今次係: 「Follow Me:創益可作壓歲股」

  1. Sing 說道:

    呢位高先生咩野人黎架?用這樣的邏輯黎搵食,會乞米咕喎!平就買?佢知唔知創益尐晶片轉換率有幾低呀,是數一數二的低,還不到7%,200MW薄膜晶片會有超過6億既純利?吓!我冇睇錯呀嘛?

  2. Sing 說道:

    The new measure comes out. 3800 and 712 rise, but 2468 drops. Why? 2468’s quality is far worse than others!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s