請容許我再推多次卡姆丹克

推夠未呀, 博主? 推黎推去咪仲係上唔返3蚊樓上

未, 至少畀我推到出埋2010 業績先好冇?

2010年業績一定好, Q4仲未聽過話要減價, 以Q3都賺成8千萬黎計, Q4都應該可賺到6千萬或以上, 但唔會好過Q3, 因為我相信售價已經無上升空間, 同時產能已經用盡, 8千萬一季應是極限, 所以今年全年盈利最樂觀係2.3億RMB, 即係2.61億HKD左右

今次真係保佢大Q4盈利唔好低過Q3好多, 如果唔係班友又可能de-rate佢話佢增速放緩架喇…

我賭佢臨出業績會炒起, 或者我等佢發盈喜, 2010往績P/E, 12倍幾(我自己估), 抵過好多上市新股, 2011年產能增加2倍, 訂單又充足, 我假設佢2011出貨量有200%增長而毛利率大降50%, 兩者互相抵消後依然有50%增長, 若712呢一刻以現價招股, 佢既2011預測市盈率只係得8倍, 近期上市新股邊度搵?

我認為自己重注買入712係價值投機, 因為我認為呢個價錢去買呢個增長係有折讓, 所以係有"價值", 而點解話係投機? 因為公司規模細, 不確定性相對就高, 而且唔知保利協鑫無強大後援(中投), 所以一旦市況逆轉被夾既話就會好傷, 我相信因為呢個原因呢間公司暫時都有折讓, 其他有折讓既原因可能係市場人氣唔高, 交投量同埋市值過低引唔到基金大戶進場, 呢一點好重要, 因為如果無呢班人買貨, 基本上係無股票會識得升

我近來已經加注, 增持位係2.79-2.85, 我個倉今個月既表現就要睇712

無論如何看好都要有個離場位, 上次篇文話用2.6做支持位, 今次因為各條週線都繼續向上, 所以支持位亦上移至2.7, 呢個係20天週線既位, 如果穿左之後幾日都上唔返, 好似我呢D重注出擊既就要減倉, 風險管理一定要做足

新一年祝大家股運亨通之餘, 希望大家合家平安, 錢係好重要, 但有乜野比家人更緊要?

廣告
本篇發表於 個股研究, 卡姆丹克。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s