一追再追之卡姆丹克太陽能 (HKSE:712)

於2010年10月8日兩度小量增持卡姆丹克太陽能 (HKSE:0712), 平均價$2.815, 收報$2.75

最新平均價為$2.423

是次資金來源自家人的中國人壽, 且看今次棄國壽高追卡姆丹克的策略是否正確, 因為我的確在之前2.3X左右的增持用盡了自有的彈藥, 否則也不用到現在才追, 希望這不會蝕家人的錢吧

經過是次增持, 我在卡姆丹克的部位, 比我在第一注$1.63買入的那時增加了3倍

一切待10月12日的業績公佈再作決定, 若業績欠佳而市場用價格反映出來, 一定要減持, 寧願待走勢明朗化之後才再買入

廣告
本篇發表於 交易記錄 並標籤為 。將永久鏈結加入書籤。

19 Responses to 一追再追之卡姆丹克太陽能 (HKSE:712)

  1. Gary 說道:

    其實我都系兩日前系 @2.7 增持左, 增持係因為見到卡姆丹克同東方電氣簽協議, 令我信心再一步增加才增持, 不過經今次增持後, 我所面對的風險係一生人最大, 今日舞上舞落, 真係驚心動魄, 希望第三季業績不會令我們失望.

    • desmondctt 說道:

      高增長股真係賭賭下架咋~ keep住去, 就升到你唔信, 一旦神話破滅, 就即刻唔見幾成, 不過如果卡姆丹克既故事咁短 我唔會研究佢咁多野, 而會不斷提醒自己有得食就食

      有樣野要留意, 原來前排台灣既太陽能股跌左唔少, 不過因為Q3業績強勁而反彈, 但係呢又話對明年Q1唔太看好, 至少唔會好似10年咁勁, 我都睇唔清呢樣野, 不過既然卡姆丹克簽左咁多訂單返黎, 而呢D訂單係明年先交付, 即係尐廠都唔理得咁多, 訂左貨先, 呢D所謂訂單都全部無定價, 真係好景就真係好好, 逆景既話我地呢D小投資者就瀨野了, 唯有時時刻刻留意住, 咁既話就算風險高, 我地密切留意住, 逃生都快D, 無可能一日跌兩三成架嘛… 但如果渣住隻所謂穩陣既藍籌, 一味死守, 兩三個星期跌2,3成都唔出奇, 匯控都可以畀人洗倉, 有乜野股唔可以? 橫掂都要冒險, 點解要揀藍籌? touchwood講句, 我就算要輸, 都要輸得明白

      • Gary 說道:

        尋日我都搵左兩篇報道, 近排 d 多晶硅己經炒到 usd100/噸, 另外卡姆丹克為左解決呢個問題, 之前同一 d 同行一齊向下游供應商商討呢個問題, 希望拿到一 d 平的原材料, 希望成功.

      • desmondctt 說道:

        多謝分享, 你係邊度搵架D料? 勁喎 🙂

        另外, 其實既然D多晶硅個價已經炒到100美元/kg, 咁其實3800個價應該不斷上漲先岩, 依家佢個勢又停左一陣, 如果佢再跌多少少, 依家2.25, 跌到2.2水平, 我認為可以入返轉, 止蝕位定在2蚊大位, 如果守唔到即斬, 照正路多晶硅價升, 3800應該受益, 個升幅應該唔止咁少, 淨係個多晶硅價唔跌, 齋用擴產黎做推動力都夠升幾十%…

      • Gary 說道:

        我系百度搵, 我睇了幾十版至有, 幾難搵.

  2. futureorange 說道:

    首先稱一些堅持長線持有病股的人為死牛派的是blog友青山院長。

    以前我孤陋寡聞只知道燈神是股市的大輸家,但燈神的人數與財力都不足以解釋80%(有說是90%)投資者跑輸大市之說。近年在網上觀察多了,發現死牛派才是最大的股市冤大頭。假如讓我來為死牛下個定義,我認為符合以下幾點的就可以稱之為死牛:

    1) 堅持長線持有股票即使股價不斷跑輸大市

    2) 過去2-3年回報明顯差於大市

    3) 認為自己的投資方法才是王道,從不自我檢討

    4) 喜歡從眾而不自知

    5) 崇拜偉大的企業或魅力CEO

    6) 不用投資回報來評核成敗

    7) 幻想將來會發達

  3. Sing 說道:

    我[avg $2.25]心裏有些忐忑,因在我影響下有三個人(大佬、supervisor和一個剛出來工作的教會弟兄)買了712,怕他們蝕錢或賺得不夠多。至上年十一月首次以$1.78買入後,不斷加貨,滿心以為哥本哈根會議會有協議,712去到當時最高位$2.95我沒有放,不久就陰d陰d咁跌,年初出上年報告,很差但有錢賺,並好過很多同業(38O0,757…蝕錢),一出時就打回原形(平均價~$2.4),那時網上還有人唱712搵老襯,股價又向下,到第一季報告,盈利有上年全年八乘,心想應該會上升不少,那時我大佬就買了712,點知不到幾天就跌穿$2.0,原來有些人唱712業績"不及預期",接著的歐債問題,那幾個月我一出糧就買貨,$1.6,$1.9都買了幾注,以為很快會雨過天清,誰知黑了數月,買到冇錢在$1.2,$1.3買,現在雖然成功將平均價拉低,但那時真是膽顫心驚。投資股票好像兒時玩"估領袖(中央政府,基金大戶…)"一樣,估到就賺,估唔到就蝕,但712衰就衰在沒有基金照住,只有一大班對大陽能板塊一知半解的投機散戶,712下跌時不會很sharp,而是陰d陰d,令人憧景只是上下調整,我當時有一半是因為這個原故才繼續持貨,另一半我相信712是一隻優質大陽能股。所以當心第三季報告,在我們看可能很好,在他們看可能又是"不及預期",再者第三季業績可能會受到多晶硅成本上漲影響,若十月十二日見712高位回落$0.2,可先走一轉,但若然趕不及,就等十二.五國策報告好了,我相信擁有高轉能率的單晶硅片會是勝利者,那張汰弱留強的戰幔正在太陽能板塊上緩緩展開。

    • desmondctt 說道:

      我以前買股, 會越跌越買, 到最後發現, 越溝越淡, 之後不斷捱價, 感覺真係唔好受, 雖然到最後股價重上水面, 不過如果我無加注, 反而等佢回升先再追, 我可能賺到更多, 或者至少我心理上會好過些

      我依家心態慢慢改變, 溝上唔溝落, 一隻股真正展現強勁升浪, 係越溝越貴, 兼且係升到數以倍計, 除非果隻係巨型藍籌, 2010年我地親眼見證不斷有板塊一個跟一個咁炒, 家電, 汽車, 藥股, 本地零售, 是但食中其中一個都賺到笑, 但查實有幾多個係可以膁到? 用成個組合一兩成咁買, 升左一倍都係10-20%回報, 但今次我係近乎all-in, 佢升2成我就執差唔多2成, 我希望新能源係下一個向上重估既板塊, 睇下十二五有無機會啦, 不過我個人就只係有小小期望, 唔多

      太陽能係週期性行業, 波動好大, 我自己覺得就算長線看好, 面對轉壞既走勢都要減持, 甚至全身而退

      • Sing 說道:

        經過一年的折騰,我也覺得就算長線看好, 面對轉壞既走勢都要減持,食咗糊先,若繼續升,看清形勢後返頭再買,至多賺少一點。

      • desmondctt 說道:

        無錯呀, 太陽能係週期性行業, 既然有週期可必一定要死渣到尾, 倒不如搵位落車, 一年半載後又玩過, 再食多幾個浪仲好, 而且如果無強大而穩定既現金流, 無謂要令自己為持貨擔心

    • Gary 說道:

      其實我都覺得溝落好大風險, 因為唔知佢會跌到幾時, 又要捱價, 反而我就比較喜歡真係因為業績而支持到股價升至會溝, 因為起碼有保証.

      另外, 比少少資料各位支持者, 岩岩系港交所搵 712 權益披露, 發覺大戶持股量又增加左, 比幾日前多左 5%, 我記得歐洲危機時只有 2x% 到, 呢幾個月都不斷增加緊.

      中央結算系統持股紀錄查詢服務

      持股日期: 08/10/2010

      股份代號: 00712 股份名稱: 卡姆丹克太陽能

      參與者編號: 所有 參與者名稱: 所有

      市場中介者的持股量/參與者數目 (已發行股本/認股權證的百份比):
      不願意披露的投資者戶口持有人的持股量/參與者數目 (已發行股本/認股權證的百份比):

      中央結算系統參與者總持股量/參與者總數 (已發行股本/認股權證的百份比):
      已發行股份/認股權證(最近更新數目):
      649,925,203 / 197 (57.42%)
      918,000 / 10 (0.08%)

      650,843,203 / 207 (57.50%)
      1,131,738,000

      • desmondctt 說道:

        有超過一成既股票係morgan stanley旗下既戶口, 雖然我地都知咁唔代表係大摩hold住1成貨, 不過如果用呢個方法search D股票, 多數排第一位既係匯豐

        gary兄, 你有無留意你之前check果陣, 大摩既戶口hold住幾多貨?

      • Gary 說道:

        幾個月前真係唔多, 每一個獨立甘睇就無咩留意, 但印象中果時大摩無持過貨, 德意志果 d 都無, d 外國大行係呢一至一個半月1開始有

      • desmondctt 說道:

        我總覺得有大摩同德銀出現係頭兩位係「有尐野」

        即管睇下遲尐呢2間大行會唔會發表有關712既評級

      • Gary 說道:

        係喎, 仲有今日見到呢兩間野持股量係頭兩位, 上星期仲係 hsbc, 呢兩間仲係第五名之後.

  4. Gary 說道:

    搵到 d 好有趣的野, 唔知係咪 show 每一間大行買貨情況

    http://www.webb-site.com/ccass/choldings.asp?d=2010-10-11&hide=&sort=holddn&issue=5458

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s