估估下

今日(10年5月25日)恒指又跌6百幾點, 萬九點都穿埋 (恒生指數    18,985.50   -682.26  (-3.47%))

二三線股又畀人洗多鑊, 我係其中一個受害者

已經跌到無乜感覺

要斬既琴日已經要斬

點算好?

我認為跌得咁急, 好大機會係會有個「報復式」反彈跟尾, 無可能日日都黎個股災式下跌

如果同以往一樣, 先由三四線股洗起, 洗到大藍籌先至會停, 連防守性高既股份都下跌, 跌勢應會轉趨緩和

我斷估無痛苦既預測係:

洗完會反彈, 之後又再陰陰跌落去, 遂個支持位咁試, 跌唔到落去就係一個區間橫行, 做左幾個底之後再升穿呢個區間, 牛市重新確認, 又再升過. 如果呢個過程中間有特大利好消息就提早結束跌浪, 牛市重臨

同好多人一樣, 現時都睇唔到海嘯價會再現, 恒指唔會再見11000點

而我自己以恒指週息率黎睇, 如果相信大趨勢仍然係牛市, 恒指多數調整至差不多週息率3.5%就會見底, 對應返現時恒指大約係18000點, 可能會有多次試底既機會, 但總的來說都係以3.5%呢個位就會反彈, 最差都不會去到4%, 即15750左右

如果睇長線少少, 個人睇若見18000左右呢個係一個好好既入市時機, 而終極底部就是15750

大前提係你仲相信係牛市, 我呢一刻仲信緊

好多人都話之前由11000升上去23000呢一段係「人造牛」, 大部份係由資金推動, 資金主要來自因美國救市既量化寬鬆(QE), 製造大量流動性無端端市場上突然多左超多錢, 配合超低息環境焗尐資金去炒賣, 催生左呢隻人造牛.

08年美國金融風暴最後要美聯儲迫住要出大絕QE化解危機, 市隔年幾歐洲又爆鑊, 乜乜歐豬五國面臨破產危機, 希臘第一個爆, 但市場最驚係西班牙都爆埋因為西班牙係歐元區第三大經濟體, 爆不得. 如果歷史會重演, 歐央行又係焗住出大絕QE, 之後既劇本就可能好似呢個blogger咁講(http://makblogg.wordpress.com/2010/05/14/%e9%bb%83%e9%87%91%e6%ad%90%e7%be%85%e8%83%a1%e4%ba%82%e5%90%b9/)

基於08年果陣講到之後點衰點慘都好, 結果係09年升到你唔信
咁既話今年既調整(係, 我呢D好友會視呢個叫調整), 會唔會係準備食下一個浪既好機會?
上面個篇blog話原歐豬債既人可能會將套出黎既歐元買入自己國家既資產如股票物業或黃金, 十分正路
歐元區要行緊縮政策, 慳錢填"乙水", 前景暗淡, 照推斷唔會歐元資產就會買其他地方既野, 假設有部份資金流入港股既話, 呢隻QE就為日後既升浪埋下伏線

實體經濟唔樂觀, 但我偏向相信資金力量係大於實體經濟影響, 咁長期黎講就當然係睇返實體, 不過一年半載係應該可以純用資金谷起個市, 用QE呢把雙利刃只為換取時間, 行緊縮政策減債為日後復甦鋪路

因為印左咁多錢, 大家都好怕會有通漲, 甚至滯漲 (http://baike.baidu.com/view/393526.htm)

係條link入面, 最後果段講過要解決滯漲最好用財政政策, 以加大政府開支或減稅黎刺激增長, 但如今歐洲既情況係剛好兩樣都唔做得, 政府要大削開支仲要加稅, 再加埋QE引發通漲, 唔知係咪會大檸樂呢?

呢度(http://www.881903.com/blog/front/blogdetail.aspx?postid=14130&blogid=131&source=tbar)睇到陸東話恒指合理值在27500, 而佢話去到23000會有個較深既調整, 2010年前半年波幅約18000至22000, 整體會係先低後低格局. 如果陸東又中多次, 差不多見底了, 我自己都睇18000係底

因為我地要之後先知個底係乜, 所以無可能預測到. 但18000我覺得係"抵"

環球經濟依然危機四伏, 全世界都唔好, 中國可唔可以decoupling保持增長? 記得有個Blogger講過, 意思大概係話一個國家既國勢係向上, 就算世界其他地方係衰緊, 都阻止唔到佢向上既勢頭, 例子係80年代既日本, 呢個時代可謂日本既黃金時代, 即使87年環球股市暴跌, 日股相應調整後繼續升升到1990年年頭.

中國增長既故事仲未完結, 每一次調整都係入貨既機會, 當然, 要短炒既無需要睇咁多大趨勢.

跌到咁, 點面對? 我只係好膚淺咁分享下, 如果拋磚引到舊玉就最好, 等我學下野

如果手上無錢亦無貨, 跌到幾多點都唔關事, 都可以留意, 因為無錢可以儲, 如果可以了解一下個勢, 就算唔可以趁低吸納, 都應該一路keep住儲錢嘗試捕捉上升浪, 細有細玩

如果手上已經有貨, 之前無沽已經跌到仆街, 好似我咁, 就應該重新審視一下手上持股值唔值得守落去, 如果基本面早已經變壞, 行業前景唔明朗, 就應該定下止蝕位沽出或換馬至前景較好既股份.

如果手上有大藍籌, 我自己會將佢地換至二三線股份, 如果一隻前景未受影響既二三線股都出現急跌, 理應日後反彈既力度會比藍籌為大. 又或者細心發掘一尐二三線股, 趁大跌時換入呢類股份, 雖然可能仲會畀人洗多幾隻唔見多截, 如果信心足夠我係唔介意捱價, 好過渣住隻九成唔會大升既大藍籌, 對於我呢個廿幾歲既後生仔長渣一線股無意思, 既然長渣, 點解唔渣尐風險雖高但潛力大好多既股仔

有好多人跟蹤既股份都係尐大價股, 中資金融股, 對我黎講係好事, 因為咁多人去跟一定有好多比我勁n倍既高手, 我睇佢地點講就好了, 唔需要分析埋一份, 應該慳返尐時間去研究一尐少人睇開既股, 除非我做左財演, 要乜股都吹得一餐 (係, 佢地只係得個吹字, 講到似層層, 唔使咁上心)

所以, 我依家睇開既大部份係D二三線股, 可能無錢玩一線股, 焗玩股仔(不過有時D股仔一手幾千股隨時過萬銀一手架)

吹住咁多先 (我知已經好長氣…)

以後都唔會在facebook用notes打呢尐野, 有興趣先入黎睇啦:)

廣告
本篇發表於 Investment 並標籤為 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s