由風能到太陽能 之 一口氣講晒尐風電股…

呢篇用返廣府話打啦, 懶…

其實我以前都有試過開個講股既blog, 但搞搞下用左做archive為主, 自己既野越寫越少

呢個荒廢左既blog主要係收集中國航天萬源(HKSE:1185)既訊息, 之後就無做過blog過野喇

研究卡姆丹克之前, 我係埋手航天萬源, 買左就好似黃國英話齋, 「升到抽爆機」, 幾個星期就升左超過五成

話雖如此, 直至依家, 我仲未係呢隻股實質賺過一分一毫, 因為我唔識落車

暴炒後缺乏基本因素支持當然就係跌返落黎, 唯一托賴既係依家呢個價位仲未要損手, 但已經失去左好多機會成本, 直至依家佢都未有勢再向上

研究航天萬源係因為相信新能源有得發圍, 最初我都係抱住半信半疑既態度對待, 因為一埋手研究落去, 就知道新能源無左政府補貼就會收皮

一開始揀風電係因為風電係新能源入面做到一個最貼近火電電價既發電方式, 本地上市既風電股屈指可數, 最大隻叫做龍源電力(HKSE:916), 佢上市之前已經買左萬源, 加上已有blogger分析佢上市價係好貴, 我無左條link quote唔返, 依家turn out佢係正確.

另一隻多人識尐既係中國風電(HKSE:182), 我有試過研究, 佢係一間變身股, 對呢尐股都無乜好感, 咁我再睇下佢股本咁大, 已經唔開胃, 再加上我發現佢有尐可換股債券(CB), 換股數量多達十幾二十億股, 係google上面search「中國風電 CB」發現到呢條link 大股東換左17億幾股. 嘩, 會唔會兒戲左尐?  再click多兩野發現有人同我有同一個疑惑, 1.68億就換17億股, 呢間公司我認為有股惑, 話之佢蔡東豪做非執董、增長好勁咁又點, 依家股價$0.88個市值都65億幾, 六十幾億股股本實在太大, 好有戒心, 我擺明係長線唔看好, 如果佢他朝跑出, 咁係我睇錯, 就算佢跑出, 但我曾經埋頭研究過既萬源比佢更勁, 咁就當我贏 😛

咁風電股都無乜邊幾間, 仲有隻中國電力新能源(HKSE:735), 我個人無研究過, 只知佢後台好勁, 係中國電力(HKSE:2380)同一間母公司, 個人唔鍾意發電股, 資本開支大, 加上售電價格受國家操控, 可以有乜爆發力? 除左佢變左做一隻turnaround股… 發電行業我諗唔到有乜長遠高增長概念, 要高增長只有2條路, 一係暴利(或叫做毛利率高), 二係產能急速擴張, 電價受限已經不能暴利, 煤價要加果陣電廠即時收皮; 產能擴張需時, 起電廠開支好大, 工時都唔短, 但起一個半個電廠對整體產能唔會有好大提升, 加上耗電量係睇下整體國家發展速度, 唔係你話加就加, 電力股留返畀人玩

再講下我研究過既航天萬源

揀佢係因為佢細隻過其他同業, 佢都係變身股, 但佢係國企, 奸極都有個極度

風電股都係睇技術, 我認為萬源搞既直驅風機係較其他技術高班, 我覺得係有得做, 問題係相對其他大廠, 萬源真係太細, 其實風險好高, 因為國家既目標係將風電行業咁多間廠集中做幾間大既, 萬源既規模只係十名左右, 排名前三既大廠已經佔去7成, 萬源真係唔係咁好, 不過既然洗濕左個頭, 就賭落去. 仲有乜野支持去賭落去? 係睇佢後台做唔做野, 買萬源好大程度係買佢後台: 中國火箭院. 即係長征N號果間, 佢旗下風電業務注入左去萬源

航天萬源潛在既突破因素, 我依家只諗到有4個, 一係有新風機研發成功, 二係有新風電項目上馬, 三係擴產, 四係國策激勵

我自己會覺得第一點最重要, 不過我諗講刺激力度第一點反而係最低. 我覺得第一點最重要係我堅信新能源去到最尾鬥既係技術, 風機發電效率要好, 維護成本要低, 呢D全部要技術解決, 好野自然就賣得貴, 因為initial cost貴但長遠平就夠, 仲要你產品越好, 越多人要, 風電項目就接住交畀你, 國家見你搞既風機質素好, 佢實會幫你, 因為中國本身都想培植真係有料到既廠; 擴產只係資金問題, 我好願意加碼, 只要你畀到投資者你係有前景, 而且資金主要係用落擴產入面就可以, 可惜自上次配完股就無聲氣, 又係果隻炒一輪之後配股果D, 唉… 萬源你幾時又配股呀, hahaha…

如果無消息, 航天萬源都應該係現價位橫行一排, 又或者依家市況牛氣朝天會炒下呢尐三線股都未定, 金風科技(HKSE:2208)上市可能又會有一輪刺激, 我依家都係賭呢點…

就係因為萬源吽左咁耐, 而同時我又堅持看好新能源, 促使我去搵下其他行業研究…

(下篇在)

廣告
本篇發表於 風能, 新能源 並標籤為 , , , , , 。將永久鏈結加入書籤。

2 Responses to 由風能到太陽能 之 一口氣講晒尐風電股…

  1. Sing 說道:

    In my view, I prefer to invest money in solar energy more than in wind energy in the long run (say 5-10 years, but 2-3 years is ok). Solar power plant is easiler to be managed and maintained, but wind power plant is not. Windmill involves many mechanical parts and the parts are easy to fatigue after moving a long period of time. Also, most windmill are installed on hills or near seashores. Wind and salted environment will cause metal erosion and corrosion. It is an inherent problem of windmill. The working condition of windmills in the same wind field and serving time is similar so the maintenance cost is very high in a particular timing. It is not only the parts cost, but also manpower is a big concern. The plant needs to hold a number of maintenance worker. It is also money. Therefore, the gross profit is good in present time, but we do not know when the maintenance cost suddenly rises.

  2. 引用通告: 由風能到太陽能 之 一注獨贏卡姆丹克 | fatlone's investment paradise

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s