卡姆丹克破頂或會遇阻

事緣我發現星期五在美上市的太陽能股全部急挫, 之前我也不明所以

我想到的原因只有投資者見短期已累積不少升幅所以先行獲利, 但這也未能解釋為何跌幅會如此深

及後我在星期日的蘋果日報讀到這篇報導: 白宮安撫政商界查中國補貼綠色能源

2010年10月17日

奧巴馬政府對是否將中國列為貨幣操控國採取拖字訣,無可避免令國內政客和工會失望,政府前天(周五)即時「補鑊」,宣佈調查中國政府對綠色能源業的補貼,是否違反世界貿易組織規定,以示政府不坐視對華「不公平貿易」問題。

逼外資交出技術秘密

美國鋼鐵工人工會上月提出申訴,指中國政府向綠色能源業提供逾 2,160億美元( 1.68萬億港元)補貼,比美國多一倍,並違規將補貼與出口銷量掛鈎、限制進口和外國得到綠色技術所需物料,又逼外資交出技術秘密,意圖在綠色能源領域獨領風騷。
美國貿易代表柯克( Ron Kirk)表示會認真嚴謹處理這申訴, 90日內徹查工會各項指控是否成立。如結論是中國有違規補貼,美國可向世貿投訴,中國或面臨制裁。
眾議院議長佩洛西( Nancy Pelosi)等多名國會議員歡迎這調查。中國商務部昨反指美國也有逾 2,300項能源補貼項目,對美國宣佈調查表示遺憾,指是向外界發出貿易保護主義的錯誤訊號,中方將依據世貿規則維護本身利益。
法新社/新華社

 

我認為這應該是週五急跌的主因, 卡姆丹克可能會受消息影響, 且看今天的表現吧, 我真的想卡姆丹克可以快些破頂…

廣告
本篇發表於 個股研究, 太陽能, 新能源。將永久鏈結加入書籤。

14 Responses to 卡姆丹克破頂或會遇阻

  1. Gary 說道:

    死人美國佬, 搞完歐洲, 而家搞中國, 就係想搞冧成個世界至開心

    • Sing 說道:

      佢最衰搞埋712,真的豈有此理。

      • Gary 說道:

        美國佬最衰的一點就係, 每個國家起初為了搞好減排, 都會補貼綠色能源同新能源板塊, 連美國自己本身都有補貼, 同埋德國1之前補貼金額仲多過中國, 係今年傳補貼會減少, 而家美國佬見中國為左振興減排, 就大大力係甘咬中國, 又唔見之前佢咬德國, 擺明車馬要整死中國, 今日全部有關呢兩個板塊的股份都跌, 尤其是 712 急挫.

  2. desmondctt 說道:

    所以有人唔鍾意炒政策既股票

    其實講起補貼, 我咁岩就係呢篇報導出街之前同家人傾過有關LDK solar獲得中國開發銀行300億RMB授信, 係咪即係中國要爭做太陽能一哥, 其他國家好難同佢玩

    之後就睇到呢篇報導, 睇完都心知不妙, 結果今日712跌到連10天線都守唔住, 呢支陰燭未免太過大

    老美係咁福佳架喇, 估唔到所謂政策風險係由美國爆出黎

    中國咁谷太陽能只不過係國策使然, 一定要搞多尐新興行業先繼續令社會轉型, 唔搞多尐新興行業邊有咁多就業機會? 結果咪好似香港咁嚕, 有乜好搞? 創新科技? 讀science既本地學生最後多數去左邊度做? 自己果瓣根本吸納唔到人, 咪焗住去玩金融地產

    其實老美咁有條件搞太陽能(咁多沙漠廢地, 唔搞太陽能唔通再搞多幾個las vegas?), 自己又唔谷太陽能, 人地德國咁細地方都裝幾GW一年, 依家老美一年都裝唔到1GW, 減排得個講字

    中國人做事就係夠快夠狠, 要贏你就係咁谷你, 老美如果你無我地咁有決心, 係無可能贏到我地, 如果中國唔玩呢個遊戲, 太陽能成個行業根本無得玩, 靠你地班鬼佬成本邊跌得咁快? 轉換效率既升幅根本不足以解釋成本既跌幅, 跌得咁快咪又係有班心口有個勇字既大陸人係咪狂加產能去推低成本, 鬼叫太陽能咁暴利, 實多人爭架啦

    • Gary 說道:

      真係福佢個街, 自己唔搞就算, 係都要成日叉住中國針對中國, 真係鬼唔望美國經濟好似日本甘, 迷失夠五十年.

      唉, 估唔到今日支陰燭甘大支, 兩個板塊 712 跌得最金, 希望市場消化哂呢個消息, 穩住系呢個位, 跟住再展升浪.

  3. Gary 說道:

    師兄, 覺得加息點??需唔需要減持 d 再系低位入??

    • desmondctt 說道:

      我認為減持是有需要, 因為真的不知道會跌到那個位才有支持

      持倉太重, 心理壓力是有的, 因我也不是上了岸, 股票變了牆紙我也不愁沒錢花那種高人

      即使減持了又回升, 可以待真正突破才追入, 又或者比現在的價位跌得更深, 覺得平就再入些少, 但小心越溝越淡

      • Gary 說道:

        今日無走到, 始終認為佢業務增長強勁, 同埋五中全會己進一步確認會扶持振興產業, 卡姆丹克應該有前景.

        • desmondctt 說道:

          美國既太陽能股跌勢超急, LDK solar跌超過一成, 基本上呢2日都完全跌回先前急升既升幅

          睇返美國既太陽能股表現, 我真係有尐擔心, 尤其係LDK同卡姆丹克都係做硅片, 同業既表現應要參考

          大市開始回調, 恒指都仲收緊二萬三千五百幾, 跌返落二萬三都好正常, 咁計都只係五六百點既跌幅, 不過可能對卡姆丹克呢尐細價股黎講波幅可能會太好多, 我真係唔知道大戶們 已經開始走人, 唔玩太陽能住

          我唔想再重蹈覆轍, 好似以前咁唔識止蝕, 捱價捱到無眼睇, 雖然最後我一路死渣, 渣到變贏, 但呢種方法我覺得有得改善, 我捱少陣價, 止蝕先套現, 再慢慢溝, 可能賺得更多 , 我年紀尚輕, 有機會作出多尐嘗試, 從錯誤中學習, 希望大家繼續多多交流!

  4. Sing 說道:

    I just sold some 712 and bought some 8271 today.

  5. Sing 說道:

    水核风三电并举 太阳能尚存争议
    http://dt.people.com.cn/GB/13058181.html
    新兴能源产业发展规划已上报国务院
    http://finance.ifeng.com/roll/20101028/2786193.shtml

    • desmondctt 說道:

      雖然中國唔將太陽能放係主力安裝既首一二位, 不過睇返佢對LDK solar既巨額貸款, 可見中國係想搶奪太陽能市場, 雖然佢自己仲未大力安裝

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s