23200呢個位值搏率幾高

我認為美股在前天的大升, 是確認了中短期轉向, 因為我好耐都未試過同一日有咁多好消息, 歐債危機有望抒緩因葡國國債拍賣理想, 美國經濟數據就業職位增加(唔記得有無記錯), 仲有一樣我唔記得左, 我認為呢幾樣消息既效力應該唔止三幾日就玩完, 對上一次道指高位係11400左右, 比現時高只不過一個巴仙, 反觀香港距離上次高位仲有過千點幅度, 玩開股都知香港係同時受中美兩國影響, 呀爺仲keep住收水係港股未(全面)爆上既主因, 另一原因應該係東亞局勢

我覺得外圍已經有改善既跡象, 所以我假設港股向上既贏面已經有一半, 外圍造好, 中國都唔會唔好, 所以我覺得23200呢個位買股係好穩陣, downside應在22800, 但upside我係睇一千點, 升返上24200一D都唔過份. 而且美匯指數開始回落(可以去呢度睇圖表), 由11月頭升到11月尾, 我相信即使要再向上升都要過多一段時間, 美匯指數一向都同恒指係negative correlation

我唯一擔心係東亞局勢會唔會係隻黑天鵝, 三四線股已先行爆上, 我留意開既中國聯塑(2128), 信義玻璃(868), 卡姆丹克(712)同埋我抵死唔肯畀多2個價位追入搞到好鬼後悔既中國全通(633), 全部呢2日都升得好好, 反映唔係單單只個別板塊向好

712因升勢太勁, 我克服唔到畏高心理, 搞到一直都無補回之前沽出既倉位, 我沽出並唔係否定712既走勢, 只係一個風險管理既操作, 本港上市一眾太陽能股, 近半年既走勢無疑係712最強, 呢個小小博客令我有一個機會可以同sing兄同埋gary兄交流, 希望我地可以從712身上賺取可觀既利潤, 我真心希望有多D visitor可以入黎交流下, 大家互相交換心得資訊, 咁樣一定係win-win既, 有錢齊齊搵, 有風齊齊收

就睇下我今次有無睇錯, 我認為如果一個炒股人無立場係無用, 我覺得一個人可以睇錯市, 但唔可以講埋D模棱兩可既說話, 即係D財演一樣, 日日上電視講廢話, 我都識膠吹幾句啦, 「受外圍因素影響, 港股短期內可能出現較大波動」「大市可能上望/下試2xxxx點」etc…聽完係完全無得著

不過我認為佢地講廢話都係一種搵食技能, 搵食姐, 佢講廢話我有權唔聽嘛

我係看好, 但依然要做好風險管理, 察覺勢頭唔對就要走人, 有錯就要盡快認, 咁先係立於不敗之地既方法

廣告
本篇發表於 並標籤為 , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s