17蚊既金風科技值搏

連跌6日既金風科技 (2208.hk)今日下試17蚊, 收報$17.04

我係再生能源既粉絲, 太陽能同風電我都鍾意

因為鍾愛再生能源業, 所以我之前研究並買入左航天萬源(1185.hk). 不過, 後尾佢走勢太差, 而且佢透明度太低, 我坐得唔安落, 佢市值細呢一點我反而唔介意, 我仲幾鍾意市值細既股票, 因為要低市值先會具爆發力, 你好難揀一隻市值逾千億既股會一年內再向上以倍計地升

研究風電股, 如果係夠深入既, 一定會識金風科技, 想當年(其實我都係睇左風電2年左右), 我就覺得佢無係香港上市係好可惜, 因為金風科技係國內風電股王, 發電機組龍頭 (依家排第二, 華銳排第一, 剛剛取消左ipo)

佢上市我無抽到, 因為我放棄左抽股呢個遊戲, 而且我都無錢去抽, 同埋我有其他目標, 並無諗過要沽出手上持股而換呢隻

到依家佢連H股IPO價都穿埋, 如果無跟開呢隻或者風電股可能會覺得佢好廢, 但我唔係咁認為, 我本少, 唔會做所謂既價值投資, 但我認為如果你有本事可以坐下貨, 我覺得呢個價位既金風科技係值得買入一部份做下倉底

佢個trend仲係向下, 所以我既操作就唔會依家就all-in, 除非係有人操控住, 否則一隻正常既股係唔會無端白事跌一大輪, 所以我要假設有尐壞消息係發生左, 或者市場前景差左

17蚊既金風科技唔平, 但係好股係唔會平, 多數好股都係貴, 依家呢個價一D都唔貴, 金風我鍾意佢係用直驅永磁技術, 唔使用齒輪箱可以減低耗損, 降低維護費用, 而且金風深耕中國風電市場已經唔少時間(印象中係十年有多), 比起因為強大後台(一間大型國企)而短時間搶得龍頭位置既華銳, 我相信金風更經得起考驗

如果相信風電好, 金風九成九都會好, 除非佢自己出問題, 不過投資風電板塊, 金風已經算最穩陣果隻, 希望可以再畀多幾日我, 同屋企人買少少貨上車

今日推17蚊左右既金風, 睇下幾個月後金風又會值幾多? 希望之後可以上返20蚊樓上~

廣告
本篇發表於 Uncategorized 並標籤為 , 。將永久鏈結加入書籤。

9 Responses to 17蚊既金風科技值搏

  1. Gary 說道:

    估唔到今日有好消息, 不過我無追, 驚佢好似之前甘炒一兩日就玩完, 睇下佢呢幾日情況點先至諗諗, 始終現價同我出貨價唔係差得遠.

    • desmondctt 說道:

      無lala出好消息真係估你唔到, 上都上唔切… 用IPO價入呢隻應該downside不大, IPO價都唔過20倍PE(2010年), 咁除非佢第四季仆直, 如果唔係17.98真係20倍都無, 以金風科技呢間公司既質素, 佢值得畀20倍以上, 咁我覺得值, 咁D大戶覺得唔值咁我都無計了:( 不過, 佢入面有個我認為十分值得跟既股本, 就係社保基金, 佢係我其中一個認為最可信既燈, 金風往績超勁, 試過連續十年都100%以上增長, 睇過D消息話今年預計會70%增長, 都仍然係一個好勁既數字, 絕對對得住20倍以上既P/E

      • Gary 說道:

        我都係甘認同, 而且呢次中標好明顯睇到金風同華銳平分秋色, 永磁直驅風機開始得到中國市場認同, 有獨特優勢, 但真係唔知點解走勢都係越走越低, 定係因為 h 股關係, 因為我睇到香港的 h 股好明顯落後 a 股, 除左內銀, 東方電氣同中國南車.

  2. Gary 說道:

    慘, 今日個市托住來洗倉, 我想入的野都全部 cancel 左睇定 d 先, 尤其是航空股, 航空股通常年尾一定有靚靚業績, 而且自己正職係做空運, 知道航空呢兩年會好景, 但估唔到一個高鐵新聞, 就洗到好似跳樓甘, 都係睇定 d 先.

    • desmondctt 說道:

      我無睇開航空股, 不過前排有日睇下, 先知升幅都好勁下, 其實航空股算唔算週期股? 我記得07年大牛市, D航運股係好勁, 果陣先識睇乜野波羅既海指數…

      • Gary 說道:

        通常航空股會走系航運股前面, 而航運股就會系牛三時間大爆升, 因為個市炒到無野好炒, 搵野追落後.

        而航空股好睇油價, 牛二到牛三時間係最好, 航空股係一個比較反應到現實經濟復甦的股, 今年航空股大賺原因係 cut 航班, 將供求減少, 自然將需求價格炒高, 但油價依然維持低水平, 所以今年航空股係比以往甘多年賺得最多, 之後會唔會都係大賺, 就好睇經濟復甦力度, 同埋航空公司發展, 就而家東航, 南航同國航來睇, 佢地都傾向增加航點同航班, 而且貨運價都維持系高水平, 應該下年都幾好, 而且航空公司債務都以美元結算多, 人仔升值可以幫助減低債務結算價格.

  3. Gary 說道:

    死, 今日仲勁, 流血大洗倉, 我開市無幾耐入左 2722, 好彩唔係入好多, 2 手玩下, 不過 hsi 好似頭肩頂, 我都唔敢入得多, 都係逐 d 建倉.

    • desmondctt 說道:

      估唔到要試埋16蚊, 跌勢好急, 就咁去aastock同etnet都無特別壞既消息去推低股價, 係大摩首予「減持」一個消息嚕, 但只係一間投行既片面之言, 而且大摩都唔係金風H股既保薦人, 不過如果保薦人咁快就唱衰經自己手上市既股票就應該無乜可能…而且多數自己都會有D貨, 唔會同自己過唔去掛…

      不過越跌越買呢個行為只會越溝越淡, 只有大戶先可以做, 又或者咁講, 佢地有需要咁做, 佢地入場買一隻睇好既股, 分分鐘要買十億元以上既貨, 一日買二三千萬都要買成個月先買完, 我地呢D老散邊有咁多注錢玩, 咁既話入左一個限額, 當倉底算數, 我好反對某D blogger話越跌越買, 佢真係當正自己基金經理…

  4. 引用通告: 2011 potential turnaround股: 金風科技 | fatlone's investment paradise

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s