2011年投資展望: 前言+新能源篇

2011年, 我認為是我人生中比較重要的一年

主因有二, 一是未來這一兩年, 應該是我屋企收入的高峰期, 之後, 父母就會退休, 以我既能力都未知要過幾耐我個人月入先可以追上這個頂峰; 二是我相信今明兩年市場應會出現俗稱「牛三」既股市瘋漲期, 對上一次牛三出現在五年前的2007年, 若2011年未爆, 2012年都要爆, 我呢一刻係咁睇, 只係一個信念, 無任何實質證據支持, 而且仲要假設中間唔會有一尐特大黑天鵝事件發生, 例如打一場大仗(如南北韓/伊朗/南沙群島), 歐債危機真係爆煲 etc… (btw如果歐債真係爆, 照08年金融海嘯既歷史推斷我估係爆鑊後市場會殺跌5成以上之後政府落重藥打救後會再黎個強勁反彈…)

主觀願望是2011年可以保持2010年咁, 大市平穩上漲但個別板塊輪流爆炒, 每一季都有一兩個板塊熱炒, 用我極有限既記憶回想起呢2年來, 先有醫藥股、家電股、汽車股、本地零售股、新材料、建材股, 仲有D無咁heat但其實去年升幅都好勁既有航空股、濠賭股, 再加埋十二五規劃概念股等等, 以上板塊都有>50%既升幅, 你是但捉中一個都十分和味, 我深信肯畀心機時刻留意市場動向, 應該可以參與一半既板塊重估+炒作, 即使恒指唔多郁, 憑住參與熱炒板塊都應可獲得三成以上既回報, 操作技巧高超更可以倍倍聲咁賺, 我相信自己開始可以慢慢捕捉到呢D幾乎每隔幾個月就出現一次既板塊重估/炒作

上述提及既板塊, 我個人睇除左建材股有保障房概念可以延續強勢之外, 其餘既現階段我睇唔到有新既強大利好作為新既股價向上既催化劑, 所以選股上我會迴避已經炒過既板塊, 直至市場有轉勢迹象, 咁樣做我可以睇少幾個板塊

來年我會繼續主打新能源同埋個別有勢既細價股, 先講新能源:有人話新能源熱炒, 但我唔認為新能源有勢炒過, 仲有人同埋雜誌話新能源股係泡沫, 我呢個新能源股大好友總會有尐理由去反駁, 總之新能源係2010年既升幅唔係炒作, 而係佢地係做左turnaround股, 由海嘯時全球經濟仆街搞到無訂單再加上普遍高負債所以大部份新能源股都畀呢兩樣野一齊狠狠咁夾落去, 2010年經濟有起色訂單要補回之前hold起既部份, 咁2年既訂單一次過谷出黎, 再加上之前既高負債等於高槓桿, 好景時所有好野都會被放大, 所以2010年新能源股既增長係會倍倍聲咁爆, 咁點解內地風電股會咁不濟? 因為行業競爭太過劇烈, 售價不斷下降, 盈利前景不被看好, 加上美國又話中國風電產業違反世貿唔知乜叉協議, 所以風電股短期都無乜運行, 但我作為風電好友就會覺得均價下降會增加風電既競爭力, 加速同火電睇齊, 突破呢個臨界點之後, 可能有好多項目上馬, 而且強大競爭壓力下行業形成寡頭壟斷(其實依家已經係)後, 投標價應該唔會再急跌, 同時經濟規模增加, 成本會下降, 毛利率未必會跌得太難睇, 現時係行業既陣痛, 再加上海外市場依家先開始打入, 所以未來既增長空間我係看好

投資新能源既策略係暫時避開風電股, 主力投入近來勢頭唔錯既太陽能股, 太陽能股既估值應會繼續被調升, 太陽能股畀人講左好多次, 都只不過係得幾成至差唔多一倍升幅, 如果呢個已經係成個板塊既極限, 我會認為我選股能力十分不濟, 太陽能股仲有得升, 不過呢尐新能源野確實係高風險之選, 全部最大既龍頭都有大量負債, 尐人睇落覺得牙煙, 不過背後既金主係國家, 唔係中投就係國開行或其他國有銀行授信, 看似賭命, 實質就係無限子彈, 理性投資者唔好睇佢地, 好似我呢尐總係有尐賭性既就非常岩口味了:P 睇下, 高負債都畀我講成好處, 你話我係咪新能源大好友呢, 所以果D吹功高我十九幾班既投行報告真係可以吹到好動聽架 😛

至於十二五話主力發展既核能, 我個人無乜研究核能, 只知道最大三間核能設備製造商都可以在港股市場搵到, 分別係東方電氣(1072.hk), 哈爾濱動力(1133.hk)同埋上海電氣(2727.hk), 其他核能概念股目前只限於概念, 暫時可以先spot住呢3隻先

廣告
本篇發表於 , Investment, 新能源 並標籤為 , , 。將永久鏈結加入書籤。

2 Responses to 2011年投資展望: 前言+新能源篇

  1. Sing 說道:

    Ha….., I like the sentence “好似我呢尐總係有尐賭性既就非常岩口味了"。 I also have 賭性。我總覺得分析市況不難,花多一點時間,心機找資料,看資料,看形勢,理性一點就能知道那隻股好,但買賣時間價位準確是十分困難的,這就是我常說的捉到鹿不懂脫角的意思,除了靠我們的一點賭性(靠運氣)外,堅定守住先前理性分析得出的買賣價位,定止蝕位,才是賺多蝕少的秘訣,新一年,但願各位師兄師姐有足夠的心理質素,在這變幻難測的股場,每日投注總額達數百億的大賭場上,得到回報。我外公話齋唔賭唔知時運轉。Ha……

    • desmondctt 說道:

      祝你新一年事事順意先, sing兄

      我自己今個星期已經捉左隻3800啦, 2.85入, 之後竟然唔知驚乜春2.9走鬼左, 依家遇上跌市都升到3.03, 我仲要將套現所得加注712@2.84!!! 呢D就係左一把, 右一把, 家下塊面好痛… 總之太陽能股我呢一刻就一注獨贏712…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s