雋泰控股 (630),賣殻/轉莊?

前言:如果唔係公司同事兼好炒得的「姐姐」提醒我WHATSAPP我主要股東兼執董梁美嫺賣晒14.23%股權,我唔會重新留意兼即日買返630,如果贏到錢,真係要請佢食餐好。

其實之前都炒過,諗住2014年10月31日每股0.118配過股,我在呢個位咁上下都應該有尐「安全邊際」,結果是插到落0.082先停,配股價再插多3成,渣到今日(1月26日)先返配股價啊⋯⋯

其實出完執董賣股消息後股價急升,我諗大家都係同一個諗法:「易手」/「賣殻」。

令我更相信佢是賣,是因為佢在無耐嘅兩星期前,公司發盈警之餘更公佈「終止經營塑膠模具業務」。公告提到「//誠如本公司截至二零一三年十二月三十一日止年度之年報及截至二零一四年六 月三十日止六個月之中期報告所披露,塑膠模具業務所產生之收益分別佔本集 團截至二零一三年十二月三十一日止年度及截至二零一四年六月三十日止六個 月之總收益約72.3%及76.1%。//」佔7成幾營業額嘅業務都唔要,正常推論都是要「淨身」準備要搞下嘢吧?配合埋主要股東賣股,好難唔估佢是易手。

睇到唔做主要業務,我聯想起周顯佢2014年8月寫過630嘅一篇文,我相信呢一著是按佢所講咁行(所以我擔心緊周大師會出嚟唱好,唔好搞630住先啦周大師⋯⋯)。篇嘢提到「//如果由我操刀,去當公司醫生的話,我會把工廠廉價賣掉,甚至以免費贈送方方給別人,也不介意,反正虧本的生意,一毛錢也不值,但必須保留銷售隊伍,代售貨品以賺取差價,目的是繼續維持業務和上市地位。這樣子,最少可以保全殼價,令到上市公司的市值提升,就是配股,每股配售價也可以拉高一點。//」依家做緊相似嘅嘢啊,唔做膠之後嘅人力資源業務都其實都是好虛無嘅嘢,至少唔使整幾億去買廠買地好花本錢先搞到嘅嘢。

再睇返遠一點,其實在2014年6月都話要買醫療業務,都有報紙佬吹過,聽咗跟入就又中伏鳥,後尾告吹埋2014年3月尾集咗嗰4千萬又唔使用了。

簡單講,過去呢一年左右,就是抽咗兩次水,話買嘢又無買,之後在財年完結前CUT埋主業,最後就是主要股東賣股走人。

所以,易手是合理估計。

咁有易手潛力又不等於要大炒嘅,咁呢個股市無嘢是「一定」架啦⋯⋯

其實股價都非常低殘,連0.1都穿過,最後嘅配股價都成0.118啊。其實我覺得0.1呢尐位係好特別嘅位,點解特別?我都無乜好strong嘅ground,只係見到多數供股都是用0.1去供,咁我估0.1是一個可以被市場視為底嘅特殊價位吧,股票估票,都是估架姐⋯⋯

仲有一點好重要:市值。630以今日0.117收市價計,市值只是1.79億,是好細隻。而經過近年被各傳媒嘅教育,大家都會聽過「殻價」呢個terms,依家好似吹到是5億。而就算大股東葉偉倫,換晒尐期權,都是印多6億股,以現時15.32億股本計,印埋都是市值2.5億左右。

如果我要用財演TONE去寫,只要用1.79億市值再提埋殻價5億再講加埋執董賣股+結束主業,已經足夠寫篇稿去唱好一下,HAHA,我都有些潛質做財演吧~

最後,再請周大師唔好咁快出嚟住⋯⋯

提外話:
其實我都有睇返尐「正經」尐嘅股嘅⋯⋯有心機再上嚟寫下吧,但越正經好似越難COVER晒。我嘅心水暫時有135昆侖能源

張貼在 fatlone's view, 個股研究 | 標記 | 2 則迴響

日成控股 (3708) IPO

日成控股 (3708) IPO令我注目的是其保薦人「天財資本」(真是個好名)(利申:我落咗飛抽日成)

因為天財的保薦人往績超級厲害

TC Capital_IPO-past record

這三隻股票都是異常地數以倍計地升,共通點是3隻都是創業板+全配售。簡單來說就是「圍晒飛」自己人玩晒,任佢開。

而其中冠輝保安 (8315) 及 JC GROUP (8326) 都是阿仕特朗和東方滙財有份包銷,樂亞 (8195) 則由富泰中順包銷,睇嚟阿仕特朗和東方滙財有呢2間參與嘅都要望一望。

side track咗,入返正題。

係天財資本嘅異常強勁嘅往績下,吸引到我留意日成控股,而再發掘落去,越覺得有「景轟」,

(再題外話,好煩,我知:而呢篇嘢我是要畀返個credit RF嘅fishlove兄(雪球上佢叫michael tsang),我是從佢寫新利控股 (1240) 篇文啟發到我發現3708有尐異樣,如果畀心機在RF打滾都可以吸收到相關經驗練成睇到佢嘅異常之處,但有fishlove 1240嘅文,就簡單易明得多。

先旨聲明,我呢個credit是畀在啟發到我去睇佢點解異常,而不是因為(覺得)隻股會升,佢上市/之後表現如何唔關事,想講清楚尐。3708是賭大細,爆上同爆落都唔出奇。差尐漏咗,有好多啟發都是來自湯兄在RF的3708討論串得到,基本上呢篇所謂分析,湯兄已經講咗好多,我只係再用自己嘅文字整理下)

3708 日成控股IPO 有乜咁異常?

1. 保薦人/包銷商
天財資本上面都提過佢往績根本是不正常地強,用佢做保薦人去上,好難唔相信會有怪事發生。而今次包銷是金利豐「金仔」,有金仔唔代表一定有嘢,但是好多大茶飯都是有金仔份。

2. 集資時間
好正路咁諗,集資梗係越多人抽越好,目的是確保足額順利抽水,日成就相反,臨近年尾例牌淡季上(加上細股呢期堅弱,尐人去晒炒大股),招股期仲要撞到1月1日新年,再少多一日,懷疑是刻意「低調」,唔想人玩

3. 集資額
集資淨額只有51.4百萬,而更重要嘅係,RF入面都有提到,上市前勁派息:「於二零一四年十二月一日,本 公司向其唯一股東宣派股息約 87 百萬港元,將以本集團內部資源支付,其中約 80 百 萬港元於二零一四年十二月支付及餘額約 7 百萬港元將在上市前支付。」(招股書第14頁)

集5千萬之前派8千幾萬走,顯然唔係等錢使。

4. 貨源分配
今次IPO至少有一半是配售(順帶一提,配售當中有一半是舊股,估計是想套下現),而「配售股份將有選擇地配售予若干專業及機構投資者以及其他投資者」(招股書第306頁),即係可以揀配畀邊個,OK,配畀「人頭」會是合理懷疑吧?

仲有,上市後大股東是渣盡75%股權(這是上限了),25%公開發售「至少」有一半是可以配畀指定嘅人,即是呢度加埋是至少82.5%。

再者,今次公開發售是玩甲、乙組,甲組即是我呢尐老散抽嘅,乙組即是頂頭鎚落夠半數公開發售股數(即2797萬除二,約1400萬股)嗰班大戶,重點是,「為進行分配,根據公開發售可供認購的公開發售股份總數將初步平均分為以下兩組:」(招股書第305頁)睇到嗎?是平均。呢尐奇怪嘅股票,都落咁大注上乙組,會係普通人?即是普通街外人抽得嘅,好可能只係當中嘅一半,如果唔計超額回撥,公開發售只佔2.5%,一半,即是1.25%。

提到超額回撥,呢一點其實好重要,如果超額到某個程度,公開發售就會撥多尐,第一個threashold就是15至少於50倍,由2797萬股增至8391萬股,即是說,如果唔超額15倍,就只會得2797萬股,即是2.5%畀你班老散認購,不過就算去到接近50倍,都只會有7.5%派街。呢隻咁淡唔會有50倍的

睇返之前第2點,呢個IPO估計是刻意「低調」,即是超額數估計是刻意壓低,意味䧏低派貨到街外嘅數目。

所以,呢隻股是好乾,82.5%股權未有招股結果前已數得到,最乾嘅情況下,是除了嗰2.5%之外,其餘97.5%是有機會盡在所謂人頭同大股東手上,仲有,嗰2.5%是有一半是分給乙組,而乙組又安排了人頭的話,OK,最極端情況下是98.75%盡歸人頭+大股東手上,如果之後SFC出權股高度集中,都有可能的。

5. 老闆有炒股經驗
呢嗰又是RF度睇返嚟,老闆曾經炒607,當時仍叫匯多利,炒到畀人告,相信老闆都是炒股人,一個炒股人,自己有隻間上市公司話事,佢有尐「ambition」去搵尐搞作,會否搞大茶飯?

6. 賣殻
有人估賣殻,應該是合理懷疑,不過我唔識賣殻嘅嘢,我都想有人分享一下,不過,講到賣殻,今次唔用返阿仕特朗和東方滙財而用金仔,我相信金仔的人脈是比前兩者更強,能夠REACH到更多殻買家。

7. 總結
從刻意低調,唔想人抽,加上運用機制如配售條款等,令貨源有咁乾得咁乾,「圍飛」是合理推算,咁既然係咁,有機會是有人要「圍飛作歹」吧⋯⋯

老實講,我落飛抽,都是賭一鋪,極乾嘅股票是乜都有可能發生,爆上爆落都得,同埋呢隻不是在創板+全配售上,往績未必有太大可比性,我都唔知賭得啱唔啱,希望首日升返尐畀我賺下。

同日成IPO完全無關嘅吹水部份:
好耐唔打文,一打就打呢尐,轉晒風格。

咁就超過一年無係度吹過水,唔知舊網友仲記唔記得呢度?

2015新一年,要爭氣

張貼在 fatlone's view, 個股研究 | 標記 | 7 則迴響

[Repost] 4 Reasons Tonix (TNXP) Could Be A Multi-Bagger

I encountered an interesting article about Tonix Pharmaceuticals (TNXP) from Seeking Alpha. It is astonishing and comprehensive. I just want to share (which I believe) the most sexy point here. (It’s highly recommended to read the whole article instead of just reading my sharing only.)

One should bare in mind that buying TNXP is just like “buying a dream". TNXP is a biotech company and their products are still in development stage. The latest development is, according to the article, “In September, Tonix announced that it had begun enrolling the Phase 2b BESTFIT trial, the first of two essentially identical pivotal studies needed for FDA approval in FM." and “Tonix expects to announce the results of the study in October."

Passing this Phase 2b BESTFIT trial doesn’t mean it can go to market directly and secure a great success, but it is an important procedure before it can go commercial. The author shared a story of the MAP Pharmaceuticals buyout by Allergan Inc (AGN).

After MAP ran its second to last pivotal trial (equivalent to Tonix’s BESTFIT 2b trial running now) they agreed to a development and licensing deal with Allergan that included a $60 million upfront payment and $97 million in milestones. MAP’s stock surged to a $500 million on the news.

After the final trial was run, and months before the FDA ruled on Levadex, Allergan bought out MAP completely, for $958 million."

Based on the author’s estimation, TNXP future product TNX-102 SL could have 2 times the MAP Pharmaceuticals for TNX-102 SL could have the projected revenue doubled of MAP’s one.

Unlike many other articles which also writing for “dreams", this article clearly points out the timeframe. It’s always too easy to talk about mega trend and saying how that stock is benefited but seldom mentions the trigger point.

TNXP is a very very small cap U.S. stock, just about ~40Mil USD. This stock is really small enough to dream big.

(Disclosure: I am long TNXP)

 

張貼在 | 標記 , | 2 則迴響

真係做咗勇者…

Alcatel-Lucent (ALU)高追鳥,呢一刻仲插緊接近9﹪

如果,呢排嘅急升係因為speculate nokia (NOK) 會買ALU,我會轉VIEW,唔會買或者唔會買咁多。

唔知佢今日插得畀人勁係咪因為佢個裁員計劃,全球要裁一萬人。(Alcatel-Lucent to Reduce 10,000 Jobs as Losses Mount

我個人LONG咗ALU可能有BIASE啦,但係我覺得裁人對公司係好事喎。佢話裁都係2G/3G嘅部門,落後就剪,一次過痛好過半死不活。壞處咪又要畀錢做restructuring,咁要畀就唔該一次過畀晒佢,股價要重新上路就一定要放手一搏,來個大整頓之後先可以重新開始,失敗咪又跌返1蚊,依家3.50,但成功嘅話,唔好講重返高峰(試過85蚊以上⋯⋯),高峰嘅10分1都8.50啦。

ALU依家重點係去返LTE加雲端,仲有佢搞埋海底電纜,我無乜研究,但聽落都好似好勁咁⋯⋯ANYWAY,ALU咁慘主要係因為被華為等強勁中國對手打到無咗好多市場,華為PLAN咗嘅R﹠D已經多過歐洲啲對手,曾經睇過有網友分享,中國工程師平過西方國家咁多,3,4個中國工程師鬥你一個鬼佬,你點夠佢鍊?依家仲要燒錢多過你,分分鐘係5個鬥你1個。

集中火力,攻有前景嘅市場,資源集中嘅話,如果從細分領域睇,就未必係5個鬥1個。

智能手機爆發,的確為呢尐網路基建設備製造商提供好大嘅商機。市場係有,個餅應會繼續大落去,搶到就你驘。ALU呢尐前朝皇者,我相信如果可以搵返自己條路,有大把遺產畀佢可以做到一尐唔係三幾年就做到嘅事,有尐好勁嘅產品,其實係幾樣嘢深耕到一個程度再整合一齊先做得到,仲有係科技嘢唔做先行者就好易踩到人地專利。如果唔肯去擺脫過去,就會好似KODAK柯達,呢間公司係發明數碼相機嘅廠商,但最後競敗在自己開發嘅產品手上。

可能輸到傻咗,吹水吹到唔記得要講乜。

ALU其實在我心目中,佢似Sony。之前有過光輝歲月,又係架構好大,但業績長期唔好,市值跌剩幾分之一,但係背後嘅實力又未必如股價般咁差。以技術實力,真係山大斬埋有柴,SONY咁計,佢地呢幾年嘅影像事業其實搞得好好,手機用嘅SENSOR佢地係全球銷量最高,iphone 5S都用佢。但可惜呢尐公司個通病係搞得太大,你賺返嚟都唔夠某尐部門去蝕。一旦「止蝕」咗呢尐部門,業績將會爆發。

正當小米手機估值去到10b美元,ALU,百年老店,8.5b(當然外加幾b負債同埋一個蝕錢業務,呢個先最大鑊)。諗到呢到,忽然有尐感嘆。但我好明白條數唔可以咁計,尤其係我係「炒」股票而唔係「投資」股票嘅人。(其實我覺得好多炒股嘅人嘅FA底,比起成日開口埋口價值投資嘅人勁好多⋯⋯睇下雪球班高手,要FA去到佢地個程度,我真係諗唔到點追上去)

老實講,ALU我係見個圖吸引,又有故事講,我先衝入去。4G LTE加雲端,就係新CEO個THE SHIFT PLAN所講嘅嘢。覺得吸引,就下注。FA嘢要吹,吹到下年都未吹完。

ALU呢尐過氣明星,一旦有新故事可以講,想像空間極大。我相信有尐嘢,係要呢個規模嘅公司先做到。無幻想空間嘅,1B市值都唔買。有嘅話,100B都可以繼續吹,何況,ALU只係一間8.5b嘅公司。佢去年12月headcount 72,000,我當佢已經cut人,再加埋2015年要減1萬人嘅plan,點計都有5萬幾人。一間5萬幾人嘅公司,如果可以重拾正軌,動能一定好勁好勁。

ALU係其中一隻TURNAROUND STORY,SNE都是,NOK都是。

科技公司,等嘅可能係一個大賣嘅產品。做基建嘅ALU都唔例外。睇下佢可唔可以出到個「殺手級」應用喇。

ALU,爭氣吧。無買中興通訊(763)都嚟支持你架。(其實係咪應該買埋763?)

張貼在 , 個股跟進 | 標記 , , , , | 6 則迴響

進擊Alcatel Lucent (ALU)!

幾大就幾大,沙蟹就沙蟹

TSLA咁款,唔係唔追下化!

高追有風險,但佢個圖實在太吸引,今日開市唔記得追已是敗筆!

勇者們,衝啊!

 

張貼在 | 標記 , | 1 則迴響

電影《激戰》帶來的啟發

(其實呢篇嘢,寫嚟畀自己睇多過係值得分享,不過如果有人想提點下小弟係無任歡迎!)

近來,狂輸,完全是losing streak。你見我提及過既江西銅(358)同中國太平(966)都唔太好表現就略知一二,不過其實呢2隻以百份比計,我唔太輸得多,德林國際(1126)我本來是全身而退(平均價1.5左右沽了),但好衰唔衰走去接刀,就出事,即日斬咗了,如果唔斬,現價計再輸7,8個巴仙。

單一大輸應該無,但中、小程度嘅敗仗係連續不斷咁發生,不斷止蝕,疊加起來就係好大嘅虧蝕。

事後檢討,就是要再再再提醒自己,一旦發現手風唔順,真係要忍手。其實今次都忍咗少少,不過可以再忍多尐。AT LEAST,唔忍手都要縮細注碼。今次要輸咗好多鑊先縮注,不過都好過唔縮。

其實如果好以我炒咁密,咁爛賭(好多人都話TRADE得密唔好,我覺得長遠嚟講是成立,不過我覺得TRADE得密對我呢尐初學者都有一個好處:加快feedback loop。)連續輸錢係會常有發生。輸係無何避免,我只可以做嘅係盡快重拾正軌。

重拾正軌條件有二:1)輸嗰陣輸少尐 和 2)盡快搵返手風順嘅感覺,終結losing streak。

輸少尐,簡單,縮注或者唔落注。純粹係心態問題。輸得多,對倉位同心理都有壞影響,而如果心理被影響,會加劇輸錢,壞循環就會發生。一定要盡快終止佢。跌咗落呢個旋渦可以好大鑊。輸少尐嘅重要性係保留實力。輸10﹪甚至係15﹪都唔係好難追返,但你輸咗3,4成先剪,真係好難翻身。

盡快搵到手風順嘅感覺,就是要重整旗鼓,搵返自己之前打勝仗嘅感覺。要諗返起之前係點樣do that good trade。

講到呢度終於同個標題有關。電影《激戰》有一幕講張家輝教彭于晏嗰陣,教佢要打出自己嘅節奏,如果你可以令對手跌落你嘅節奏,咁你就可以驘佢。返屋企唔知點解又記得起呢一幕,又好自然咁套用喺炒股入面。

無錯,我就係無咗自己個節奏,你幻想下,你要trade嗰個instrument就係你嘅對手,你同呢個「對手」戰鬥你打唔出你嘅節奏,結果就係成日高追低沽,不斷止蝕。好就輕傷離場,重則就被人直接KO。

我無乜理論,因為我都唔睇書,我只係不斷落場感受市場。我花咗一尐精力去觀察股票嘅運動,每隻股票都確有其股性,可以講佢地都有佢自己嘅節奏。試下舉例:中集安瑞科(3899)。呢隻股票市值唔細,但係盤就是疏,係大上大落型。可以講呢隻股係比較難玩,因為佢好易會突然爆上,咁如果你以為佢要「開車」跟咗佢個節奏,你好易坐艇(我自己試過好多鑊),相反,爆落都好容易,你以為佢會狂插?佢又會升返你睇,咁又好易剪錯嘢(呢個我又試過好多次)。睇到呢度,係咪想講「都話短炒係死梗架啦!」其實有尐intra-day嘅movement,睇圖都必會睇到,但有尐feel就是從呢尐觀察獲得。

越寫越亂係我一向嘅弊病,總之,一定要搵到自己嘅節奏。邊個位要渣,要加注,要離場,都一定要跟住自己個節奏。跟足都可能會照樣輸錢,但係驘面一定遠比你無跟為大。所謂嘅節奏其實我無乜定義,就是你追渣沽嘅timing。而背後影響住你呢個timing,就係你一路以來建立嘅trading rules或者係strategy之類啦。

如果發現自己同隻股嘅節奏唔係好啱,即時離場多數無衰。

p.s. 《激戰》真係好睇,畀錢入場支持下港產片吧,我覺得呢套好過好多西片喎⋯⋯

張貼在 , fatlone's view | 標記 , , , | 發表留言

好似有唔少人「艇」緊呢隻:中油燃氣(603)(仲有中國電力(2380))

燃氣股,都有過一段不短嘅美好時光。

可能好日子實在太長,令大家都沉溺喺入面,總之好多人總有一隻半隻燃氣股係個倉入面,而更是不少人嘅「核心持股」

603最靚嗰段升浪已經在今年3月完結。之後呢半年,都是浮浮沉沉。

呢幾日,更連續下跌,近2日成交更明顯增加。求其打開張圖睇睇,「都幾樣衰下」⋯⋯

星期一(26號)出業績,睇下又會點?去到呢個位,就坐多日吧⋯⋯唔爭在。

呢尐股其實先輸死人,燃氣股喎,個個都讚好,又有增長,佢唔升姐都無跌呀(mid to long term計)!你渣住呢尐股,已經輸咗機會成本,磨足半年都係咁,依家仲要穿埋底,業績前先搞尐咁嘅嘢,我諗若非對其業績有充份了解及信心爆棚,一定唔會舒服得去邊。唉,唔係想抽水,只係慨嘆呢尐外表善良嘅股先令人輸得最甘。唔輸過錢點買到教訓呢?

中國電力(2380)好似都有不少人想買或者已經持有。你仲諗緊煤價下跌(或者KEEP住平)或者覺得水電仲有得去?業績好好喎,同比增長1.6倍喎⋯⋯ 我覺得2380已經唔sexy嚕,仲有,煤股彈緊啦都,煤價係咪有尐嘢呢?水電?雨季過咗一半有多啦?今年都落唔少雨啦,再增長係咪即係再落多尐?我唔敢講2380要gameover,但係,唔sexy嘅公司,做乜仲要買?我買股係好濫,但係同時都好揀擇,無幻想空間嘅股票,除非個圖好靚(因為我覺得無姐,但好有機會係我唔識嘢發掘唔到佢sexy個位),根本就唔應該買,就算買都唔會大注。

我咁講可能得罪不少人,而我亦只是一個成日輸錢兼有時好「燈」嘅小小老散,可能一出完POST第二日603同2380就即刻見底回升都未定。歡迎留言交換看法,多謝。

========================================
吹水區:

現在嘅我沉迷炒作,可能好快會炒到破產。可是,我又唔見得打著「價值投資」旗號嘅人又有邊個係勁到無倫,你有信心勝過雪球網或者中國內地嘅高手嗎?我純粹以個股分析而言,基本上,無乜邊個做到一樣買股票極之重要嘅嘢:前瞻性。

你拎份年報出嚟刨,好喇,你真係好熟間公司喇,得出既結論係間公司好好,值得持有甚至要加注。我好求其咁舉個例子,就手機股啦,前幾個月幾強勢大家都好清楚。手機股王,一定唔會無瑞聲科技(2018)份。之前就炒iphone啦(都好耐之前嘅事),之後話有三星訂單嘛,所以iphone嘅衰落仲有三星頂住,咁依家佢又做乜跌呢?兩大龍頭都幫襯佢喎⋯⋯我都唔知,我無研究亦從未買過2018,而我覺得佢要跌都合理。蘋果三星個份額可以講話係飽和咗,如果瑞聲過往嘅增長動力無以為繼,就算盈利保持到,但因為增長前景無以前咁好,調低earning multiple,由20倍變成15倍,都要唔見25﹪啦(如果純利不變)。我唔係話2018死梗,不過,如果做功課嘅程度仲未深入到可以預視佢未來嘅增長動力(即是發掘真正嘅價值),例如可能是知道佢仲有新客戶,或者新產品帶來新財路,或者身為龍頭嘅佢地位進一步鞏固,做成Oligopoly 寡頭壟斷嘅局面令到佢享有溢價(或者呢一點現時已經price-in咗),等等,即係諗唔到有理由要繼續升。如果隻股票諗唔到有升嘅理由,就唔好玩。如果覺得佢會升,但實情佢係跌,咁就要重新檢視自己嘅看法,永遠先尊重市場(如果掉返轉你覺得佢會跌但佢又升畀你睇都要重新再睇過)不過,太多人個self-esteem太強,做唔到快速修正看法,結果多數是輸死。

忽然覺得講完一大輪都講唔到重點⋯⋯

OK,用呢句做結論:如果你嘅研究並未能真正解釋到公司嘅業績股價嘅升跌,例如你仲係覺得間公司RUN得好好但股價已經回落咗好多,離場吧,我地做散戶最大嘅優勢係倉位細,易走鬼,咁都唔好好利用,太傻了。

以上全部都係我亂UP,重申,我從來無研究過2018⋯⋯

我呢尐亂UP全部係圍繞佢前景。如果講前景,手機界現時增長最勁係平價smartphone,以此思路去睇,我會揀台股聯發科(2454)。因為佢係專門研發平價手機解決方案,sony嘅中低階機都係用佢嘅出品,實質乜嘢係「解決方案」⋯⋯well,我無深究⋯⋯不過,睇下人地個股價表現,我相信市場已經話咗你知佢好唔好。

歡迎大家留言交流,多謝!

張貼在 , fatlone's view | 標記 , , , | 9 則迴響