新能源 (1)

我偏愛新能源, 我相信呢個係未來, 重點係國家大力推動, 而其他國家包括美國亦都搞緊呢樣野, 石化能源始終有耗盡既一日, 無得唔發展, 問題係邊個先係新能源呢個行業既最大受益者

我相信, 每個板塊都有重估既機會, 先前有醫藥股, 有留意開股票既都知道好多隻都有好可觀既升幅, 比較多人提及既係中國生物製藥(1177)同埋羅欣藥業(8058), 後者傳聞會由創業板(8字頭number既ticker係屬於創業板)轉去主板, 因為盈利同成交量都明顯改善

呢兩隻股票, 經過呢一年升左2,3倍, 相信如果純屬炒作, 應該唔會炒足一年, 到左依家大市處於弱勢, 醫藥股表現依然硬淨

其實年前新能源都有利好政策推出過, 亦都炒過一輪, 但最終都唔可以好似醫藥股咁由之前尐人唔信唔信覺得係得個炒字, 到依家後知後覺先知原來價值已經重估, 升到無影. 原因係新能源股份並未好似醫藥股咁, 係業績上反映到國策利好既效應, 好多藥股確實有好好睇既業績, 反觀新能源, 唔多覺邊隻勁, 以一年計核電概念股銀建國際(171)表現比較好, 但如果近半年入手既都應該蝕唔少

以我既認知, 除左石化能源如煤, 石油, 天然氣等等, 都算係新能源. 最多人知既太陽能, 風能, 核能都算. 仲有尐好少用既地熱發電(有隻叫中國地能(8128)似係同呢個有關, 但暫時睇黎呢間公司都只限於得個名), 垃圾發電, 潮汐發電等等…

其實所謂既新能源都唔係好新, 核能風能呢尐野全部都有幾十年歷史, 不過可能尐人畀個覺得佢「新」係因為相對於石化能源既應用歷史, 佢地算係新

關於新能源政策, 呢條link實在係一個好好既總結, 每日都會有新事, 如果要回顧過去, 我呢尐無記性既人真係唔記得咁多, 多尐呢類記錄就好了

http://www.etnet.com.hk/www/tc/stocks/realtime/quote_news_detail.php?section=research&code=3800&newsid=ETN200308210

廣告
本篇發表於 新能源 並標籤為 , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s