由風能到太陽能 之 一注獨贏卡姆丹克

呢篇係(由風能到太陽能 之 一口氣講晒尐風電股…)既續篇

上篇講到因為航天萬源咁耐都唔郁, 走勢無乜起色, 所以就打算換馬另一隻新能源股

本地上市既風電股除航天萬源之外都無乜興趣投資, 咁我唔玩風電就話太陽能, 新能源十個有九個都係玩風電或者太陽能, 因為呢兩隻係較為成熟

關於太陽能vs風電, 我諗有心google既話都應該搵到尐資料出黎, 我轉馬太陽能唔係因為覺得太陽能好過風電, 我自己既立場係佢地2個係未分勝負, 又或者應該咁講, 各有所長, 各自有大家發展既地方

例如風電最大潛力既地方係海上發電, 因為海上風力資源較陸地豐富, 但開發技術好高, 維護成本高, 因為海上既天氣變化大, 對風機本身既要求好高, 有好多技術關卡需要攻破, 發展風電多年既西方國家都唔係搞左海上風電好耐, 但如果海上風電搞得成, 一改以往風電多數係尐偏遠地區發電再供應至大城市既局面, 因為海上風電可直接供電予沿海城市, 而中國既經濟重心偏重東邊沿海城市, 海上風電有助供電來源既平衡, 唔使下下都西電東輸

而太陽能就維護成本低, 因為只係需要太陽曬住, 唔似風電咁需要活動部件用作發電, 輸電難度低, 好多偏遠地方都可以自行架設小規模太陽能解決供電問題. 我認為太陽能適合西部, 因為西部地多, 有地方擺太陽能板, 可能地勢較高會吸多尐太陽能呢~ (我估架咋呢點…)

講左咁大輪, 即係話我唔係棄風取日, 只係本地風電股無乜好出路, 唯有轉移目光去到太陽能, 有關太陽能既post可以去右手邊既categories入面揀"太陽能", 咁就有好多我對太陽能既睇法.

環顧本地太陽能股, 買得落手既我自己認為有2間, 一係卡姆丹克, 二係保利協鑫, 本地既太陽能股在此簡短品評一下, 只係好概括咁講一下, 未必岩架

鉑陽太陽能(HKSE: 566): 呢隻… 有尐千味, 唔好亂掂… 係咁多… 請自行google

卡姆丹克太陽能(HKSE: 712): 呢隻唔講啦, 一直都係講呢隻…

興業太陽能(HKSE: 750): 關於佢既業務我節錄新報既其中一篇專欄做介紹: 「興業太陽能在2007年度便開始營運光伏建築一體化(BIPV)系統設計、裝配及安裝,即是在玻璃幕牆內嵌入光伏太陽能物料,令有關幕牆同時為建築物發電。目前,公司的商業模式主要是購入太陽能薄膜光伏設備,為客戶在不同的建築物幕牆,安裝及設計BIPV發電系統,與在港上市的其他太陽能企業處在上、中游產業有明顯分別」 BIPV既前景我唔識睇, 自從升穿4蚊大位就無乜點郁過, 都係4蚊至4.5左右徘徊, 無新既推動力去做重估既話, 短期都應該係呢個水平度trade

陽光能源(HKSE: 757): 係卡姆丹克既競爭對手, 因為大家都係做硅片(wafer)為主, 市值相近, 不過營運指標一直差過卡姆丹克, 既然市場有隻好過佢既話, 咁即係唔使揀佢

創益太陽能(HKSE: 2468): 中國薄膜太陽能龍頭, 係晶體太陽能既競爭對手, 我唔玩薄膜住, 加上外國既first solar明顯高幾班, 暫時無諗過用呢隻做返712既對沖 (即對沖因晶體跑輸畀薄膜既風險)

保利協鑫(HKSE: 3800): 應該係中國最大原生硅材料生產商, 產量亦都係世界前列, 有中投入股, 財力雄厚, 除712外會留意呢一隻, 因為硅價升我覺得對3800係利好, 但似乎仲未完全反映…

可能會有遺漏, 但我相信本港上市既太陽能股都cover得七七八八

最後揀左712, 而結果咁多隻太陽能股最勁揪既都係712, 反彈幅度冠絕同儕. 我無預知未來既能力, 不過係最近呢幾個月卡姆丹克既表現係最勁. 叫做先勝一仗吧…

標題一注獨贏卡姆丹克, 即係太陽能股當中, 我獨選712, 咁睇好佢, 除左一尐客觀既指標如業績同埋佢呢排既好消息之外, 我揀712係因為呢間公司透明度高同埋我對主席投下信心既一票

卡姆丹克既官網, 不時都有更新佢既動向, 呢一點好重要, 細公司最忌透明度低, 因為市場認知度低, 我地好難靠平日既報導知道佢做緊乜

而我信任主席係一個有心係行業深耕既人, 呢個純粹係我個人感覺, 無乜真憑實據

曾經有人講過, 外國人著重睇客觀事實, 而中國人著重睇既係人, 我地現今既經濟學同有關金融財務既知識都係外國人創造出黎, 所以投身金融行業既都係師承西方, 但我地往往忽略左中國傳統智慧, 就係以人為本. 有尐人買一隻股票係因為個主席, that’s it. 聽落好兒戲, 但其實好有道理, 你諗下百年老店雷曼兄弟都會一夜之間倒下, 匯控都可以急插, 咁有咩公司可以信得過? 咁不如揀一個可靠既主席或者管理層仲好, 好多公司都可以增長超勁, 但原來只係用財技搞出黎, 主席其身不正就乜都假

卡姆丹克無論事同人我都有信心, 所以我用真金白銀投票, 就睇下我一注獨贏佢有無運行

廣告
本篇發表於 太陽能 並標籤為 , , , , , 。將永久鏈結加入書籤。

8 Responses to 由風能到太陽能 之 一注獨贏卡姆丹克

  1. Sing 說道:

    越來越覺得和你的想法很像,包括對712主席的看法。

  2. Randall 說道:

    交流一下, 我是投750 一票的

    1) 板主你提到太陽能適合西部供電, 這我完全同意, 而750 現在就是賣緊和開發緊一些適合西部供電的太陽能產品, 這亦是未來增長的動力
    2) 750 在太陽能股中PE較低, 但增長卻一點不低
    3) 回顧各國成功發展太陽能的例子, 都是要全民合作, 而全民合作的方式多是家家戶戶都放太陽能板發電, 再把呢D 電賣番俾政府 (併入電網), 這正正是所謂的光伏建築一體化(BIPV)或BIPT, 即:
    http://www.zhsye.com/pro_view.asp?id=39
    http://www.zhsye.com/pro_view.asp?id=86

    • desmondctt 說道:

      首先多謝你既留言

      我自己咁睇750啦, 因為純粹以走勢去觀察, 佢長期都處於3至4.5呢個trading range度, 4.5呢個位久久都未能真正突破, 有波幅無升幅, 代表住市場對佢既前景都係抱住中性既態度

      就睇下佢既第三季業績如何, 如果都係keep住得十幾%增長, 咁向上既動力短期內都係好弱

      睇返750既中期業績, BIPV既revenue係148.3mil 而傳統幕牆係389.8mil, 明顯太陽能並非佢既主力, 所以現時佢仲未係一隻純太陽能股

      假若, BIPV真係越黎越好生意, 咁既話一定會反映係股價上, 所以寧願待突破trading range再追入, 呢個方法我個人覺得比較可取

      又或者佢真係突破左唔係因為佢BIPV, 可能佢本身幕牆業務搞得有聲有聲都未定呢:)

      • Randall 說道:

        我都是想和不同的人交流一下, 所以謝謝你的回應, 若我說錯了什麼, 也歡迎你的指正

        1) “我自己咁睇750啦, 因為純粹以走勢去觀察, 佢長期都處於3至4.5呢個trading range度, 4.5呢個位久久都未能真正突破, 有波幅無升幅, 代表住市場對佢既前景都係抱住中性既態度" <– very agree, 市場對它態度中性

        2) 近期出左2010 年上半年業績, 如你所說, 它今次keep住得十幾%增長 (沒預期咁高), 但細閱report, 銷售增長沒減少, 而主席解釋增長減少的原因是因為生意做大了, 請多左很多人手, 因些人工支出提高, 另外亦有一樣一次性的開支(忘了是什麼), 不過這點亦要看你相不相管理層和盤數

        3) BIPV不是純太陽能股, 但太陽能比例卻越來越大, 我會理解傳統幕牆是cash cow, 太陽能業務是STAR
        如果太陽能業務持續增長, 不就是整體盈利KEEP 住增長嗎?

        4) "假若, BIPV真係越黎越好生意, 咁既話一定會反映係股價上, 所以寧願待突破trading range再追入, 呢個方法我個人覺得比較可取" <— 這我部份同意, 這當然是一個方法, 但現在估值低, 風險較低, 所以我認為現在入市更好

      • desmondctt 說道:

        我開呢個blog都係想有人同我交流, 所以希望你同埋其他人多多黎留個言

        其實玩BIPV係咪即係用薄膜太陽能做幕牆/屋頂, 又或者幕牆用薄膜+屋頂裝太陽能板?

        創益太陽能(2468)你又點睇? 因為我覺得薄膜太陽能其中一個最大用途係BIPV, 咁2468好景即係代表佢既下游(如750)都好景啦

  3. Sing 說道:

    請先看看這段新聞報導 http://the-sun.on.cc/cnt/news/20091227/00410_013.html
    我個人長遠不看好BIPV,因為它不是真的環保及省錢,以機電署新總部為例,聲稱每年可節省43萬元電費,用光伏板lifetime計算(~二十年,我想應沒有咁耐),終其一生,只會省下860萬元(總部每年電費開支~一千萬元,省下的不夠一年所花去的),但這些再生能源設施總值達5000萬元(不知這費用是不是與傳統幕場的剩差價,若不用BIPV,用傳統的,我想費用至少也要3000萬元)。BIPV賺錢的只有供應商和承建商(最貴是人工),用家其實是蝕本的(在人工低的地方還好...),用家也要承擔這二十年因天災人禍導致光伏板有損壞的風險(露天又易碎的玻璃!),還有這些光伏板不都是安裝在最向著太陽的位置,其轉能效果未能盡用,若附近有新的建築,仲會擋了陽光而失其效用,所以當人們發現這些細節後,BIPV還會有前途?現在750還可賺錢,一兩年後...,又是那句,最平又最有效的太陽能發展應以高轉能率,壽命長的太陽能裝置為本,期待著太陽能發電站(安裝簡單易打理,加上簡單的光學又能倍增發電效果)在港上市。

  4. 引用通告: 2010 in review | fatlone's investment paradise

  5. 引用通告: 由風能到太陽能 之 一口氣講晒尐風電股… | fatlone's investment paradise

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s