first time being blacklisted, but i am quite happy for this

事緣係我在 http://hk.myblog.yahoo.com/ckm001/article?mid=41122 留了一個言, 讓我在此引述了我留了甚麼言, 免得他連我的留言也刪除了

  • fatlone 2010-10-07 00:22

    我屋企人最重倉就係國壽, 我屋企人三十蚊邊都有溝, 溝極都要個成本都接近三十蚊, 渣足三年, 升值連果兩厘幾既股息加埋年度化左既回報都唔夠7%, 我自己個人呢三年, 年度化回報係遠高於30%, 我只不過係長渣一尐三線股, 再重倉出擊, 之後就係咁升, 我自己TA同FA都有運用, 反觀屋企人個倉真係跑輸晒, 至少比起我係跑輸晒, 輸足三年. 點解你仲叫其他人咁信呢隻股?

    我認為依家so call高追你倉內另一隻股soho中國, 好過再死守國壽, 國壽2010年既極限係40蚊, 而國壽呢個規模既保險股, 成長速度係無可能大幅超過中國經濟增長, 33蚊既國壽係九千三百幾億市值, 佢仲有乜野幻想空間可以去到3倍5倍甚至係10倍股? 中移動既神話已經係07年正式證實終結, 如果你話A股仲有大把增長空間而國壽亦都大把水位去升, 咁倒不如直接買A50

    閣下組合中的瑞房(272)、阿里巴巴(1688)、SOHO中國(410)、中移(941)、復星(656)與中國動向(3818), 除左soho中國之外, 無一隻係有好回報, 我只係計呢排恒指牛氣沖天既時候, 如果由年頭至今起計, 呢幾隻股既表現更加令人失望

    「我 最失敗係持有尚德太陽能(STP)這間公司,現在全球經濟低迷,油價企於七十幾蚊一桶,太陽能發電相對昂貴,尚德的太陽能設備銷售產能過剩,未來盈利增長 存疑,STP想有運行,除非能源價格大升,我就當揸一隻價外能源認購期權。」 第二D股我唔敢講, 太陽能股我自問叫做有研究下, 你買中左隻死股STP唔代表成個sector唔掂, 你地可以click下呢條Link(http://www.google.com.hk /finance?q=NYSE:LDK,HKG:0712,NYSE:SOL,NASDAQ:FSLR,NYSE:STP,NASDAQ:SOLF,NASDAQ:JASO,NASDAQ:SPWRA,INDEXHANGSENG:.HSI), 就知道呢個sector近三個月既表現如何, 表現係十分之好, STP係最差果三兩隻咁解, 太陽能板塊係2010係非常之掂, 如果你繼續看好太陽能, 你見STP唔得, 應該睇返成個sector有邊間係做得好再換馬

    我真係好想知道閣下如果將公開與未公開既組合一齊計埋, 會有幾多回報


     

    CKM0012010-10-07 09:22

    你一生人得三年命?

    中人壽我由5個幾揸上來

    平保我由13個幾一路買

    我個倉由05年起計大大跑贏大市

    今年跑輸又如何?

    未來5年又會再跑贏

    明白無?

    傻仔!!!

  • 這就是我最後一個在ckm001的留言

    被此人黑名單的多不勝數, 我成為其一, 是因為我去挑戰他, 包括他的愛股中國人壽

    我看見他的留言, 就像一些講不過人的人一樣, 他還blacklist了我, 好了, 更加證明他怕了我, 這豈不是更加證明了我是對的麼?

    在上述的連結, 他還提到太陽能股, 這是我的強項(只是相對的強, 而不是真的強…我還在學習階段, 要各位多多指教)

    我甚麼都不用說, 用圖表說明一切, 那張圖我已經在(太陽能板塊的一些觀察)貼過, 買了STP就說太陽能不濟, 那麼多好股偏偏選中一隻最弱, 這還未算, 還要不止蝕, 不認錯, 不換馬, 他自招的, 我承認是很黑心的

    即使如他所說太陽能是不濟, 那我真不明白為何我們能在卡姆丹克賺錢, 難道我們特別聰明, 特別有眼光? 我認為我和其他讀者, 雖然只是十分十分少數, 只是在認真研究股票, 研究一些別人覺得空有概念的股. 太陽能的確還需要補貼才能生存, 但這些公司確實有營業額, 有盈利, 有工廠, 有研發團隊, 憑甚麼說太陽能, 甚至新能源是空想? 成本還在不斷降低呢

    我不敢說卡姆丹克會一直跑下去, 變成一隻五倍或十倍股, 但卡姆丹克的成績有目共睹, 容許我吹捧自己一次, 我由7月頭發了太陽能行業研究, 得出的結論是審慎看好, 到7月中左右確實買入了卡姆丹克, 而就此股我打了一篇個股研究, 入面提及的劇本雖不全中但都不失禮吧, 現在只剩第四點的挑戰2.95歷史高位, 我個人是以半年作目標的, 我真的想不到可能三、四個月就達標, 在這段時間我也做錯過, 但我更正自己的想法, 再加大自己的部位, 我寫此博學了很多東西, 也意外的吸引了一些同路人

    若有道理的, 我真的不會blacklist任何人, 我隨時願意接受賜教, 我恨不得有多些人提點我, 我相信真理會越辯越明

    廣告
    本篇發表於 Uncategorized 並標籤為 。將永久鏈結加入書籤。

    7 Responses to first time being blacklisted, but i am quite happy for this

    1. Gary 說道:

      果個人應該都係蠻不講理.

      我都入過兩隻太陽能股, 3800 同 750, 3800 開頭入係因為自己岩岩開始玩股, 人買我買心態, 結果蝕, 750 就因為見到跌穿 $3 而入, 呢隻 earn, 之後覺得其實太陽能應該有得做, 始終石油僅有一天會用完, 就開始不斷搵料, 當然只針對香港上市果 d, 果時得出一個結論, 香港上市的太陽能股最好就係 712, 750 唔係唔好, 但因為佢用的係 thin film, 同埋做的係光伏外牆一体化, 光伏的工程只佔佢生意一小部份, 記得少過 10%, 同埋 thin film 發展空間有限, 就算有國策支持, 人地都唔會買佢的產品做 solar battery/plant, 原因 sing 兄都有提到, 所以就揀左 712 做長線.

      我諗果個人其實都係無咩做 research, 我唔敢講佢死好彩, 始終人地真係 earn 到錢, 只不過自己玩股唔係好耐, 唔識得系金融風暴後即時執平貨.

      所以我覺得要對某一個行業有憧憬, 首先要對果行做 research, 睇下邊一間的產品係獨特, 再而睇佢份財政報告, 睇下有無負債, 金融風暴後蝕幾多, 個主席有無發展大計等等, 甘樣我先會繼續做佢 fans.

      • desmondctt 說道:

        你講開3800, 我上fb有人話矽原料供應緊張, 日本三菱關廠唔做, 另一日本廠OTC就唔賣solar grade齋賣半導體, 太陽能行業都幾煩, 所以3800走勢都要停停, 你點睇?

        • Gary 說道:

          3800, 我對佢印象麻麻, 因為 07 年佢業績係蝕錢, 但果時全球經濟係最好, 多晶硅又炒到 200 美金一噸, 可而知佢管理唔係好得.

        • desmondctt 說道:

          最高峰有印象是超過400美元/kg, 3800這些國有企業, 有的是錢, 成本控制應不及民企的卡姆丹克

    2. Sing 說道:

      何需動氣呢?其實人到了某個年紀,總會累積一些經驗,經驗告訴他們為何好、何為不好,而他們就會以過往的經驗為人處事,這也無不好,但世事變幻莫測,尤其在金融市場,經驗只可作為參考,如果不多作工夫,多作分析和思考,更多的經驗和業績都是得個講字,腦筋會越來越不靈活,若干年後,或許我們也是這樣,所以要盡量令自己的腦袋不停轉動。至於那個陳家明(化名),就由他將全世界的人blacklist吧,或許他正在想著當年的風光,我們何必將他弄醒?至於其他網友,若看了家明的網誌就買,不加思索,活該?

      • desmondctt 說道:

        黃國英先生曾在其專欄引述過: 索羅斯:「我優越之處,在於認錯……這是我成功之秘。」(Where I do think I excel is in recognizing my mistakes…that is the secret to my success)

        我真的不想我他朝老了, 就自恃經驗比後輩多便否定他們

        有這麼的一班忠實讀者, 這一定程度的解釋了為甚麼股海中為何只得少數人贏錢, 贏大錢的更是少數中的少數, 但往往這些人是贏了市場中大部份的錢

    3. 引用通告: 2010 in review | fatlone's investment paradise

    發表迴響

    在下方填入你的資料或按右方圖示以社群網站登入:

    WordPress.com Logo

    您的留言將使用 WordPress.com 帳號。 登出 / 變更 )

    Twitter picture

    您的留言將使用 Twitter 帳號。 登出 / 變更 )

    Facebook照片

    您的留言將使用 Facebook 帳號。 登出 / 變更 )

    Google+ photo

    您的留言將使用 Google+ 帳號。 登出 / 變更 )

    連結到 %s